ແນະນຳ ສນຊ (LFND)

ໜັງສື�žິມ

ເຂົ້າສູ່ລະບົບ

  • Desert
  • Desert
  • Desert
  • Desert
  • Desert
  • Desert


ທ່ານ ປະທານສູນກາງແນວລາວສ້າງຊາດ ຕ້ອນຮັບ ຄະນະຜູ້ແທນ ສະມາຄົມແບ່ງປັນຄວາມຮັກຊຸມຊົນ ແຫ່ງ ສ. ເກົາຫຼີ(2019-07-18)

    ທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ໄດ້ຕ້ອນຮັບ ການເຂົ້າຢ້ຽມຂໍ່ານັບ ຂອງທ່ານ ລີ ອຶນ ດົກ (Lee Eun Deok) ປະທານສະມາຄົມແບ່ງປັນຄວາມຮັກຊຸມຊົນ ສ. ເກົາຫຼີ ພ້ອມດ້ວຍຄະນະ ໃນໂອກາດທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ໃນ ສປປ ລາວ. ທີ່ສູນກາງແນວລາວສ້າງຊາດ ໃນວັນທີ 18 ກໍລະກົດ 2019 ນີ້.

ອ່ານຕໍ່ >>

ພິທີປາຖະກະຖາ ວັນຄ້າຍວັນເກີດ ປະທານ ສຸພານຸວົງ ຄົບຮອບ 110 ປີ(2019-07-18)

ສານປະຊາຊົນສູງສຸດ ໄດ້ຈັດພິທີປາຖະ​ກະຖາ ວັນຄ້າຍວັນເກີດປະທານ ສຸພານຸວົງ ຄົບຮອບ 110 ປີ (13/07/1909-13/07/2019) ຂຶ້ນ​ໃນ​ວັນ​ທີ 17 ກໍລະກົດ 2019 ທີ່​ຫ້ອງປະຊຸມຊັ້ນ 4 ສານປະຊາຊົນສູງສຸດ ໂດຍເປັນ​ກຽດ​​ປາຖະກະຖາ​ຂອງ​ທ່ານ ນ. ຍອດແກ້ວມະນີ ສຸພານຸວົງ ຮອງປະທານສູນກາງແນວລາວສ້າງຊາດ (ສນຊ) ມີທ່ານ ຄໍາພັນ ບຸນພາຄົມ, ຮອງປະທານສານປະຊາຊົນສູງສຸດ, ມີບັນດາທ່ານຫົວໜ້າ-ຮອງຫົວໜ້າກົມ ຕະຫຼອດຮອດພະນັກງານ-ລັດຖະກອນຂອງສານປະຊາຊົນສູງສຸດ ແລະ ສານປະຊາຊົນນະຄອນຫຼວງວຽງຈັນຈໍານວນໜຶ່ງເຂົ້າຮ່ວມຮັບຟັງ.

ອ່ານຕໍ່ >>

ກອງປະຊຸມຄະນະພັກ ສນຊ ເປີດກວ້າງ ຄັ້ງທີ 4 ສະໄໝທີ IV ແລະ ເຊື່ອມຊຶມມະຕິ 8 ຂອງສູນກາງພັກ(2019-07-18)

    ຄະນະພັກ ສູນກາງແນວລາວສ້າງຊາດ(ສນຊ) ໄດ້ຈັດກອງປະຊຸມເປີດກວ້າງ ຄັ້ງທີ 4 ສະໄໝທີ IV ຂຶ້ນໃນວັນທີ 15 ກໍລະກົດ 2019 ນີ້, ໂດຍການເປັນປະທານຂອງ ສະຫາຍ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ເລຂາຄະນະພັກ, ປະທານສູນກາງແນວລາວສ້າງຊາດ, ເຂົ້າຮ່ວມມີ ສະຫາຍ ຄຳໃບ ດຳລັດ ກຳມະການສູນກາງພັກ, ຮອງເລຂາຄະນະພັກ, ຮອງປະທານສູນກາງແນວລາວສ້າງຊາດ, ມີບັນດາສະຫາຍຄະນະປະຈຳພັກ, ຄະນະພັກ, ເລຂາ-ຮອງເລຂາໜ່ວຍພັກ, ສະມາຊິກພັກອາວຸໂສອຳນານ ແລະ ສະມາຊິກພັກ ສນຊ ເຂົ້າຮ່ວມ.

ອ່ານຕໍ່ >>

ພິທີເຊັນບົດບັນທຶກຊ່ວຍຈຳ(2019-07-18)

ພິທີເຊັນບົດບັນທຶກຊ່ວຍຈຳຮ່ວມມື ລະຫວ່າງ ສູນກາງແນວລາວສ້າງຊາດ ແລະ ໂຮງໝໍການແພດພື້ນເມືອງສູນກາງ ສສ ຫວຽດນາມ ຢູ່ທີສູນກາງແນວລາວສ້າງຊາດ ໃນວັນທີ 12 ກໍລະກົດ 2019. ໃນພິທີເຊັນບົດບັນທຶກຄັ້ງນີ້ ໂດຍມີ ທ່ານ ດຣ ຈັນເພັງ ສຸດທິວົງ ກຳມະການສູນກາງແນວລາວສ້າງຊາດ, ຫົວໜ້າຫ້ອງການສູນກາງແນວລາວສ້າງຊາດ, ທ່ານ ນາງ ເຈືອງ ທິ ຊວັນ ຮ່ວາ ຮອງຜູ້ອຳນວຍການໂຮງໝໍການແພດພື້ນເມືອງສູນກາງ ສສ ຫວຽດນາມ. ໂດຍ ເປັນກຽດເຂົ້າຮ່ວມຂອງ ທ່ານ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ, ທ່ານ ນາງ ດຣ ວິພາວັນ ພົມວິຫານ ຄະນະທີປຶກສາໂຄງການອາຫານໂລກ ປະຈຳ ສູນກາງແນວລາວສ້າງຊາດ ພ້ອມດ້ວຍພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ. 

ອ່ານຕໍ່ >>

ສູນກາງແນວລາວສ້າງຊາດ ຮ່ວມກັບ ຄອບຄົວ,ລູກຫຼານ ສຸພານຸວົງ ພ້ອມກັນຈັດຕັ້ງກອງອັດຖະໃຫ້ແກ່ທ່ານປະທານ ສຸພານຸວົງ(2019-07-15)

    ເນື່ອງໃນໂອກາດວັນຄ້າຍວັນເກີດທ່ານປະທານ ສຸພານຸວົງ ຄົບຮອບ 110 ປີ ( 13/07/1909 – 13/07/2019) ສູນກາງແນວລາວສ້າງຊາດ ຮ່ວມກັບ ຄອບຄົວ,ລູກຫຼານ ສຸພານຸວົງ ພ້ອມກັນຈັດຕັ້ງກອງອັດຖະໃຫ້ແກ່ທ່ານປະທານ ສຸພານຸວົງ ໄດ້ມີຈິດໃຈ ສັດທາໃພະພຸດທະສາສະໜາ ໄດ້ພ້ອມກັນຈັດຕັ້ງກອງອັດຖະ 2 ກອງເພື່ອອຸທິດສ່ວນບຸນກຸສົນເຖີງທ່ານປະທານ ສຸພານຸວົງ ແລະ ທ່ານ ນ. ວຽງຄຳ ສຸພານຸວົງ ໃນຕອນແລງຂອງວັນທີ 12/07/2019 ທີອານຸສອນສະຖານທ່ານ ປະທານ ສຸພານຸວົງ ເຊິ່ງໃນນີ້ໄດ້ມີພິທີສູດປະຣິຕະມຸງຄຸນ ຕາມຮີດຄອງປະເພນີ.

ອ່ານຕໍ່ >>

ຄະນະນຳສູນກາງແນວລາວສ້າງຊາດວາງກະຕ່າດອກໄມ້ທີ່ອານຸສອນສະຖານທ່ານປະທານສຸພານຸວົງ ແລະ ສຸສານນັກຮົບຫຼັກ 24(2019-07-12)

    ເນື່ອງໃນໂອກາດລະນຶກວັນຄ້າຍວັນເກີດຂອງ ທ່ານປະທານ ສຸພານຸວົງ ຄົບຮອບ 110 ປີ (13/7/1909-13/7/2019), ຄະນະນຳສູນກາງແນວລາວສ້າງຊາດ, ບັນດາອົງການຈັດຕັ້ງມະຫາຊົນ ແລະ ກຳມະການສູນກາງແນວລາວສ້າງຊາດ ອ້ອມຂ້າງສູນກາງໄດ້ ໄປວາງກະຕ່າດອກໄມ້ທີ່ອານຸສອນສະຖານທ່ານປະທານ ສຸພານຸວົງ ໃນວັນທີ 12 ກໍລະກົດ 2019 ນີ້,

ອ່ານຕໍ່ >>

ພິທີປາຖະກະຖາ ວັນຄ້າຍວັນເກີດ ປະທານ ສຸພານຸວົງ ຄົບຮອບ 110 ປີ(2019-07-11)

ເນື່ອງ​ໃນ​ໂອກາດ​​ວັນຄ້າຍວັນເກີດ​ຂອງປະທານ ສຸ​ພານຸ​ວົງ ຄະນະ​ໂຄສະນາ​ອົບຮົມສູນກາງພັກ ຮ່ວມກັບ ສູນກາງແນວລາວສ້າງຊາດ (ສນຊ) ໄດ້ຈັດພິທີປາຖະ​ກະຖາ ວັນເກີດປະທານ ສຸພານຸວົງ ຄົບຮອບ 110 ປີ (13/07/1909-13/07/2019) ຂຶ້ນ​ໃນ​ວັນ​ທີ 10 ກໍລະກົດ 2019 ທີ່​ສະໂມສອນຄະນະໂຄສະນາ-ອົບຮົມສູນກາງພັກ ໂດຍເປັນ​ກຽດ​​ປາຖະກະຖາ​ຂອງ​ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ (ສນຊ) ມີທ່ານ ສີປະເສີດ ແສນສະຫວັດ ຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ມີບັນດາຜູ້ຕາງໜ້າມາຈາກ ກະຊວງ, ອົງການ, ພະແນກການຕ່າງໆເຂົ້າຮ່ວມຮັບຟັງ.

ອ່ານຕໍ່ >>

ກອງປະຊຸມເຊື່ອມຊຶມບົດບາດຜູ້ຊົງຄຸນວຸດທິ ກັບການປົກປັກຮັກສາອະນຸລັກ ສິ່ງແວດລ້ອມ-ສັງຄົມ ແລະ ທຳມະຊາດ(2019-07-11)

ວັນທີ 9 ກໍລະກົດ 2019 ນີ້, ສູນກາງແນວລາວສ້າງຊາດ(ສນຊ) ຮ່ວມກັບແນວລາວສ້າງຊາດ ເມືອງນາກາຍ ຈັດກອງປະຊຸມເຊື່ອມຊຶມບົດບາດຜູ້ຊົງຄຸນວຸດທິ ກັບການປົກປັກຮັກສາອະນຸລັກ ສິ່ງແວດລ້ອມ-ສັງຄົມ ແລະ ທຳມະຊາດ ຂຶ້ນທີ່ເມືອງນາກາຍ, ແຂວງຄຳມ່ວນ, ໂດຍການເປັນປະທານຮ່ວມ ຂອງທ່ານ ຄຳໃບ ດຳລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ, ທ່ານ ໂອໄດ ສຸດາພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ແຂວງຄຳມ່ວນ, ມີທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ, ມີທ່ານ ແສງທອງ ພະຄຸນທອງ ປະທານແນວລາວສ້າງຊາດແຂວງ, ມີບັນດາທ່ານຕາງໜ້າພະແນກການ, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ຜູ້ຊົງຄຸນວຸດທິຂອງແຂວງ ແລະ ເມືອງດັ່ງກ່າວ ເຂົ້າຮ່ວມ.

ອ່ານຕໍ່ >>

ທ່ານຮອງປະທານສູນກາງແນວລາວສ້າງຊາດຖະແຫຼງຂ່າວວັນຄ້າຍວັນເກີດທ່ານປະທານ ສຸພານຸວົງ ຄົບຮອບ 110 ປີ (2019-07-11)

ທ່ານ ນ. ຍອດແກ້ວມະນີ ສຸພານຸວົງ ຮອງປະທານສູນກາງແນວລາວສ້າງຊາດ ໄດ້ຖະແຫຼງຂ່າວວັນຄ້າຍວັນເກີດທ່ານປະທານສຸພານຸວົງຄົບຮອບ 110 ປີ (13 ກໍລະກົດ 1909 - 13 ກໍລະກົດ 2019) ໃນວັນທີ 8 ກໍລະກົດ 2019 ທີ່ ສູນກາງແນວລາວສ້າງຊາດ.

 

ອ່ານຕໍ່ >>

ສນຊ ຮ່ວມກັບສູນເລືອດແຫ່ງຊາດ ແລະ ວີເລີບຢູ ຈັດກິດຈະກຳບໍລິຈາກເລືອດ ລະນຶກເຖິງວັນຄ້າຍ ວັນເກີດທ່ານ ປະທານສຸພານຸວົງ ຄົບຮອບ 110 ປີ.(2019-07-11)

ວັນທີ 10 ມີຖຸນາ 2019 ນີ້, ສູນກາງແນວລາວສ້າງຊາດຮ່ວມກັບສູນເລືອດແຫ່ງຊາດ ແລະ ມູນນິທິວີເລີບຢູ ໄດ້ຈັດກິດຈະກຳບໍລິຈາກເລືອດແບບເປີດກ້ວາງ ພາຍໃຕ້ຄຳຂວັນ ‘’ ການບໍລິຈາກເລືອດແມ່ນຮັກຊາດ ແລະ ພັດທະນາ ‘’ ໂດຍການເປັນປະທານ ຂອງທ່ານ ຮສ ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ, ທ່ານ ຈັນທະລາ ສຸກສາຄອນ ຫົວໜ້າອຳນວຍການສູນເລືອດແຫ່ງຊາດ, ທ່ານ ນາງ ຄິມ ອົກ ຄີ ຫົວໜ້າອົງການວີເລີບຢູຄອບຄົວທ່ານກົງສູນກິດຕິມະສັກ ແຫ່ງສີລັງກາ ປະຈໍາ ສປປລາວ, ມີບັນດາທ່ານຫົວໜ້າກົມ, ຮອງກົມ,ພະນັກງານ - ລັດຖະກອນ ແລະ ມ່ວນຊົນເຂົ້າຮ່ວມ ຢູ່ຫ້ອງປະຊຸມໃຫຍ່ຊັ້ນ 2 ຂອງສຳນັກງານສູນກາງແນວລາວສ້າງຊາດ.

ອ່ານຕໍ່ >>

ທ່ານ ຮອງປະທານ ສນຊ ຕ້ອນຮັບການເຂົ້າຢ້ຽມຂ່ຳນັບ ຂອງຄະນະຜູ້ແທນອົງການ ໂຣຕາຣີ ສາກົນ(2019-07-05)

     ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ ຜູ້ຊີ້ນຳວຽກງານຊັ້ນຄົນ ແລະ ອົງການຈັດຕັ້ງສັງຄົມ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ກະມົນສັກ ວິສິດສະກຸນໄຊ ຜູ້ວ່າການພາກ 3360 ອົງການໂຣຕາຣີ ສາກົນ ພ້ອມດ້ວຍຄະນະ, ໃນວັນທີ 4 ກໍລະກົດ 2019 ນີ້ ທີ່ສູນກາງແນວລາວສ້າງຊາດ (ສນຊ).

ອ່ານຕໍ່ >>

ທ່ານ ປະທານ ສນຊ ໂອ້ລົມຕໍ່ສະມາຄົມນັກທຸລະກິດໜຸ່ມແຫ່ງຊາດລາວ(2019-07-05)

      ພິທີພົບປະໂອລົມຂອງ ທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ຕໍ່ສະມາຄົມນັກທຸລະກິດໜຸ່ມແຫ່ງຊາດລາວ ໄດ້ຈັດຂຶ້ນໃນວັນທີ 3 ກໍລະກົດ 2019 ນີ້, ທີ່ສູນກາງແນວລາວສ້າງຊາດ(ສນຊ), ເປັນກຽດເຂົ້າຮ່ວມມີ ທ່ານ ຄໍາໃບ ດໍາລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ, ມີທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີບັນດາທ່ານຮອງປະທານ ສນຊ, ຫົວໜ້າ-ຮອງຫົວໜ້າຫ້ອງການ, ບັນດາກົມ ແລະ ສູນຝຶກອົບຮົມ ສນຊ, ສູນກາງຊາວໜຸ່ມ ແລະ ບັນດາທ່ານສະມາຊິກສະມາຄົມນັກທຸລະກິດໜຸ່ມແຫ່ງຊາດລາວເຂົ້າຮ່ວມ.

ອ່ານຕໍ່ >>

ພິທີ ມອບ-ຮັບ ໜ້າທີ່ຊີ້ນໍາຂອງບັນດາທ່ານຮອງປະທານ ສນຊ(2019-07-04)

ໃນວັນທີ 3 ກໍລະກົດ 2019 ນີ້, ທີ່ສູນກາງແນວລາວສ້າງຊາດ ໄດ້ຈັດພິທີ ມອບ-ຮັບ ໜ້າທີ່ຊີ້ນໍາ ລະຫວ່າງບັນດາທ່ານຮອງປະທານ ສູນກາງແນວລາວສ້າງຊາດ (ສນຊ) ໂດຍເປັນກຽດເຂົ້າຮ່ວມຂອງທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານ ສນຊ, ມີບັນດາທ່ານຮອງປະທານ ສນຊ, ບັນດາຫົວໜ້າ-ຮອງຫົວໜ້າກົມ, ຫ້ອງການ, ສູນ ແລະ ຕະຫຼອດຮອດພະນັກງານ-ລັດຖະກອນ ສນຊ ເຂົ້າຮ່ວມ.

ອ່ານຕໍ່ >>

ທ່ານປະທານສູນກາງແນວລາວສ້າງຊາດເຂົ້າຮ່ວມປູກຕົ້ນໄມ້ໃນເຂດໂຄງການ ສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດຕິດພັນກັບການແກ້ໄຂຄວາມທຸກຍາກ(2019-06-30)

     ວັນທີ 29 ມິຖຸນາ 2019 ນີ້, ສູນກາງແນວລາວສ້າງຊາດຮ່ວມກັບກຸ່ມບໍລິສັດພົງສະຫວັນ ຈຳກັດ ໄດ້ຈັດພິທີປູກຕົ້ນໄມ້ໃນເຂດໂຄງການ ສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດຕິດພັນກັບການແກ້ໄຂຄວາມທຸກຍາກ ຂອງປະຊາຊົນລາວບັນດາເຜົ່າ ທີ່ຈຸດສຸມໂພນສະອາດ ເມືອງລ້ອງຊານ ແຂວງໄຊສົມບູນ.

ອ່ານຕໍ່ >>

ກອງປະຊຸມໃຫຍ່ ຄັ້ງທີ VII ຂອງສະຫະພັນກຳມະບານ ສນຊ(2019-06-29)

    ສະຫະພັນກຳມະບານ ສູນກາງແນວລາວສ້າງຊາດ ໄດ້ຈັດກອງປະຊຸມໃຫຍ່ ຄັ້ງທີ VII ຂຶ້ນໃນວັນທີ 28 ມິຖຸນາ 2019 ທີ່ສູນກາງແນວລາວສ້າງຊາດ, ໂດຍການເປັນປະທານຂອງ ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ, ປະທານສະຫະພັນກຳມະບານສູນກາງແນວລາວສ້າງຊາດ, ເປັນກຽດເຂົ້າຮ່ວມໂດຍ ທ່ານ ສີມູນ ອຸ່ນລາສີ ຮອງເລຂາຄະນະພັກ, ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ມີ ທ່ານ ນາງ ຄຳຈັນ ພົມແສງສະຫວັນ ຄະນະປະຈຳພັກ, ຮອງປະທານສູນກາງແນວລາວສ້າງຊາດ, ມີບັນດາທ່ານຄະນະພັກ ສນຊ, ຄະນະບໍລິຫານງານສະຫະພັນກຳມະບານ ສນຊ, ຫົວໜ້າ-ຮອງຫົວໜ້າໜ່ວຍກຳມະບານ ແລະ ສະມາຊິກກຳມະບານ ສນຊ ເຂົ້າຮ່ວມ.

ອ່ານຕໍ່ >>



                                                               

ປະຕິທີນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ວາລະສານ

ວີດີໂອຂ່າວ

ຈຳນວນຜູ້ເຂົ້າຊົມ

»  1   ອອນໄລ
»  28 ມື້ນີ້
»  9 ມື້ວານນີ້
»  48 ອາທິດນີ້
»  172 ເດືອນນີ້
»  1499 ປີນີ້
»  8014 ທັງໜົດ

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ

Samsun Ara� Kiralama;