ແນະນຳ ສນຊ (LFND)

ປະເມີນຜົນການຈັດຕັ້ງປະຕິບັດ ຂະບວນການແຂ່ງຂັນ 4 ບຸກ ຂອງຄະນະບໍລິຫານງານຊາວໜຸ່ນ ສນຊ

ໃນວັນທີ 7 ມິຖຸນາ 2019 ນີ້, ທີ່ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມກວດກາປະເມີນຜົນການຈັດຕັ້ງປະຕິບັດຂະບວນການແຂ່ງຂັນ 4 ບຸກຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ສູນກາງແນວລາວສ້າງຊາດ ປະຈຳປີ 2018 ໂດຍເປັນກຽດເຂົ້າຮ່ວມຂອງທ່ານ ນ ວິລະວອນ ພັນທະວົງ, ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ (ຊປປ ລາວ), ປະທານກວດກາ ຊປປ ລາວ, ມີທ່ານ ແກ້ວຈະເລີນ ເຊ່ຍຢີ້ງຢ່າງ ຄະນະປະຈໍາ ສນຊ, ຫົວໜ້າກົມໂຄສະນາ-ອົບຮົມ, ຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ, ມີບັນດາຫົວໜ້າ-ຮອງຫົວໜ້າກົມ, ຫ້ອງການ, ສູນຝຶກອົບຮົມ ສນຊ ແລະ ອົງການຈັດຕັ້ງມະຫາຊົນຂອງ ສນຊ ພ້ອມດ້ວຍຄະນະຊາວໜຸ່ມເຂົ້າຮ່ວມ.

ເພື່ອປະຕິບັດຕາມບົດແນະນໍາການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງ ຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ສະບັບເລກທີ 421/ລຂ, ລົງວັນທີ 28/7/2016. ເພື່ອເປັນການຈັດຕັ້ງປະຕິບັດ ແລະ ປະເມີນກວດກາ 4 ບຸກປະຈໍາປີ 2018 ຜ່ານມາ. ສະຫາຍ ແກ້ວຈະເລີນ ເຊ່ຍຢີ້ງຢ່າງ ເລຂາຊາວໜຸ່ມ ສນຊ ໄດ້ລາຍງານໂດຍຫຍໍ້ວ່າ: ຄະນະບໍລິຫານງານຊາວໜຸ່ມສູນກາງແນວລາວສ້າງຊາດ ມີຄະນະບໍລິຫານງານທັງໝົດ 5 ສະຫາຍ, ຍິງ 1 ສະຫາຍ, ໃນນີ້ສະຫາຍເລຂາແມ່ນຄະນະພັກ, ຄະນະປະຈໍາ ສນຊ, ເປັນກໍາມະການຄະນະບໍລິຫານງານຊາວໜຸ່ມປະຊາຊົນປະຕິວັດລາວ ຄັ້ງທີ VII. ມີສະມາຊິກຊາວໜຸ່ມ ທັງໝົດ 83 ສະຫາຍ, ຍິງ 42 ສະຫາຍ, ແບ່ງອອກເປັນ 9 ໜ່ວຍ ຕາມກົມວິຊາສະເພາະ. ຄະນະບໍລິຫານງານຊາວໜຸ່ມ ສນຊ ແມ່ນຄະນະຊາວໜຸ່ມໜຶ່ງທີ່ປະຕິບັດໜ້າທີ່ການເມືອງຕາມພາລະບົດບາດ ແລະ ໜ້າທີ່ຂອງອົງການແນວລາວສ້າງຊາດ ໃນການສຶກສາອົບຮົມ, ປຸກລະດົມການເມືອງ-ແນວຄິດ ເຕົ້າໂຮມຄວາມສາມັກຄີປອງດອງຂອງປະຊາຊົນລາວບັນດາເຜົ່າ, ສາສະໜາ, ຊັ້ນຄົນ, ເພດໄວ ແລະ ພີ່ນ້ອງເຊື່ອຊາດລາວທີ່ດໍາລົງຊີວິດຢູ່ຕ່າງປະເທດ ພາຍໃຕ້ການຊີ້ນໍາໆພາໂດຍກົງຂອງຄະນະພັກ ສນຊ, ເປັນກໍາລັງປະຈັນບານ ແລະ ເປັນເສນາທິການໃຫ້ແກ່ຄະນະພັກ ສນຊ ໃນການເຄື່ອນໄຫວໜ້າທີ່ການເມືອງ ແລະ ສ້າງຂະບວນການຕ່າງໆ ແນໃສ່ສ້າງ ແລະ ພັດທະນາສະມາຊິກຊາວໜຸ່ມໃຫ້ກາຍເປັນຕົວແບບ, ດີເດັ່ນ ແລະ ເປັນສະມາຊິກ ຊາວໜຸ່ມທີ່ມີຄຸນະພາບ ເພື່ອກາຍເປັນພະນັງການສືບທອດພາລະກິດຂອງປະເທດຊາດໃນອະນາຄົດ. ໃນໂອກາດດັ່ງກ່າວນີ້, ສະຫາຍ ນ. ວິລະວອນ ພັນທະວົງ ພ້ອມດ້ວຍຄະນະ ກໍ່ໄດ້ເຂົ້າຢ້ຽມພົບປະ ທ່ານ ນ. ຄໍາຈັນ ພົມແສງສະຫວັນ ຮອງປະທານ ສນຊ, ປະທານກວດກາ ສນຊ ຕື່ມອີກ.

2019-06-10

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ