ແນະນຳ ສນຊ (LFND)

ພິທີປະກາດ ສັບຊ້ອນພະນັກງານ

ໃນວັນທີ 18 ມິຖຸນາ 2019 ນີ້ ທີ່ຫ້ອງປະຊຸມ ສູນກາງແນວລາວສ້າງຊາດ (ສນຊ) ໄດ້ຈັດພິທີິປະກາດສັບຊ້ອນແບ່ງຄວາມຮັບຜິດຊອບຊີ້ນໍາຂອງຄະນະພັກສູນກາງແນວລາວສ້າງຊາດ ແລະ ເລື່ອນຕໍາແໜ່ງບໍລິຫານໃຫ້ພະນັກງານ-ລັດຖະກອນຈໍານວນໜຶ່ງ ໂດຍເປັນກຽດເຂົ້າຮ່ວມຂອງ ທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານ ສນຊ, ມີບັນດາທ່ານຮອງປະທານ ສນຊ, ບັນດາຫົວໜ້າ-ຮອງຫົວໜ້າກົມ, ຫ້ອງການ ແລະ ສູນຝຶກອົບຮົມ ສນຊ ຕະຫຼອດຮອດພະນັກງານ ສນຊ ເຂົ້າຮ່ວມ.

ການແບ່ງຄວາມຮັບຜິດຊອບຊີ້ນໍາຂອງຄະນະພັກ ສູນກາງແນວລາວສ້າງຊາດໃນຄັ້ງນີ້ເປັນການປັບປຸງ ການຊີ້ນໍາໆ ພາຂອງ ຄະນະພັກ, ໃນວຽກງານພັກ-ລັດ ເພື່ອໃຫ້ແທດເໝາະກັບໜ້າທີ່ການເມືອງຂອງ ແນວລາວສ້າງຊາດ ໃນໄລຍະໃໝ່ໃຫ້ມີຄວາມໜັກແໜ້ນເຂັ້ມແຂງ.ການແບ່ງຄວາມຮັບຜິດຊອບຄັ້ງນີ້, ແມ່ນອິງໃສ່ຄວາມຮຽກຮ້ອງຕ້ອງການໃຫ້ວຽກງານຂອງແນວລາວສ້າງຊາດໃນໄລຍະໃໝ່, ໃນການຊີ້ນໍາໆພາເພື່ອໃຫ້ສອດຄ່ອງກັບພາລະບົດບາດ, ສິດ ແລະ ໜ້າທີ່ຂອງແນວລາວສ້າງຊາດ ໃນການສືບຕໍ່ເສີມຂະຫຍາຍຄວາມສາມັກຄີປອງດອງຂອງປະຊາຊົນລາວບັນດາເຜົ່າ, ຊັ້ນຄົນ, ຊົນເຜົ່າ, ສາສະໜາ, ເພດໄວ ນັບທັງຄົນເຊື້ອຊາດລາວຢູ່ຕ່າງປະເທດໃຫ້ມີຫຼາຍຂະບວນການແຂ່ງຂັນຮັກຊາດປະກົດຂຶ້ນ ເຊິ່ງແມ່ນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ຜັນຂະຫຍາຍມະຕິ ກອງປະຊຸມໃຫຍ່ຄັ້ງທີ X  ຂອງແນວລາວສ້າງຊາດໃຫ້ປະກົດ ຜົນເປັັນຈິງ.

2019-06-20

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ