ແນະນຳ ສນຊ (LFND)

ໜັງສື�žິມ

ເຂົ້າສູ່ລະບົບ

  • Desert
  • Desert
  • Desert
  • Desert
  • Desert
  • Desert


ທ່ານ ຮອງປະທານ ສນຊ ຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນຈາກມະຫາວິທະຍາໄລຊົນເຜົ່າພາກກາງ-ພາກໃຕ້ ສປ ຈີນ(2018-10-30)

ທ່ານ ເຍ່ຍເກີຢ່າ ໜໍຈໍຈົງຕົວຄະນະພັກ, ຄະນະປະຈຳ, ຮອງປະທານສູນກາງແນວລາວສ້າງຊາດ ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ປາວ ເຊິງຊຽງ ຮອງຫົວໜ້າກົມພົວພັນຕ່າງປະເທດ ຂອງມະຫາວິທະຍາໄລຊົນເຜົ່າພາກກາງ-ພາກໃຕ້ ສປ ຈີນ ພ້ອມດ້ວຍຄະນະ, ທີ່ສູນກາງແນວລາວສ້າງຊາດ(ສນຊ) ວັນທີ 29 ຕຸລາ 2018 ນີ້.

ອ່ານຕໍ່ >>

ສນຊ ສ້າງຂະບວນການກິລາ ເພື່ອຂ່ຳນັບຮັບຕ້ອນ ກອງປະຊຸມປະທານອົງການພຸດທະສາສະໜາ 3 ປະເທດ ລາວ-ຫວຽດນາມ-ກຳປູເຈຍ(2018-10-30)

ເນື່ອງໃນໂອກາດທີ່ສູນກາງແນວລາວສ້າງຊາດ, ອົງການພຸດທະສາສະໜາສຳພັນລາວ ແລະ ພາກສ່ວນກ່ຽວຂ້ອງ ໄດ້ຮັບກຽດເປັນເຈົ້າພາບຈັດກອງປະຊຸມປະທານອົງການພຸດທະສາສະໜາ 3 ປະເທດ ລາວ-ຫວຽດນາມ-ກຳປູເຈຍ ທີ່ຈະມາເຖິງໃນລະຫວ່າງວັນທີ 11-14 ພະຈິກ 2018 ນີ້ ທີ່ນະຄອນຫຼວງວຽງຈັນ. ໃນວັນທີ 26 ຕຸລາ 2018 ນີ້, ສູນກາງແນວລາວສ້າງຊາດ(ສນຊ), ກະຊວງພາຍໃນ, ອົງການພຸດທະສາສະໜາສຳພັນລາວ ແລະ ແນວລາວສ້າງຊາດນະຄອນຫຼວງວຽງຈັນ ໄດ້ຮ່ວມກັນຈັດຂະບວນການແຂ່ງ ຂັນກິລາບານເຕະຍິງ-ຊາຍ ເພື່ອຂ່ຳນັບຮັບຕ້ອນກອງປະຊຸມດັ່ງກ່າວ, ກ່າວເປີດພິທີໂດຍທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ເປັນກຽດເຂົ້າຮ່ວມມີທ່ານ ບຸນທ່ຽງ ຂຸນສີ ຄະນະປະຈຳພັກ, ປະທານແນວລາວສ້າງຊາດ ນະຄອນຫຼວງວຽງຈັນ ພ້ອມດ້ວຍນັກກິລາແຕ່ລະພາກສ່ວນເຂົ້າຮ່ວມ.

ອ່ານຕໍ່ >>

ຄະນະປະຈຳ ສູນກາງແນວລາວສ້າງຊາດ ຢ້ຽມຢາມຟາມຂີ້ກະເດືອນ(2018-10-30)

ໃນວັນທີ 26 ຕຸລາ 2018 ນີ້, ທ່ານ ແກ້ວຈະເລີນ ເຊ່ຍຢິ້ງຢ່າງ ຄະນະພັກ, ຄະນະປະຈຳ, ຫົວນ້າກົມໂຄສະນາ-ອົບຮົມ ສູນກາງແນວລາວສ້າງຊາດ ພ້ອມດ້ວຍບັນດາທ່ານ ຫົວໜ້າ-ຮອງຫົວໜ້າພະແນກ ແລະ ພະນັກງານວິຊາການ ຂອງກົມໂຄສະນາ-ອົບ ຮົມ ສູນກາງແນວລາວສ້າງຊາດ ໄປທັດສະນະສຶກສາທີ່ຟາມລ້ຽງຂີ້ກະເດືອນ ຂອງທ່ານ ນາງ ສິລິພອນ ສຸວັນນະສິດ ສະມາຊິກສະ ມາຄົມຄຸນຄ່າລາວ ຢູ່ບ້ານໜອງພະຍາ, ເມືອງໄຊທານີ, ນະຄອນຫຼວງວຽງຈັນ, ໂດຍການຕ້ອນຮັບຂອງທ່ານ ນາງ ແກ້ວມະນີວອນ ຜາລີຂັນ ເພື່ອນຮ່ວມງານຂອງສູນກາງແນວລາວສ້າງຊາດ, ປະທານສະມາຄົມຄຸນຄ່າລາວ.

ອ່ານຕໍ່ >>

ຄະນະປະຈຳສູນກາງແນວລາວສ້າງຊາດເຄື່ອນໄຫວຢ້ຽມຢາມປະຊາຊົນ ແຂວງບໍລິຄຳໄຊ(2018-10-29)

ລະຫວ່າງວັນທີ 21-25 ທ່ານ ແກ້ວຈະເລີນ ເຊ່ຍຢິ້ງຢ່າງ ຄະນະປະຈຳສູນກາງແນວລາວສ້າງຊາດ ຫົວໜ້າກົມໂຄສະນາ-ອົບຮົມ, ທ່ານ ລຳສະໄໝ ວໍລະສານ ຄະນະປະຈຳພັກແຂວງ ປະທານແນວລາວສ້າງຊາດແຂວງບໍລິຄຳໄຊ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມປະຊາຊົນຢູ່ ເມືອງວຽງທອງ ແຂວບໍລິຄຳໄຊ. ​ເຊິ່ງ​ເປັນ​ເຂດຈຸກ​ສຸມ​ທົ່ມີ​ໄຊ​ເປັນ​ເຂດ​ຫ່າງ​ໄກ​ສອກຫຼີກ​ຫ່າງ​ເທດສະບານ​ເມືອງ 120 ກ່ວາ ກມ ​ເປັນ​ເຂດ​ລັດ​ຖະ​ບານຈັກສານ​ພູ​ມລຳ​ເນົາ​ໃຫ້​ປະຊາຊົນ​ຜູ້​ທີ່ຢູ່​ເລື່ອນລອຍ​ແບບ​ກະ​ແຈກ​ກະຈາຍ​ກ່ອນປີ 2000.

ອ່ານຕໍ່ >>

ພິທີມອບບັດພະນັກງານ-ລັດຖະກອນ ໃຫ້ສູນກາງແນວລາວສ້າງຊາດ(2018-10-29)

ພິທີມອບບັດພະນັກງານ-ລັດຖະກອນ ໃຫ້ພະນັກງານ ສູນກາງແນວລາວສ້າງຊາດ(ສນຊ)ຊຸດທີ I ໄດ້ຈັດຂຶ້ນໃນວັນທີ 19 ຕຸລາ 2018 ນີ້, ໂດຍການປະທານຂອງທ່ານ ຄຳຫຼ້າ ລີ້ງນະສອນ ຄະນະພັກ, ຮອງປະທານ ສນຊ, ເປັນກຽດເຜີຍແຜ່ຄຳແນະນຳ ກ່ຽວ ກັບການອອກບັດພະນັກງານ-ລັດຖະກອນ ໂດຍທ່ານ ວິໄຊ ພັນດານຸວົງ ຄະນະພັກ, ຮອງລັດຖະມົນຕີກະຊວງພາຍໃນ, ມີບັນດາຮອງປະທານ ສນຊ, ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ,ພ້ອມດ້ວຍພະນັກງານວິຊາການຂອງ ສນຊ ເຂົ້າຮ່ວມ.

ອ່ານຕໍ່ >>

ກອງປະຊຸມປຶກສາຫາລື ໃນການຕິດຕາມ,ຊຸກຍູ້ການໂຄສະນາວຽກງານໂພສະນາການ ແລະ ການສັກຢາກັນພະຍາດ(2018-10-22)

ສູນກາງແນວລາວສ້າງຊາດ ຮ່ວມກັບ ອົງການຢູ່ນິເຊັບປະຈໍາ ສປປ ລາວ ໄດ້ເປີດກອງປະຊຸມປຶກສາຫາລືກ່ຽວກັບ ແນວລາວ ສ້າງຊາດຂັ້ນແຂວງ ໃນການຕິດຕາມ, ຊຸກຍູ້ ການໂຄສະນາວຽກງານໂພຊະນາການ, ການສັກຢາກັນພະຍາດ, ສຸຂະອານາໄມ, ການຕ້ານການໃຊ້ຄວາມຮຸນແຮງຕໍ່ເດັກ, ການຕ້ານການຄ້າມະນຸດ ແລະ ການສຶກສາສໍາລັບເດັກໃນໄວຮຽນ ໂດຍເປັນກຽດ ເຂົ້າຮ່ວມຂອງທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ມີ ທ່ານ ຄໍາເຈນ ວົງໂພສີ ກໍາມະການສູນກາງພັກ, ເລຂາພັກແຂວງ ເຈົ້າແຂວງໆຜົ້ງສາລີ, ທ່ານ ມິໂອຊິນຢຸນ ຮອງຜູ້ຕາງໜ້າອົງ ການຢູນິເຊັບ ປະຈໍາ ສປປ ລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ ທີ່ຫ້ອງປະຊຸມປົກຄອງເມືອງ ຜົ້ງສາລີ, ແຂວງ ຜົ້ງສາລີ ໃນວັນທີ 19 ຕຸລານີ້.

ອ່ານຕໍ່ >>

ທ່ານ ປະທານ ສູນກາງແນວລາວສ້າງຊາດ ເຄື່ອນໄຫວຢ້ຽມຢາມ ເຮັດວຽກ ແລະ ໂອ້ລົມ ຢູ່ແຂວງ ຜົ້ງສາລີ(2018-10-22)

ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ພ້ອມຄະນະ ໄດ້ເຄື່ອນໄຫວຢ້ຽມ ຢາມ,​ ເຮັດວຽກຢູ່ແຂວງ ຜົ້ງສາລີ ໃນລະຫວ່າງວັນທີ 18-20 ຕຸລາ 2018ນີ້ ໂດຍໄດ້ຮັບການຕ້ອນຮັບຈາກທ່ານ ຄໍາເຈນ ວົງໂພສີ ກໍາມະ ການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ ໃນວາລະການ ເຄື່ອນໄຫວ ທ່ານ ປະທານສູນກາງ ແນວລາວສ້າງຊາດໄດ້ພົບປະ ແລະ ເຮັດວຽກກັັບຄະນະນຳຂັ້ນແຂວງ, ແນວລາວສ້າງຊາດ ແລະ ອົງການຈັດຕັ້ງມະຫາຊົນຂອງແຂວງ ທີ່ສະໂມສອນຫ້ອງວ່າການປົກຄອງ ແຂວງ ຜົ້ງສາລີ.

ອ່ານຕໍ່ >>

“ແນວລາວຮັກຊາດ” ໃຈກາງເຕົ້າໂຮມຄວາມສາມັກຄີປະຊາຊົນລາວບັນດາຊົນເຜົ່າໃນການປະຕິວັດຊາດ ປະຊາທິປະໄຕ ຢູ່ປະເທດເຮົາ(2018-10-22)

ແນວລາວຮັກຊາດ” ໃຈກາງເຕົ້າໂຮມຄວາມສາມັກຄີປະຊາຊົນລາວບັນດາຊົນເຜົ່າ ໃນການປະຕິວັດຊາດ ປະຊາ ທິປະໄຕ ຢູ່ປະ ເທດເຮົາ ເປັນໜຶ່ງໃນ 5 ຫົວຂໍ້ທີ່ໄດ້ສະເໜີລາຍງານຕໍ່ກອງປະຊຸມສໍາມະນາວິທະຍາສາດ ພາຍໃຕ້ຫົວຂໍ້ “ເມືອງວຽງໄຊ-ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ” (30 ພະຈິກ 1968 – 30 ພະຈິກ 2018) ພາຍໃຕ້ ການເປັນປະທານຂອງ ທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ ຮອງປະທານປະເທດແຫ່ງ ສປປ ລາວ ໂດຍມີການນຳພັກ-ລັດ, ພະນັກ ງານປະຕິວັດອາວຸໂສບຳນານ, ພະນັກງານຫຼັກແຫ່ງບັນດາກະຊວງ-ອົງການ ຕະຫຼອດຮອດນັກຮຽນຮູ້ປັນຍາຊົນເຂົ້າຮ່ວມ ທັງໝົດ 543 ທ່ານ, ທີ່ຫໍປະຊຸມແຫ່ງຊາດ (ຫຼັກ 6) ນະຄອນຫຼວງວຽງ ຈັນ ໃນວັນທີ 18 ຕຸລາ 2018;

ອ່ານຕໍ່ >>

ຜົນສໍາເລັດກອງປະຊຸມຄະນະປະຈໍາ ສູນກາງແນວລາວສ້າງຊາດເປີດກວ້າງ ຄັ້ງທີ 3 ສະໄໝທີ X(2018-10-22)

ກອງປະຊຸມຄະນະປະຈໍາສູນກາງແນວລາວສ້າງຊາດເປີດກວ້າງ ຄັ້ງທີ 3 ສະໄໝທີ X ໄດ້ອັດລົງດ້ວຍຜົນສໍາເລັດອັນຈົບງາມ ໃນວັນທີ 17 ຕຸລານີ້ ທີ່ສູນກາງແນວລາວສ້າງຊາດ ພາຍຫລັງດໍາເນີນມາເປັນເວລາ 2 ວັນ ໂດຍການເປັນປະທານຂອງທ່ານ ປອ ໄຊ ສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ມີບັນດາທ່ານຮອງປະທານ, ຄະ ນະປະຈໍາສູນກາງແນວລາວສ້າງຊາດ, ບັນດາທ່ານຄະນະກໍາມະການສູນກາງແນວອ້ອມຂ້າງສູນກາງ, ກໍາມະການສູນກາງແນວລາວສ້າງຊາດບັນດາແຂວງ, ນະຄອນຫຼວງ ພ້ອມດ້ວຍ ປະທານ 4 ອົງການຈັດຕັ້ງມະຫາຊົນ ແລະ ແຂກຖືກເຊີນເຂົ້າຮ່ວມ.

ອ່ານຕໍ່ >>

ພິທີກ່າວເປີດ ກອງປະຊຸມຄະນະປະຈໍາສູນກາງແນວລາວສ້າງຊາດ ເປີດກ້ວາງຄັ້ງທີ 3 ສະໄໝທີ X.(2018-10-19)

ກອງປະຊຸມຄະນະປະຈໍາສູນກາງແນວລາວສ້າງຊາດ ເປີດກ້ວາງຄັ້ງທີ 3 ສະໄໝທີ X ໄດ້ເປີດຂື້ນໃນວັນທີ 16-17ຕຸລາ 2018, ທີ່ສູນກາງແນວລາວສ້າງຊາດ

ອ່ານຕໍ່ >>

ອະດີດການນຳພັກ-ລັດ ເຄື່ອນໄຫວຕິດຕາມຜົນເສຍຫາຍຈາກໄພນ້ຳຖ້ວມ ຢູ່ແຂວງວຽງຈັນ(2018-10-15)

ທ່ານ ສີສະຫວາດ ແກ້ວບຸນພັນ ອະດີດກຳມະການກົມການເມືອງສູນກາງພັກ, ອະດີດປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ເຄື່ອນໄຫວຕິດຕາມຜົນເສຍຫາຍຈາກຜົນກະທົບໄພນ້ຳຖ້ວມ ຢູ່ແຂວງວຽງຈັນ, ໃນອາທິດຜ່ານມານີ້, ໂດຍໄດ້ຮັບການຕ້ອນຮັບອັນອົບອຸ່ນຂອງ ທ່ານ ບຸນສອນ ເພັດລາວັນ ຄະນະປະຈໍາພັກແຂວງ, ຮອງເຈົ້າແຂວງແຂວງວຽງຈັນ, ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ, ປະທານແນວລາວສ້າງຊາດແຂວງວຽງຈັນ ພ້ອມດ້ວຍຄະນະນຳແຕ່ລະຂະແໜງການຂອງແຂວງ.

ອ່ານຕໍ່ >>

ຮັບສະມາຊິກພັກໃໝ່(2018-10-12)

ສູນກາງແນວລາວສ້າງຊາດ ໄດ້ຈັດພິທີເລື່ອນສະມາຊິກພັກສໍາຮອງເປັນສະມາຊິກພັກສົມບູນ ໂດຍເປັນປະ ທານຂອງ ສະຫາຍ ຄໍາຫຼ້າ ລິ້ງນະສອນ, ຄະນະພັກ, ຮອງປະທານສູນກາງແນວລາວສ້າງຊາດ, ມີບັນດາສະຫາຍຄະນະໜ່ວຍພັກກົມ,ຫ້ອງການ ແລະ ສູນຝຶກອົບຮົມ ພ້ອມດ້ວບສະມາຊິກພັກເຂົ້າຮ່ວມ ໃນວັນທີ 11 ຕຸລາ 2018 ນີ້.

ອ່ານຕໍ່ >>

ແນວລາວສ້າງຊາດນະຄອນຫຼວງ ແລະ ອົງການ ຄອດ໌ ປະຈໍາ ສປປ ລາວ ຮ່ວມມືໃນໂຄງການ ເຊື່ອມທັດສະນະ ການພັດທະນາແບບຍືນຍົງ(2018-10-12)

ພິທີເຊັນບົດບັນທຶກຊ່ວຍຈໍາ ລະຫວ່າງ ແນວລາວສ້າງຊາດນະຄອນຫຼວງວຽງຈັນ ແລະ ອົງການ ຄອດ໌ ປະຈໍາ ສປປ ລາວ ກ່ຽວກັບການຮ່ວມມື “ໂຄງການເຊື່ອມທັດສະນະ ການພັດທະນາແບບຍືນຍົງ ຢ່າງທົ່ວເຖິງກັນ ເຂົ້າໃນການສ້າງຄອບ ຄົວ ແລະ ບ້ານສາ ມັກຄີປອງດອງ” ພິທີເຊັນສັນຍາຄັ້ງນີ້ ໂດຍມີ ທ່ານ ບຸນທ່ຽງ ຂຸນສີ ຄະນະປະຈໍາພັກ, ປະທານແນວລາວສ້າງຊາດນະຄອນຫຼວງວຽງຈັນ, ທ່ານ ນ. ໂອລາລີ ເປນເລີໂທຣ ຜູ້ຕາງໜ້າອົງການ ຄອດ໌ ປະຈໍາ ສປປ ລາວ ຮ່ວມລົງນາມເຊັນສັນຍາ.ໂດຍເປັນກຽດເຂົ້າຮ່ວມຂອງທ່ານ ຮສ ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ມີບັນດາຮອງປະທານແນວລາວຊາດສ້າງນະຄອນຫຼວງ, ປະທານແນວເມືອງ ພ້ອມດ້ວຍພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມເປັນສັກ ຂີພິຍານ ທີ່ ໂຮງ ແຮມ ເມີກຽວ ວັນທີ 11 ຕຸລາ 2018 ນີ້.

ອ່ານຕໍ່ >>

ພິທີ ມອບ-ຮັບ ອຸປະກອນ ແລະ ພາຫະນະ ຈາກອົງການອາຫານໂລກ(2018-10-12)

ພິທີມອບ-ຮັບ ເຄື່ອງຊ່ວຍເຫຼືອໄດ້ຈັດຂຶ້ນ ໃນວັນທີ 11 ຕຸລານີ້, ທີ່ ສູນກາງແນວລາວສ້າງຊາດ, ຕາງໜ້າມອບເຄື່ອງຊ່ວຍເຫຼືອໃນຄັ້ງນີ້ແມ່ນທ່ານ ຢານ ເດລບາເຮີ ຜູ້ອໍານວຍການ ທັງເປັນຜູ້ຕາງໜ້າອົງການອາຫານໂລກ ປະຈໍາລາວ ແລະ ກ່າວຮັບຂອງ ທ່ານ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ມີບັນດາແຂກຖືກເຊີນທັງສອງຝ່າຍເຂົ້າຮ່ວມ

ອ່ານຕໍ່ >>

ກອງປະຊຸມປຶກສາຫາລື ຮອບທີ 2 ກ່ຽວກັບບາງຮີດຄອງປະເພນີຂອງຊົນເຜົ່າມົ້ງ(2018-10-10)

ເພື່ອອະນຸລັກ ແລະ ເສີມຂະຫຍາຍວັດທະນະທຳ ໂດຍສະເພາະແມ່ນບາງຮີດຄອງປະເພນີອັນດີງາມ ຂອງຊົນເຜົ່າມົ້ງ ຢູ່ ສປປ ລາວ ທີ່ເຄີຍຈັດຕັ້ງປະຕິບັດກັນມາແຕ່ດຶກດຳບັນ ໃຫ້ຍືນຍົງຄົງຕົວຢູ່ກັບຊົນເຜົ່າມົ້ງ ແລະ ຊາດລາວເຮົາ.

ອ່ານຕໍ່ >>



                                                           

ປະຕິທີນ

Jun-2019
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ວາລະສານ

ວີດີໂອຂ່າວ

ຈຳນວນຜູ້ເຂົ້າຊົມ

»  1   ອອນໄລ
»  12 ມື້ນີ້
»  14 ມື້ວານນີ້
»  26 ອາທິດນີ້
»  171 ເດືອນນີ້
»  1230 ປີນີ້
»  7745 ທັງໜົດ

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ

Samsun Ara� Kiralama;