ແນະນຳ ສນຊ (LFND)

ພິທີພົບປະສອງຝ່າຍ ລະຫວ່າງ ຄະນະຂົນຂວາຍປະຊາຊົນສູນກາງພັກກອມມູນິດ ຫວຽດນາມ ແລະ ຄະນະກໍາມະການ ສນຊ

ໃນວັນທີ່ 27 ພຶດສະພາ 2019 ນີ້, ທີ່ສູນກາງແນວລາວສ້າງຊາດ (ສນຊ) ໄດ້ມີພິທີພົບປະສອງຝ່າຍ ລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະຂົນຂວາຍປະຊາຊົນສູນກາງພັກຄອມມູນິດ ຫວຽດນາມ ເປັນກຽດເຂົ້າຮ່ວມຝ່າຍລາວມີ ທ່ານ ນ. ຄຳຈັນ ພົມແສງສະຫວັນ ຮອງປະທານ ສນຊ ຝ່າຍ ຫວຽດນາມທ່ານ ຮ່າ ງ້ອກ ແອ້ງ ຮອງຫົວໜ້າຄະນະຂົນຂວາຍປະຊາຊົນສູນກາງພັກຄອມມູນິດ ຫວຽດນາມ, ພ້ອມດ້ວຍຄະນະຂົນຂວາຍພົບປະສອງຝ່າຍ ເຂົ້າຮ່ວມ.

ການພົບປະຄັ້ງນີ້, ເປັນການຜັນຂະຫຍາຍຂໍ້ຕົກລົງວ່າດ້ວຍການຮ່ວມມື 2 ຝ່າຍ ໃນໄລຍະ 2016-2020 ທີ່ໄດ້ເຊັນຮ່ວມກັນ ວັນທີ 24 ພະຈິກ 2016, ແຕ່ນັ້ນມາ 2 ອົງການພວກເຮົາໄດ້ມີການພົວພັນ, ຮ່ວມມື ແລະ ພົບປະແລກປ່ຽນບົດຮຽນໃນແຕ່ລະປີ ນໍາກັນທັງໄດ້ນໍາເອົາບົດຮຽນຈາກພຶດຕິກໍາຕົວຈິງ ໃນການຊີ້ນໍາໆພາຂອງພັກຕໍ່ວຽກງານຂົນຂວາຍປະຊາຊົນ, ວຽກງານແນວໂຮມ ແລະ ອົງການຈັດຕັ້ງມະຫາຊົນ, ການຈັດຕັ້ງສັງຄົມ. ການພົບປະແລກປ່ຽນບົດຮຽນໃນຄັ້ງນີ້, ທ່ານ ນ. ຄໍາຈັນ ພົມແສງສະຫວັນ ໄດ້ສະເໜີເນື້ອໃນພົບປະສອງຝ່າຍຕາມຄໍາຖາມເຈາະຈິ້ມຂອງຝ່າຍຫວຽດນາມເປັນຕົ້ນ: ນະໂຍບາຍຂອງພັກ-ລັດຖະບານ ສປປ ລາວ ຕໍ່ວຽກງານຂົນຂວາຍປະຊາຊົນ, ຂະບວນປ່ຽນແປງໃໝ່ຕໍ່ການປົກປັກຮັກສາ ແລະ ສ້າງສາພັດທະນາປະເທດຊາດ, ຜົນສໍາເລັດໃນການເຄື່ອນໄຫວວຽກງານຂົນຂວາຍປະຊາຊົນບັນດາເຜົ່າໃນຊຸມປີຜ່ານມາ ຂອງ ສນຊ ບັນດາຂໍ້ຈໍາກັດ-ບົດຮຽນທີ່ຖອດຖອນໄດ້ ພ້ອມກັນນັ້ນ, ຍັງຍົກໃຫ້ໃຫ້ເຫັນບາງຈຸດຕໍ່ທິດທາງແຜນການຊີ້ນໍາໆພາວຽກງານຂົນຂວາຍປະຊາຊົນໃນໄລຍະຕໍ່ໜ້າ. ຈາກນັ້ນ ກໍ່ໄດ້ມີການສົນທະນາແລກປ່ຽນຄໍາເຫັນນໍາກັນ ເຊິ່ງຝ່າຍ ຫວຽດນາມ ກໍ່ມີຄວາມສົນໃຈຕໍ່ນະໂຍບາຍຂອງລັດຖະບານໃນການສ້າງບ້ານພັດທະນາຕາມທິດ 3 ສ້າງໂດຍສະເພາະແມ່ນຂະບວນການສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ທີ່ເປັນມາດຕະຖານໜຶ່ງໃນການພັດທະນາ. ພ້ອມກັນນີ້, ຄະນະຜູ້ແທນ ຫວຽດນາມ ຈະໄດ້ສືບຕໍ່ເຄື່ອນໄຫວ ແລະ ເຮັດວຽກນໍາສະຖາບັນການເມືອງ-ການປົກຄອງແຫ່ງຊາດ, ສູນກາງຊາວໜຸ່ມປະຊາຊົນປະຕິວັດລາວ, ກະຊວງຖະແຫຼງຂ່າວ-ວັດທະນະທໍາ ແລະ ການທ່ອງທ່ຽວ ແລະ ຄະນະນໍານະຄອນຫຼວງວຽງຈັນຕື່ມອີກ.

2019-05-28

ປະຕິທິນ

Jun-2019
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ