ແນະນຳ ສນຊ (LFND)

ປະທານ ສນຊ ປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ

ໃນວັນທີ 1 ມິຖຸນາ 2019 ນີ້, ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານ ສູນກາງແນວລາວສ້າງຊາດ (ສນຊ) ໄດ້ເຂົ້າຮ່ວມພິທີປູກຕົ້ນໄມ້ເນື່ອງໃນໂອກາດວັນປູກຕົ້ນໄມ້ແຫ່ງຊາດ ທີ່ສວນພຶກສາ ບ້ານດ່ານຊີ ເມືອງນາຊາຍທອງ ນະຄອນຫຼວງວຽງຈັນ, ມີທ່ານ ປອ ພວງປະຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້, ທ່ານ ພູວົງ ພະມິສິດ ຜູ້ລົງທຶນພັດທະນາສວນພຶກສາ ມີບັນດາທ່ານການນໍາເມືອງ ຕະຫຼອດຮອດພະນັກງານ-ມວນຊົນເຂົ້າຮ່ວມເປັນຈໍານວນ 565 ຄົນ ຍິ່ງ 310 ຄົນ. 

ທັງນີ້, ຜູ້ລົງທຶນພັດທະນາສວນພຶກສາ ໄດ້ໃຫ້ຮູ້ວ່າ ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ (ວັນທີ 1 ມິຖຸນາ ) ໄດ້ໝູນວຽນມາບັນຈົບຮອບມາອີກວາລະໜຶ່ງ ເພື່ອສ້າງຂະບວນການຕ້ອນຮັບວັນສໍາຄັນ ຈຶ່ງມີການຈັດກິດຈະກໍາປູກຕົ້ນໄມ້ຮ່ວມກັບອົງການຈັດຕັ້ງຕ່າງໆ ພ້ອມດ້ວຍຊາວບ້ານ ໂດຍໄດ້ກະກຽມພຶ້ນທີ່ປູກໄມ້ 7 ເຮັກຕາ ເພື່ອປູກປ່າໃຫ້ເປັນຮົ່ມ ພ້ອມນີ້ກໍ່ເພື່ອປູກຈິດສໍານຶກໃຫ້ນ້ອງນ້ອຍເຍົາວະຊົນ ແລະ ຊາວໜຸ່ມລາວຮູ້ຮັກທໍາມະຊາດ, ຮັກຕົ້ນໄມ້ ແລະ ມີສ່ວນຮ່ວມໃນວິໄສທັດຂອງລັດຖະບານໃນການສ້າງພື້ນທີ່ປ່າສີຂຽວ ຫຼື ເພິ່ມເນື້ອທີ່ປົກຫຸ້ມປ່າໄມ້ໃຫ້ໄດ້ 70% ໃນປີ 2020 ສໍາລັບສະຖານທີ່ດັ່ງກ່າວນອກຈາກຈະພັດທະນາໃຫ້ເປັນແຫຼ່ງທ່ອງທ່ຽວແລ້ວຍັງສ້າງໃຫ້ເປັນບ່ອນຝຶກອົບຮົມວິຊາຊີບໃຫ້ກັບປະຊາຊົນໄດ້ເຮັດການຜະລິດສິນຄ້າຕ່າງໆ ເຊັ່ນ ນໍ້າຢາລ້າງຈານ, ສະບູ, ນໍ້າຫອມ ແລະ ອື່ນໆ ວິຊາການຈາກຕ່າງປະເທດມາຝຶກອົບຮົມທັງພາກທິດສະດີ ແລະ ປະຕິບັດຕົວໃຫ້ແກ່ພະນັກງານພາຍໃນສວນ, ການຈັດກິດຈະກໍາຄັ້ງນີ້, ປະກອບມີການສະແດງສີລະປະວັນະຄະດີ ຟ້ອນ, ການແຂ່ງຂັນກິລາ ພ້ອມນັ້ນ ກໍ່ໄດ້ມອບອຸປະກອບການຮຽນການສອນຕ່າງໆໃຫ້ນ້ອງໆທີ່ເຂົ້າຮ່ວມງານອີກດ້ວຍ.

2019-06-04

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ