ແນະນຳ ສນຊ (LFND)

ວັນວິລະກໍາໂຕນຄຸກຢ່າງມະຫັດສະຈັນຂອງຜູ້ນໍາພັກ ແລະ ແນວລາວສ້າງຊາດ ຄົບຮອບ 59 ປີ

ໃນວັນທີ 24 ພຶດສະພາ 2019 ທີ່ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ຈັດພິທີປາຖະກະຖາວັນວິລະກຳໂຕນຄຸກຢ່າງມະຫັດສະຈັນຂອງຜູ້ນໍາພັກ ແລະ ແນວລາວສ້າງຊາດ ຄົບຮອບ 59 ປີ ( 20 ພຶດສະພາ 1960-20 ພຶດສະພາ 2019 ) ໃຫ້ກຽດປາຖະກະຖາຂອງທ່ານ ຄໍາໃບ ດໍາລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ, ໂດຍການເຂົ້າຮ່ວມຂອງທ່ານ ແກ້ວວິສຸກ ໂສລະພົມ ກຳມະການພັກກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ຫົວໜ້າສູນອິນເຕີເນັດແຫ່ງຊາດ ແລະ ຄະນະພັກກະຊວງ, ຄະນະກົມທຽບເທົ່າ,ຄະນະອໍານວຍການບໍລິສັດລັດວິສາຫະກິດ, ພະນັກງານຫຼັກແຫຼ່ງອ້ອມຂ້າງກະຊວງເຂົ້າຮ່ວມທັງໝົດຈໍານວນ 160 ທ່ານ, ຍິງ 71 ທ່ານ.

ໂອກາດນີ້ ທ່ານ ຄໍາໃບ ດຳລັດ ໄດ້ຍົກໃຫ້ເຫັນສະພາບ ແລະ ການເຄື່ອນໄຫວປະຕິວັດ ຂອງບັນດາທ່ານຜູ້ນໍາພັກ ແລະ ແນວລາວສ້າງຊາດ ໃນໄລຍະ 1959-1975 ໃນການໃຊ້ໄຫວພິກຍຸດທະສາດ, ຍຸດໂທບາຍ, ກົນລິຍຸດອັນແຫຼມຄົມ ປີຊາສາມາດອົງອາດກ້າແກ່ນ, ນໍ້າໃຈຮັກຊາດຮັກປະຊາຊົນ ແລະ ນໍ້າໃຈເສຍສະຫຼະອັນສູງສົງ, ບໍ່ຍອມຈໍານົນເປັນຂ້ອຍຂ້າມ້າໃຊ້ກັບຊາດອື່ນ. ວິລະກໍາອັນລໍ້າເລີດມະຫັດສະຈັນຂອງບັນດາທ່ານຜູ້ນໍາໃນການກະກຽມໂຕນອອກຈາກຄຸກຕະຫຼອດໄລຍະເວລາຜ່ານມາເກືອບ 300 ວັນ, ຜູ້ນໍາເຮົາທີ່ຢູ່ໃນຄຸກໄດ້ຂົນຂວາຍພວກສາລະວັດທະຫານທີ່ເຂົ້າມາເວນຍາມຄຸກໄດ້ຮັບໝາກຜົນເປັນຢ່າງດີການໂຕນຄຸກແບບຮ່ວມໝູ່ຂອງບັນດາຜູ້ນໍາພັກ ແລະ ແນວລາວສ້າງຊາດ ຄັ້ງມະຫັດສະຈັນນີ້, ແມ່ນມີຄວາມສ່ຽງສູງທີ່ສຸດ ບໍ່ມີຜູ້ໃດຈະຄິດວ່າເປັນໄປໄດ້. ສາເຫດການໂຕນຄຸກມະຫັດສະຈັນຂອງຜູ້ນໍາໄປສູ່ເຂດທີ່ໝັ້ນການປະຕິບັດຢ່າງປອດໄພແມ່ນຍ້ອນການນໍາພາອັນສະຫຼາດສ່ອງໃສ່ ແລະ ປີຊາສາມາດຂອງປະທານ ໄກສອນ ພົມວິຫານ ແລະ ສູນກາງພັກ, ການຊີ້ນໍາລະອຽດຕົວຈິງບວກກັບນໍ້າໃຈຮັກຊາດອັນແຮງກ້າຂອງບັນດາຜູ້ນໍາເຮົາ ທີ່ມີຄວາມກ້າຫານຕັດສິນໃຈຕໍ່ສູ້ຍອມເສຍສະຫຼະ, ມີຄວາມສາມາດໃນການຂົນຂວາຍສຶກສາອົບຮົມສາລະວັດທະຫານເຮັດໃກ້ສັດຕູ້ກາຍເປັນມິດສະຫາຍຮ່ວມຕາຍນໍາກັນ, ຍ້ອນຄວາມຕື່ນຕົວຮັກຊາດຂອງປະຊາຊົນທຸກຊັ້ນຄົນນັບທັງພະສົງອົງຄະເຈົ້າ, ນະຄອນຫຼວງວຽງຈັນ ແລະ ທົ່ວປະເທດ.

            ທັງນີ້ກໍ່ເພື່ອເຮັດໃຫ້ສະມາຊິກພັກ-ພະນັກງານ, ໄດ້ຮັບຮູ້, ເຊື່ອມຊຶມ ແລະ ພ້ອມກັນລະນຶກວັນທີ່ມີຄວາມມາຍຄວາມສໍາຄັນອັນເປັນປະຫວັດສາດມີເຫດການວັນໂຕນຄຸກຂອງບັນດາຜູ້ນໍາພັກ ແລະ ແນວລາວສ້າງຊາດ ຄົບຮອບ 59 ປີ ໄດ້ຮໍ່າຮຽນເອົາມູນເຊື້ອວີລະກໍານໍ້າໃຈເສຍສະຫຼະ, ນໍ້າຮັກຊາດອັນດູດດື່ມຂອງບັນດາທ່ານຜູ້ນໍາພັກ ແລະ ແນວລາວສ້າງຊາດ ກາຍເປັນເຂັ້ມຊີ້ທິດບົດຮຽນອັນລໍ້າຄ່າ, ເພື່ອໝູນໃຊ້ເຂົ້າໃນວິຊາສະເພາະຂອງຕົນໃຫ້ກັບຄົນຮຸ່ນຫຼັງ.

2019-05-24

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ