ແນະນຳ ສນຊ (LFND)

ໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດ

ໃນວັນທີ 11 ມິຖຸນາ 2019 ນີ້, ໄດ້ເປີດກອງປະຊຸມແລກປ່ຽນແບບແຜນການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດ ໂດຍການເປັນປະທານຂອງທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານ ສູນກາງແນວລາວສ້າງຊາດ (ສນຊ), ທັງເປັນຫົວໜ້າຄະນະຊີ້ນໍາໂຄງການສ້າງຄວາມເຂັ້ມແຂງໃຫ້ສູນກາງແນວລາວສ້າງຊາດ ເປັນກຽດເຂົ້າຮ່ວມຂອງ ທ່ານ ສຈ.ດຣ ນາງ ບຸນຍົງ ບຸບຜາ ກໍາມະການ ສນຊ ຄະນະຊີ້ນໍາໂຄງການ, ມີບັນດາທ່ານຮອງຫົວໜ້າກົມ, ຫົວໜ້າພະແນກ ແລະ ພະນັກງານວິຊາການຈາກກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ກົມຊົນເຜົ່າ ສນຊ ເຂົ້າຮ່ວມ.

ຈຸດປະສົງຂອງກອງປະຊຸມແມ່ນເພື່ອເປັນການແລກປ່ຽນ ແລະ ເປັນການເຜີຍແຜ່ໂຄງການໃນຂັ້ນແຂວງ, ເມືອງ ແລະ ບ້ານ, ຢັ້ງຢືນຄືນແຜນວຽກລວມຂອງໂຄງການ, ເກັບຂໍ້ມູນເຈາະຈີ້ມເພື່ອປັບປຸງແຜນວຽກ, ເກັບກໍາຂໍ້ມູນດ້ານຂິດຄວາມສາມາດເພື່ອກໍານົດຫົວຂໍ້ຝຶກອົບຮົມ; ກອງປະຊຸມຍັງໄດ້ຮັບຟັງການລາຍງານການກະກຽມຄວາມພ້ອມຂອງໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດປະຈໍາປີ 2018 ແລະ ທິດທາງແຜນການປະຈໍາປີ 2019 ໃນການປະຕິບັດໂຄງການເປົ້າໝາຍນະຄອນຫຼວງວຽງຈັນ ມີ 4 ເມືອງ, ແຂວງອຸດົມໄຊ ມີ 3 ເມືອງ, ຄໍາມ່ວນ ມີ 4 ເມືອງ ແລະ ແຂວງອັດຕະປື 3 ເມືອງ. ເພື່ອເປັນການສ້າງບຸກຄະລາກອນ, ວິໄສທັດ ແລະ ຍຸດທະສາດຂອງແນວລາວສ້າງຊາດ, ກົນໄກປົກປ້ອງ-ສົ່ງເສີມແນວຄິດ ແລະ ຜົນປະໂຫຍດຂອງປະຊາຊົນລາວບັນດາເຜົ່າ, ສ້າງຄວາມອາດສາມາດຂອງພະນັກງານກ່ຽວກັບວຽກສັງຄົມ-ສິ່ງແວດລ້ອມ, ປະເມີນທ່າແຮງໃນການເສີມວັດທະນະທໍາ, ຄວາມເປັນໄປໄດ້ເປັນການຈັດຕັ້ງປະຕິບັດກິດຈະກໍາໂຄງການ ໃນນັ້ນການຈັດກອງປະຊຸມຄັ້ງນີ້, ທ່ານຫົວໜ້າຄະນະຊີ້ນໍາໂຄງການໄດ້ເນັ້ນໃຫ້ພະນັກງານຜູ້ເຮັດວຽກໂຄງການ ຈົ່ງຈັດຕັ້ງປະຕິບັດໃຫ້ໄປຕາມພາລະບົດບາດ, ສີດ ແລະ ໜ້າທີ່ໃນການປະສານງານກັບກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມໃຫ້ສໍາເລັດຕາມລະດັບຄາດໝາຍຂອງໂຄງການໃຫ້ຍືນຍົງ.

2019-06-11

ປະຕິທິນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ