ແນະນຳ ສນຊ (LFND)

ທ່ານປະທານ ສນຊ ໄປເຄື່ອນໄຫວຢ້ຽມຢາມພົບປະໂອ້ລົມພະນັກງານຫຼັກແຫຼ່ງເມືອງໜອງບົກ

ໃນວັນທີ 23ພຶດສະພາ 2019 ນີ້, ທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມເຮັດວຽກ ທີ່ເມືອງໜອງບົກ, ແຂວງຄຳມ່ວນ, ໂດຍເປັນກຽດເຂົ້າຮ່ວມມີທ່ານ ໂອໄດ ສຸດາພອນ ກຳມະການສູນກາງພັກ, ເລຂາພັກແຂວງເຈົ້າແຂວງໆຄຳມ່ວນ, ບັນດາທ່ານພະນັກງານຫຼັກແຫຼ່ງຂອງແຂວງ ແລະ ເມືອງ, ທະຫານ-ຕໍາຫຼວດຮອດຜູ້ຊົງຄຸນວຸດທິເຂົ້າຮ່ວມ.

ທ່ານ ສິນທະສອນ ມະຫາໂຄດ ເລຂາພັກເມືອງເຈົ້າເມືອງໆໜອງບົກໄດ້ຂຶ້ນລາຍງານສະພາບການຊີ້ນຳພາ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໂດຍສັງເຂບໃຫ້ທ່ານປະທານ ສນຊ ໄດ້ຮັບຊາບວ່າ: ເມືອງໜອງບົກມີເນື້ອທີ່ທັງໝົດ 313 ກິໂລຕາແມັດ ທ່າແຮງການຜະລິດຂອງເມືອງຖືເອົາການຜະລິດກະສິກຳ ລ້ຽງສັດ ເປັນຕົ້ນຕໍ ຕິດພັນກັບອຸດສາຫະກຳປຸງແຕ່ງ ເປັນຍຸດທະສາດໃນການພັດທະນາ ແລະ ມີແຮ່ທາດເກືອກາລີ, ມີພື້ນຖານໂຄງລ່າງຖະໜົນຫົນທາງ ແລະ ໄຟຟ້າໄປທົ່ວເຖິງທຸກບ້ານ. ທົ່ວເມືອງມີ 55 ບ້ານ, 8,997 ຄອຍຄົວ, ພົນລະເມືອງ 52.165 ຄົນ ຍິງ 26.602 ຄົນ ປະກອບມີ 3 ຊົນເຜົ່າໃຫຍ່ຄື: ຊົນເຜົ່າລາວ, ຜູ້ໄທ ແລະ ເຜົ່າມະກອງ.

     ໃນໂອກາດນີ້, ທ່ານ ປະທານ ສນຊ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກຄະນະນຳຂອງແຂວງ ແລະ ເມືອງທີ່ໄດ້ເອົາໃຈໃສ່ຊີ້ນຳໆພາ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງ ພ້ອມກັນນີ້, ທ່ານ ໄດ້ເນັ້ນໃຫ້ເມືອງເອົາໃຈໃສ່ແກ້ໄຂ ຊີວິດການເປັນຢູ່ຂອງປະຊາຊົນ, ກະກຽມການຜະລິດລະດູນາປີ ໃຫ້ທ່ວງທັນເວລາ. ທ່ານຍັງໄດ້ຮຽນຮ້ອງໃຫ້ພະນັກງານຫຼັກແຫຼ່ງ, ທະຫານ-ຕຳຫຼວດ ແລະ ຜູ້ຊົງຄຸນວຸດທິຂອງແຂວງ ແລະ ເມືອງສືບຕໍ່ສຶກສາອົບຮົມເຕົ້າໂຮມຄວາມສາມັກຄີປະຊາຊົນບັນດາເຜົ່າເຂົ້າຮ່ວມປະກອບສ່ວນໃນຂະບວນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີ່ນກ້າວເທື່ອລະກ້າວ ໃນໂອກາດນີ້, ທ່ານ ປະທານ ສນຊ ພ້ອມດ້ວຍຄະນະໄດ້ໄປຢ້ຽມຊົມເຂດການຜະລິດກະສິກໍາໂດຍສະເພາະແມ່ນຜະລິດເຂົ້າ ຢູ່ ບ້ານ ທ່າມ່ວງ ເມືອງໜອງບົກຕື່ມອີກ.

2019-05-24

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ