ແນະນຳ ສນຊ (LFND)

ແນວລາວສ້າງຊາດແຂວງໄຊສົມບູນສຳເລັດກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າທົ່ວແຂວງໄຊສົມບູນ

ວັນທີ 30 ເມສາ 2019 ນີ້ ທີ່ຫ້ອງປະຊຸມຫ້ອງວ່າການແຂວງໄຊສົມບູນ ແນວລາວສ້າງຊາດແຂວງໄຊສົມບູນໄດ້ຈັດກອງປະຊຸມພົບປະຜູ້ຊົງຄຸນວຸດທິທົ່ວແຂວງໄຊສົມບູນ ໂດຍການເປັນປະທານ ຂອງທ່ານ ເລັ່ງຊົ່ງ ຕົ່ງສີ ກຳມະການພັກແຂວງ ປະທານແນວລາວສ້າງຊາດແຂວງໄຊສົມບູນ ເປັນກຽດເຂົ້າຮ່ວມມີທ່ານ ຄຳໃບ ດຳລັດ ກຳມະການສູນກາງພັກ ຮອງປະທານສູນກາງແນວລາວສ້າງຊາດ, ທ່ານ ພົຕ ຄຳລຽງ ອຸທະໄກສອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆ ໄຊສົມບູນ, ມີພະແນກການອ້ອມຂ້າງແຂວງ ຕະຫຼອດຮອດຜູ້ຊົງຄຸນວຸດທິບັນດາຊົນເຜົ່າທົ່ວແຂວງໄຊສົມບູນເຂົ້າຮ່ວມ.

      ໃນນີ້, ທ່ານ ຄຳລຽງ ອຸທະໄກສອນ ກໍ່ໄດ້ມີຄຳເຫັນຕໍ່ກອງປະຊຸມເຊິ່ງທ່ານໄດ້ຍົກໃຫ້ເຫັນສະພາບລວມການພັດທະນາເສດຖະກິດ-ສັງຄົມ ຂອງແຂວງ ແລະ ຄວາມສຳຄັນຂອງກອງປະຊຸມໃນຄັ້ງນີ້, ທ່ານໄດ້ໃຫ້ບັນດາທ່ານຜູ້ຊົງຄຸນວຸດທິຈົ່ງສຸມສະຕິປັນຍາປະກອບຄຳຄິດຄຳເຫັນຕໍ່ກອງປະຊຸມເພື່ອເຮັດໃຫ້ມີຄວາມໝາຍຢ່າງເລີກຊຶ່ງ ແລະ ສະທ້ອນໃຫ້ເຫັນສະພາບຄວາມເປັນຈິງໃນແຕ່ລະທ້ອງຖີ່ນ. ຫຼັງຈາກນີ້, ທ່ານ ທຸນ ເພັດສະໝອນ ຮອງປະທານແນວລາວສ້າງຊາດແຂວງໄຊສົມບູນ ໄດ້ລາຍງານການຈັດຕັ້ງປະຕິບັດວຽກຜູ້ຊົງຄຸນວຸດທິໃນການເຕົ້າໂຮມຄວາມສາມັດຄີປະຊາຊົນລາວບັນດາເຜົ່າໃນໄລຍະຜ່ານມາ ແລະ ທິດທາງຈຸດສຸມໃນຕໍ່ໜ້າເຊິ່ງທ່ານກ່າວວ່າ: ຕະຫຼອດໄລຍະຜ່ານມາອຳນາດການປົກຄອງແຂວງແຕ່ລະຂັ້ນໄດ້ຖືສຳຄັນ ແລະ ຍົກສູງບົດບາດຜູ້ຊົງຄຸນວຸດທິ ເພື່ອສຶກສາອົບຮົມການເມືອງ-ແນວຄິດໃຫ້ແກ່ພໍ່ແມ່ປະຊາຊົນ ບັນດາເຜົ່າທົ່ວແຂວງໄຊສົມບູນເຊິ່ງເຫັນວ່າມີແນວຄິດອຸ່ນອ່ຽງທຸ່ນທ່ຽງ, ມີສະຖຽງລະພາບທາງດ້ານການເມືອງໂດຍພື້ນຖານ ພ້ອມກັນນີ້, ກໍ່ໄດ້ຮັບຟັງການປະກອບຄຳຄິດຄຳເຫັນຈາກຜູ້ຊົງຄຸນວຸດທິຈາກແຕ່ລະເມືອງຢ່າງກົງໄປກົງມາອິກດ້ວຍ.
       ໂອກາດນີ້, ທ່ານ ຄຳໃບ ດຳລັດ ກໍ່ໄດ້ມີຄຳເຫັນໂອ້ລົມກອງປະຊຸມດັ່ງກ່າວ ເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາຜົນງານທີຄະນະນຳແຂວງກໍ່ຄືຜູ້ຊົງຄຸນວຸດທິບັນດາຊົນເຜົ່າຍາດມາໄດ້ໃນໄລຍະຜ່ານມາ ພ້ອມດຽວກັນນັ້ນ ທ່ານໄດ້ຍົກໃຫ້ເຫັນໄດ້ບົດບາດ, ຄວາມສຳຄັນ ຂອງຜູ້ຊົງຄຸນວຸດທິຕໍ່ສັງຄົມໃນເມື່ອກ່ອນ ກໍ່ຄືປະຈຸບັນ ແລະ ທ່ານໄດ້ເນັ້ນໃຫ້ຜູ້ຊົງຄຸນວຸດທິບັນດາຊົນເຜົ່າທົ່ວແຂວງໄຊສົມບູນຈົ່ງສຶບຕໍ່ສຶກສາອົບຮົມ, ເປັນຄັນທຸງເຕົ້າໂຮມຄວາມສາມັກຄີປອງດອງປະຊາຊົນລາວບັນດາເຜົ່າ, ຊັ້ນຄົນ, ສາສະໜາ, ເພດ-ໄວ ພາຍໃຕ້ການນຳພາ ຂອງພັກ, ປຸກລະດົມປະຊາຊົນເຂົ້າຮ່ວມທຸກຂະບວນການທີ່ສຳຄັນຂອງຊາດ ແລະ ຈົ່ງພ້ອມກັນຈັດຕັ້ງມະຕິ X ຂອງພັກ, ມະຕິກອງປະຊຸມໃຫຍ່ຄັ້ງທີ X ຂອງແນວລາວສ້າງຊາດ ກໍ່ຄືແຜນພັດທະນາເສດຖະກິດ- ສັງຄົມແຫ່ງຊາດ 5 ປີຄັ້ງທີ VIII ຂອງລັດໃຫ້ໄດ້ຮັບຜົນດີ.

2019-05-02

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ