ແນະນຳ ສນຊ (LFND)

ທ່ານຮອງປະທານ ສນຊ ເຄື່ອນໄຫວຊຸກຍູ້ວຽກງານຈັດຕັ້ງ-ພະນັກງານ ຢູ່ແຂວງວຽງຈັນ

     ທ່ານ ຄຳຫຼ້າ ລິ້ງນະສອນ ຮອງປະທານ ສູນກາງແນວລາວສ້າງຊາດ ພ້ອມຄະນະໄດ້ລົງເຄື່ອນໄຫວຊຸກຍູ້ວຽກງງານຈັດຕັ້ງ-ພະນັກງານ ຢູ່ແຂວງວຽງຈັນ ໂດຍໄດ້ເຮັດວຽກກັບແນວລາວສ້າງຊາດແຂວງ, ຄະນະຈັດຕັ້ງແຂວງ, ຫ້ອງວ່າການແຂວງ, ຕາງໜ້າຄະນະກໍາມະການແນວລາວສ້າງຊາດແຂວງ ແລະ ບັນດາຂະແໜງການ ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ ຢູ່ທີ່ຫ້ອງປະຊຸມແນວລາວສ້າງຊາດ ແຂວງວຽງຈັນ;

     ໃນວາລະກອງປະຊຸມ, ທ່ານ ຊ່າວລໍ່ ຕົ່ງເຊັ້ງ ຮອງປະທານແນວລາວສ້າງຊາດແຂວງວຽງຈັນ ໄດ້ລາຍງານສະ ພາບລວມໂດຍຫຍໍ້ກ່ຽວກັບການພັດທະນາເສດຖະກິດ-ສັງຄົມ ຂອງແຂວງວຽງຈັນ, ການສ້າງຂະບວນການ ແລະ ການ ກະກຽມກອງປະຊຸມໃຫຍ່ຂອງພັກ ຕິດພັນກັບກອງປະຊຸມໃຫຍ່ແນວລາວສ້າງຊາດ ຂັ້ນແຂວງ, ເມືອງ ແລະ ບ້ານ, ຜ່ານ ການເຊື່ອມຊຶມເນື້ອໃນຈິດໃຈນິຕິກຳຕ່າງໆຂອງພັກ ແລະ ຂອງແນວລາວສ້າງຊາດ ຄະນະນຳຂັ້ນແຂວງໄດ້ຫັນບັນດານິຕິ ກຳເປັນແຜນການລະອຽດຂອງຕົນ ເຊິ່ງການກະກຽມດຳເນີນກອງປະຊຸມ 3 ຂັ້ນຂອງພັກ ຄາດວ່າ ປີ 2019-ຕົ້ນປີ 2020 ໃຫ້ສຳເລັດຢູ່ຂັ້ນບ້ານ, ຂັ້ນເມືອງ, ບັນດາຄະນະພັກຮາກຖານ, ໜ່ວຍພັກອ້ອມຂ້າງແຂວງ ແລະ ຄາດວ່າເດືອນ 9 ປີ 2020 ໃຫ້ສຳເລັດກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີ VI; ສຳລັບກຳນົດເວລາກອງປະຊຸມແນວລາວ ສ້າງຊາດຂັ້ນເມືອງ ໃຫ້ສຳເລັດ ປີ 2019 ຫາກາງປີ 2020 ກອງປະຊຸມໃຫຍ່ແນວລາວສ້າງຊາດຂັ້ນແຂວງກຳນົດເດືອນ 12 ປີ 2020 ໃຫ້ສຳເລັດ; ໃນນີ້, ທ່ານຮອງປະທານແນວລາວສ້າງຊາດແຂວງ ຍັງໄດ້ລາຍງານສະພາບການຈັດຕັ້ງ ຜັນຂະຫຍາຍຂໍ້ຕົກລົງ ສະບັບເລກທີ 100/ຄປຈ, ລົງວັນທີ 25/11/2016 ວ່າດ້ວຍໂຄງປະກອບກົງຈັກ, ບຸກຄະລາກອນແນວລາວສ້າງຊາດ ຂັ້ນແຂວງ, ເມືອງ ແລະ ບ້ານ; ການສ້າງຂະບວນການດ້ານຕ່າງໆຮ່ວມກັບອົງ ການພາຄີ, ສະພາບການຊີ້ ນຳ-ນຳພາຂອງຄະນະພັກແຕ່ລະຂັ້ນ ຕໍ່ກັບອົງການແນວລາວສ້າງຊາດ, ການຈັດຕັ້ງປະຕິບັດ ຄຳແນະນຳສະບັບເລກທີ 080/ຄປຈ, ລົງວັນທີ 29/09/2017 ວ່າດ້ວຍການການຈັດຕັ້ງປະຕິບັດກົດລະບຽບ ສະໄໝທີ X ຂອງແນວລາວສ້າງ ຊາດ ແລະ ວຽກງານຕ່າງໆຂອງແນວລາວສ້າງຊາດ ອີກຈຳນວນໜຶ່ງ;

ໂອກາດນີ້, ທ່ານຮອງປະທ່ານ ສນຊ ໄດ້ເນັ້ນໃຫ້ອົງການແນວລາວສ້າງຊາດແຂວງ ກໍຄືບັນດາຂະແໜງການທີ່ ກ່ຽວຂ້ອງເອົາໃຈໃສ່ໃນການກະກຽມຄວາມພ້ອມໃນທຸກໆດ້ານ, ສ້າງເງື່ອນໄຂອຳນວຍຄວາມສະດວກ ແລະ ມີການປະ ສານສົມທົບເຊິ່ງກັນ ແລະ ກັນ ເພື່ອພ້ອມກັນຈັດຕັ້ງປະຕິບັດຕາມແຜນການດຳເນີນກອງປະຊຸມ 3 ຂັ້ນໃຫ້ໄດ້ຮັບຜົນສຳ ເລັດ; ພ້ອມກັນນີ້, ສຳລັບບຸກຄະລາກອນຂອງແນວລາວສ້າງຊາດ ແມ່ນອີງໃສ່ຄຳສັ່ງແນະນຳຂອງຄະນະເລຂາທິການສູນ ກາງພັກກ່ຽວກັບບຸກຄະລາກອນແນວລາວສ້າງຊາດຂັ້ນທ້ອງຖິ່ນສະບັບເລກທີ 19/ຄລສພ, ລົງວັນທີ 30 ມິຖຸນາ 2015;

ການລົງເຄື່ອນໄຫວຄັ້ງນີ້, ທ່ານຮອງປະທານສູນກາງແນວລາວສ້າງຊາດ ພ້ອມຄະນະ ໄດ້ເຂົ້າພົບທ່ານ ບຸນສອນ ເພັດລາວັນ ຮອງເຈົ້າແຂວງວຽງຈັນ ພ້ອມທັງລາຍງານຈຸດປະສົງໃນການເຄື່ອນໄຫວຄັ້ງນີ້ໃຫ້ຮັບຊາບ; ນອກຈາກນີ້, ໄດ້ ເຄື່ອນໄຫວຢ້ຽມຢາມ, ພົບປະໂອ້ລົມການນຳເມືອງ ແລະ ຊຸກຍູ້ວຽກງານແນວລາວສ້າງຊາດ ຢູ່ເມືອງແກ້ວອຸດົມ ແລະ ເມືອງທຸລະຄົມ ໃນລະຫວ່າງວັນທີ ວັນທີ 26-29 ພຶດສະພາ 2019;

2019-05-30

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ