ແນະນຳ ສນຊ (LFND)

ທ່ານ ຮອງປະທານ ຜູ້ຊີ້ນໍາວຽກງານຊົນເຜົ່າ ສູນກາງແນວລາວສ້າງຊາດ ເຂົ້າຮ່ວມພິທີປູກຕົ້ນໄມ້ ຢູ່ກຸ່ມບ້ານນາລ້ອງກວາງ.

ວັນທີ 1ມີຖຸນາ 2019 ນີ້, ທ່ານ ເຍຍເກີຢ່າ ໜໍຈໍຈົງຕົວ ຮອງປະທານ ຜູ້ຊີ້ນໍາວຽກງານຊົນເຜົ່າ ສູນກາງແນວລາວສ້າງຊາດ ພ້ອມດ້ວຍຄະນະ ໄດ້ເຂົ້າຮ່ວມພິທີປູກຕົ້ນໄມ້ ຢູ່ບ້ານນາຊົມ ກຸ່ມບ້ານນາລ້ອງກວາງ ເມືອງວັງວຽງ ແຂວງວຽງຈັນ, ໃນພິທີດັ່ງກ່າວ ມີ ທ່ານ ປະທານແນວລາວສ້າງຊາດ ເມືອງວັງວຽງ, ມີທ່ານຜູ້ຕາງໜ້າຈາກອົງການປົກຄອງເມືອງ ພ້ອມ ອົງການປົກຄອງຈາກ 4 ບ້ານ ຂອງກຸ່ມບ້ານນາລ້ອງກວາງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນພິທີ ທີ່ມີຄວາມໝາຍສໍາຄັນນີ້, ທ່ານ ປະທານແນວລາວສ້າງຊາດ ເມືອງວັງວຽງ ໄດ້ຫວນຄືນປະຫວັດມູນເຊື້ອ ວັນທີ 1 ມີຖຸນາໃຫ້ຫຼານນ້ອຍນັກຮຽນ ແລະ ພໍ່ແມ່ປະຊາຊົນໄດ້ຮັບຮູ້ ເຊື່ອມຊືມຕໍ່ວັນທີ ທີ່ມີຄວາມໝາຍສໍາຄັນດັ່ງກ່າວ, ຫຼັງຈາກນັ້ນ, ທ່ານ ຮອງປະທານ ສູນກາງແນວລາວສ້າງຊາດ ເປັນກຽດໂອ້ລົມຕໍ່ພິທີ ຊີ່ງ ທ່ານ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ຂອງແນວລາວສ້າງຊາດເມືອງ ແລະ ແນວລາວສ້າງຊາດບ້ານ ທີ່ເປັນເຈົ້າການໃນການປຸກລະດົມປະຊາຊົນບັນດາຊົນເຜົ່າ ຢູ່ກຸ່ມບ້ານນາລ້ອງກວາງ ເຂົ້າຮ່ວມທຸກຂະບວນການທີ່ສໍາຄັນຂອງຊາດ ເວົ້າລວມ, ເວົ້າສະເພາະແມ່ນເຂົ້າຮ່ວມຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກ ຂອງ ປະຊາຊົນ, ໃນນີ້, ທ່ານ ຮອງປະທານ ສູນກາງແນວລາວສ້າງຊາດ ໄດ້ເນັ້ນ ໃຫ້ຄະນະພັກ, ແນວລາວສ້າງຊາດ ແຕ່ລະຂັ້ນ ຕະຫຼອດຮອດ ພໍ່ແມ່ປະຊາຊົນບັນດາຊົນເຜົ່າ ຈົງເພີມທະວີຄວາມຮັບຜິດຊອບຕໍ່ກັບການປົກປັກຮັກສາສິງແວດລ້ອມ ແລະ ພ້ອມກັນປູກຈິດສໍານຶກໃຫ້ຫຼານນ້ອຍ, ເຍົາວະຊົນ,ຊາວໜຸ່ມ ໃຫ້ເຫັນໄດ້ຄວາມສໍາຄັນ, ຜົນປະໂຫຍດ ຂອງສິງແວດລ້ອມ ສ້າງໃຫ້ມີຄວາມມັກ-ຮັກໃນການປູກຕົ້ນໄມ້ ເພື່ອອານາຄົດຂອງຊາດ, ພ້ອມກັນນີ້ກໍ່ໄດ້ມີການປູກຕົ້ນໄມ້ອ້ອມໂຮງຮຽນປະຖົມສົມບຸນ ບ້ານນາຊົມ ແລະ ຫຼີ້ນກິລາພື້ນເມືອງ(ຕີໝາກຂ້າງ), ເຕະບານມິດຕະພາບກັບທິມອາວຸດໂສ ແລະ ທິມຊາວໜຸມຍິງ ຢູ່ ບ້ານນາຊົມ ເພື່ອ ເປັນການສ້າງສັນ, ສ້າງຄວາມສາມັກຄີຊີ່ງກັນ ແລະ ກັນ, ທ່ານ ຮອງປະທານ ສູນກາງແນວລາວສ້າງຊາດ ໄດ້ມອບເຄື່ອງອຸປະກອນການສຶກສາ, ເຄື່ອງກິລາ ແລະ ຕັ່ງເກົ້າອິ້ ຈໍານວນ 95 ໜ່ວຍໃຫ້ແກ່ກຸ່ມບ້ານ ດັ່ງກ່າວຕື່ມອີກ.

2019-06-04

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ