ແນະນຳ ສນຊ (LFND)

ກອງປະຊຸມສະຫຼຸບການຈັດຕັ້ງປະຕິບັດວຽກງານຂະບວນການແຂ່ງຂັນ 3 ດີ

ໃນວັນທີ 10 ມິຖຸນາ 2019 ນີ້, ທີ່ສູນກາງແນວລາວສ້າງຊາດ (ສນຊ) ຄະນະສະຫະພັນແມ່ຍິງ ສນຊ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານຂະບວນການຂໍ້ແຂ່ງຂັນ 3 ດີ ປະຈຳປີ 2018 ແລະ ເຜີຍແຜ່ນິຕິກຳຕ່າງໆຂອງສູນກາງສະຫະພັນແມ່ຍິງລາວ ແລະ ນິຕິກໍາສະຫະພັນແມ່ຍິງສູນກາງແນວລາວສ້າງຊາດ ໂດຍເປັນກຽດເຂົ້າຮ່ວມຂອງທ່ານ ນ ສີພະຈັນ ນັນທະວົງສາ ຄະນະພັກ, ຫົວໜ້າກົມກວດກາ ສນຊ, ປະທານສະຫະພັນແມ່ຍິງ ສນຊ ມີບັນດາທ່ານຫົວໜ້າ-ຮອງຫົວໜ້າກົມ, ຫ້ອງການ, ສູນຝຶກອົບຮົມ ສນຊ, ພະນັກງານ-ລັດຖະກອນ ທັງຍິງ-ຊາຍ ຂອງສນຊ ເຂົ້າຮ່ວມ.

ໃນໂອກາດນີ້, ທ່ານ ນ. ແພງພັນ ບຸບຜາພອນ ຮອງຫົວໜ້າກົມໂຄສະນາ-ອົບຮົມ ສນຊ, ຮອງປະທານສະຫະພັນແມ່ຍິງ ສນຊ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີຂອງແມ່ຍິງແລະ ທິດທາງແຜນການໃນປີ 2019 ພ້ອມທັງແນະນໍາຂັ້ນຕອນການຈັດຕັ້ງປະຕິບັດຈາກນັ້ນບັນດາຄະນະໜ່ວຍແມ່ຍິງ ສນຊ ໄດ້ຮ່ວມກັນຈັບມືແຂ່ງຂັນກັນ ພ້ອມນີ້ຍັງ ໄດ້ເຜີຍແຜ່ນິຕິກໍາຕ່າງໆຂອງສູນກາງສະຫະພັນແມ່ຍິງລາວເປັນຕົ້ນຄໍາແນະນໍາວ່າດ້ວຍການຈັດຕັ້ງກອງປະຊຸມໃຫຍ່ຜູ້ແທນແມ່ຍິງກະຊວງ, ອົງການແຂວງ ແລະ ນະຄອນ ເລກທີ 489/ສລຍລ, ລົງວັນທີ 24 ມິຖຸນາ 2018, ມະຕິກອງປະຊຸມຄົບຄະນະບໍລິຫານງານ ສສຍລ ຄັ້ງທີ 3 ສະໄໝທີ 7 ແລະ ບົດສະຫຼຸບ 3 ເດືອນໄຕມາດທີ 1 ປີ 2019 ຂອງ ສສຍລ. ຈາກນັ້ນຜູ້ເຂົ້າຮ່ວມກອງປະຊຸມໄດ້ພ້ອມກັນປະກອບຄໍາຄິດເຫັນຢ່າງກົງໄປກົງມາສ້າງສັນຕື່ມອີກ. 
ໃນໂອກາດສໍາຄັນນີ້, ທ່ານ ນ. ສີພະຈັນ ນັນທະວົງສາ ໄດ້ມີບາງຄໍາເຫັນເນັ້ນໃຫ້ຮູ້ວ່າ: ໜຶ່ງ ສະມາຊິກພັກ-ພະນັກງານ ໂດຍສະເພາະເພດຍິງ ຕ້ອງຝຶກຝົນຫຼໍ່ຫຼອມຕົນເອງໃຫ້ຫຼາຍຕື່ມເປັນຕົ້ນແມ່ນການບຸກທະລຸ ທັງ 4 ດ້ານຂອງພັກວາງອອກ; ສອງ ມີແບບແຜນວິທີເຮັດວຽກທີ່ດີຕາມຫຼັກການນໍາພາຂອງພັກ; ສາມ ການຈັດຕັ້ງປະຕິບັດຂໍ້ແຂ່ງຂັນ 3 ດີຂອງແມ່ຍິງຖືເປັນໜ້າທີ່ການເມືອງສໍາຄັນ ທີ່ຕິດພັນກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຊຸກຍູ້ໃຫ້ສະຫະພັນແມ່ຍິງປະຕິບັດຂະບວນການແຂ່ງຂັນ 3 ດີໃຫ້ບັນລຸຕາມແຜນການ ແລະ ຄາດໝາຍທີ່ວາງໄວ້.

2019-06-11

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ