ແນະນຳ ສນຊ (LFND)

ຄະນະຜູ້ແທ່ນສູນກາງແນວລາວສ້າງຊາດເຂົ້າຮ່ວມງານສະຫຼອງບຸນປີໃໝ່ລາວຢູ່ທີ່ສຳນັກງານສະຖານທູດລາວ ວໍຊິງຕັນ ດີຊີ

ໃນວັນທີ 27/04/2019, ຄະນະຜູ້ແທນສູນກາງແນວລາວສ້າງຊາດ ນຳໂດຍທ່ານ ຫຽມ ພົມມະຈັນ, ກຳມະການສູນກາງແນວລາວສ້າງຊາດ, ຫົວໜ້າຄະນະທີ່ປຶກສາວຽກງານອ້າຍນ້ອງເຊື້ອຊາດລາວຢູ່ຕ່າງປະເທດ ພ້ອມດ້ວຍພັນລະຍາ ແລະ ຄະນະອີກ 3 ທ່ານໄດ້ເຂົ້າຮ່ວມງານສະຫຼອງບຸນປີໃໝ່ລາວ

     ຊຶ່ງສະຖານເອກອັກຄະລັດຖະທູດແຫ່ງ ສປປ ລາວ ປະຈຳ ສ.ອາເມລິກາ ແລະ ການາດາ ຮ່ວມກັບ ສຳນັກງານຜູ້ຕາງໜ້າຖາວອນແຫ່ງ ສປປ ລາວ ປະຈຳ ອົງການສະຫະປະຊາຊາດທີ່ນະຄອນ ນິວຢອກ ໄດ້ຮ່ວມກັນຈັດຂຶ້ນຢູ່ທີ່ສຳນັກງານສະຖານທູດລາວ ທີ່ວໍຊິງຕັນ ດີຊີ ໂດຍມີຄະນະສະຖານທູດ ແລະ ສຳນັກງານຕາງໜ້າຖາວອນ ພ້ອມກັບພີ່ນ້ອງເຊື້ອຊາດລາວຢູ່ ບັນດາລັດໃນ ອາເມລິກາ ແລະ ການາດາ ເຂົ້າຮ່ວມຫຼາຍຮ້ອຍຄົນ. ໃນງານດັ່ງກ່າວ, ທ່ານຫົວໜ້າຄະນະທີ່ປຶກສາ ໄດ້ມີຄໍາເຫັນກ່ຽວກັບແນວທາງນະໂຍບາຍທີ່ເປີດກວ້າງຂອງ ສປປ ລາວ ຕໍ່ກັບພີ່ນ້ອງເຊື້ອຊາດລາວທີ່ດໍາລົງຊີວິດຢູ່ຕ່າງປະເທດ. ໃນຕອນໜື່ງທ່ານໄດ້ຍົກໃຫ້ເຫັນນະໂຍບາຍຂອງລັດຖະບານທີ່ເວົ້າວ່າ:"ພີ່ນ້ອງເຊື້ອຊາດລາວທີ່ດຳລົງຊີວິດຢູ່ຕ່າງປະເທດແມ່ນສ່ວນນຶ່ງຂອງວົງຄະນະຍາດແຫ່ງຊາດ". ທ່ານຈຶ່ງສະເຫນີວ່າໃນຖານະທີ່ເປັນສ່ວນນຶ່ງຂອງວົງຄະນະຍາດພີ່ນ້ອງເຊື້ອຊາດລາວທີ່ຢູ່ຕ່າງປະເທດຈະປະກອບສ່ວນອັນໃດແດ່ໃນພາລະກິດປົກປັກຮັກສາ ແລະ ສ້າງປະເທດຊາດ? ສ່ວນເບື້ອງລັດຖະບານແຫ່ງ ສປປ ລາວ ແມ່ນພວມປັບປຸງ ແລະ ສ້າງໃຫມ່ນິຕິກຳຈຳນວນນຶ່ງເພື່ອອຳນວຍຄວາມສະດວກໃຫ້ພີ່ນ້ອງລາວທີ່ຢູ່ຕ່າງປະເທດໃນການມີສ່ວນຮ່ວມເພຶ່ອສ້າງສາພັດທະນາປະເທດຊາດ.

ແລະ ທ່ານສາມາດຕິດຕາມຂ່າວຂອງພວກເຮົາໄດ້ອິກທີ່ facebook: ແນວລາວສ້າງຊາດ ສູນກາງ

2019-04-30

ປະຕິທິນ

May-2019
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ