ແນະນຳ ສນຊ (LFND)

ສນຊ ຈັດພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ

ໃນວັນທີ 1 ມີຖຸນາ ປີ 2019 ນີ້, ສູນກາງແນວລາວສ້າງຊາດ (ສນຊ) ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ, ເປັນກຽດເຂົ້າຮ່ວມຂອງທ່ານ ນາງ ຄໍາຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ, ມີບັນດາທ່ານຫົວໜ້າກົມ, ຮອງຫົວໜ້າກົມ, ຫ້ອງການ, ສູນ, ພະນັກງານ-ລັດຖະກອນ,ຜູ້ປົກຄອງແລະ ລູກ-ຫຼານ ເຂົ້າຮ່ວມຢ່າງຟົດຟື້ນ ທີ່ສູນກາງແນວລາວສ້າງຊາດ.

ໃນພິທີອັນມີຄວາມໝາຍສຳຄັນທ່ານ ນາງ ຄໍາຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ ກໍ່ໄດ້ເລົ່າປະຫວັດຄວາມເປັນມາຂອງວັນເດັກນ້ອຍສາກົນໂດຍຫຍໍ້. ຊຶ່ງບາງຕອນກໍ່ໄດ້ເໜ້້ນວ່າ ເດັກນ້ອຍແມ່ນຊັບພະຍາກອນມະນຸດທີ່ມີຄ່າມະຫາສານ, ເປັນຊັບສົມບັດ ແລະ ມໍລະດົກອັນລ້ຳຄ່າ ທີ່ບໍ່ສາມາດປະມູນຄ່າໄດ້ ເດັກນ້ອຍຊາດໃດກໍ່ເປັນຜູ້ສືບທອດພາລະກິດຂອງຊາດນັ້ນ. ພ້ອມກັນນີ້ ທ່ານຍັງໄດ້ເນັ້ນໃຫ້ເອົາໃຈໃສ່ເປັນຕົ້ນ: ອົງການຈັດຕັ້ງພັກ - ລັດ ຕ້ອງເພີ່ມທະວີຄວາມເປັນເຈົ້າການ ໃນການສຶກສາອົບຮົມເດັກໃນຂອບເຂດຄວາມຮັບຜິດຊອບຂອງຕົນເພາະວ່າເດັກ ນ້ອຍເປັນເໝືອນເຈ້ຍທີ່ຂາວສະອາດຖ້າເຮົາສຶກສາເຂົາເຈົ້າໃນທາງທີ່ດີກໍ່ຈະເຮັດໃຫ້ເຂົາເຈົ້າເປັນຜູ້ສືບທອດທີ່ດີຂອງສັງຄົມ, ພໍ່ແມ່ຜູ້ປົກຄອງຕ້ອງເປັນແບບຢ່າງໃນການຫັນປ່ຽນພຶດຕິກຳ ແລະ ເອົາໃຈໃສ່ເບິ່ງແຍງດ້ານຊີວິດການເປັນຢູ່, ໃຫ້ລູກມີພາລະນາໄມສົມບູນ, ສຸຂະພາບແຂງແຮງ, ຮັບຟັງຄໍາຄິດຄໍາເຫັນຂອງເດັກ, ສົ່ງເສີມໃຫ້ລູກມີຄວາມກ້າຫານກ້າສະແດງອອກທາງດ້ານຫົວຄິດສະຕິປັນຍາຂອງເດັກຕາມຄວາມຮູ້ພອນສະຫວັນທີ່ມີ. ເພື່ອປູກຈິດສໍານຶກໃຫ້ລູກຕັ້ງແຕ່ເຍົາໄວພໍ່ແມ່ຜູ້ປົກຄອງຕ້ອງເປັນເຈົ້າການໃນການສ້າງເງື່ອນໄຂໃຫ້ ລູກ - ຫຼານ ໄດ້ເຂົ້າສຶກສາຮ່ຳຮຽນເພື່ອຝຶກຝົນຫຼໍ່ຫຼອມໃຫ້ ລູກ-ຫຼານມີການພັດທະນາ ແລະ ເປັນຄົນດີຂອງສັງຄົມ. ເພາະພໍ່ແມ່ເປັນຜູ້ໃກ້ສິດຕິດແທດ ແລະ ຮູ້ດີຕໍ່ກັບແນວຄິດຈິດໃຈຂອງລູກຫຼາຍທີ່ສຸດ, ຄູອາຈານ, ອ້າຍ, ເອື້ອຍ, ລຸງ, ປ້າ, ອາວ, ອາ ກໍ່ຕ້ອງເປັນແບບຢ່າງທີ່ດີໃຫ້ແກ່ເດັກ.

ໃນພິທີສະເຫຼີມສະຫຼອງຄັ້ງນີ້ ໄດ້ມີກິດຈະກຳ ຕອບຄຳຖາມ, ຮ້ອງເພັງ ແລະ ຟ້ອນ, ຫຼີ້ນເກມ ເພື່ອໃຫ້ເດັກນ້ອຍໄດ້ສະແດງຄວາມຮູ້ຄວາມສາມາດຂອງຕົນຕາມຫຼັກການ 5 ຫຼັກມູນຂອງການສຶກສາຕື່ມອີກ.

2019-06-04

ປະຕິທິນ

Jun-2019
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ