ແນະນຳ ສນຊ (LFND)

ທ່ານ ຮອງປະທານ ສູນກາງແນວລາວສ້າງຊາດລົງຊຸກຍູ້ວຽກງານກົງຈັກແລະ ບຸກຄະລາກອນຢູ່ ສາມແຂວງພາກກາງ

ໃນອາທິດທີ່ຜ່ານມາ ທ່ານ ຄຳຫຼ້າ ລີ້ງນະສອນ ຮອງປະທານສູນກາງແນວລາວສ້າງຊາດຜູ້ຊີ້ນຳວຽກງານຈັດຕັ້ງ ແລະ ພະນັກງານ ຂອງສູນກາງແນວລາວສ້າງຊາດໄດ້ລົງເຄື່ອນໄຫວວຽກງານກ່ຽວກັບບຸກຄະລາກອນ ແລະ ກົງຈັກການຈັດຕັ້ງຂອງແນວລາວສ້າງຊາດຢູ່ໃນຂັ້ນແຂວງ, ເມືອງ ແລະ ບ້ານ ຢູ່ສາມແຂວງ ພາກກາງຄື: ແຂວງ ສະຫວັນນະເຂດ, ແຂວງຄໍາມ່ວນ ແລະ ແຂວງ ບໍລິຄໍາໄຊ.

ໃນການລົງເຄື່ອນໄຫວວຽກງານໃນຄັ້ງນີ້ ທ່ານ ຄຳຫຼ້າ ລີ້ງນະສອນ ໄດ້ເຂົ້າພົບບັນດາສະຫາຍເລຂາພັກແຂວງ,ຮອງເລຂາພັກແຂວງຂອງບັນດາແຂວງທີທ່ານໄດ້ເຄື່ອນໄຫວ ເພື່ອແຈ້ງຈຸດປະສົງ ແລະ ເປົ້າໝາຍໃນການມາເຄື່ອນໄຫວວຽກງານໃນຄັ້ງນີ້, ນອກຈາກນັ້ນກໍ່ໄດ້ພົບປະກັບບັນດາປະທານແນວລາວສ້າງຊາດ ແຂວງ,ເມືອງ ແລະ ພະແນກອົງການທີ່ກ່ຽວຂ້ອງເປັນຕົ້ນ ຫົວໜ້າຫ້ອງວ່າການແຂວງ, ຫົວໜ້າຄະນະຈັດຕັ້ງແຂວງ, ພາຍໃນແຂວງໂດຍມີການປຶກສາຫາລືກ່ຽວກັບການກະກຽມດຳເນີນກອງປະຊຸມ 3 ຂັ້ນຂອງພັກ ສະບັບເລກທີ 04/ຄລສພ,ລົງວັນທີ07/05/2018; ການປະຕິບັດຄຳແນະນຳ ເລກທີ 067/ສນຊ; ຄຳແນະນຳເລກທີ 071 /ສນຊ; ຄຳສັ່ງແນະນຳຂອງຄະນະເລຂາທິການສູນກາງພັກສະບັບເລກທີ 19/ຄລສພ, ລົງວັນທີ 30/6/2015.ໃຫ້ມີປະສິດຕິພາບດີຂຶ້ນເລື້ອຍໆ, ການລົງເຄື່ອນໄຫວຊຸກຍູ້ວຽກງານຂອງທ່ານ ຮອງປະທານໃນຄັ້ງນີ້ ທ່ານໄດ້ເຈາະຈີ້ມບັນດາໜ້າວຽກທີ່ມີການປະສານງານກັບບັນດາພະແນກພາຍໃນແຂວງ, ກົງຈັກການຈັດຕັ້ງຂອງແນວລາວສ້າງຊາດ ມີ 07 ໜ່ວຍງານ ແລະ  04 ຂະແໜງການຢູ່ພາຍໃນເມືອງ ແລະ ການປະກອບບຸກຄະລາກອນເຂົ້າເໝາະສົມກັບໜ້າວຽກຕົວຈິງແລ້ວບໍ່?

        ໃນຕອນທ້າຍ ທ່ານ ຮອງປະທານສູນກາງແນວລາວສ້າງຊາດຜູ້ຊີ້ນຳວຽກງານຈັດຕັ້ງ ແລະ ພະນັກງານ ໄດ້ຮຽກຮ້ອງໃຫ້ບັນດາທຸກຂະແໜງການຂອງແຂວງ ແລະ ເມືອງຈົ່ງພ້ອມກັນປະຕິບັດໃນການກະກຽມດ້ານບຸກຄະລາກອນໃຫ້ແກ່ກອງປະຊຸມໃຫຍ່ຂອງພັກ ແລະ ຂອງອົງການແນວລາວສ້າງຊາດທີ່ຈະມາເຖິງໃຫ້ຮັບປະກັນທາງດ້ານຄຸນນະພາບ ແລະ ປະລິມານ.

2019-05-02

ປະຕິທິນ

May-2019
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ