ແນະນຳ ສນຊ (LFND)

ປະທານ ສນຊ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ສສ. ຫວຽດນາມ

      ເພື່ອເປັນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມືຮອບ ດ້ານລະຫວ່າງສອງພັກ, ສອງລັດ ກໍ່ຄືປະຊາຊົນສອງຊາດລາວ-ຫວຽດນາມໃຫ້ນັບມື້ນັບເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.ເຊິ່ງໃນລະຫວ່າງວັນທີ່ 21-24 ມິຖຸນາ 2019 ທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ພ້ອມຄະນະ ໄດ້ເຄື່ອນໄຫວຢ້ຽມຢາມແລະ ເຮັດວຽກ ຢູ່ ສສ. ຫວຽດນາມ.

       ໃນການເຄື່ອນໄຫວຢ້ຽມຢາມ ສສ ຫວຽດນາມໃນຄັ້ງນີ້ ທ່ານ ປອ ໄຊສົມພອນ ພົມວິຫານ ປະທານ ສນຊ ພ້ອມຄະນະ ໄດ້ເດີນທາງໄປນະຄອນ ເກິ່ນ ເທີ ໄດ້ຮັບການຕ້ອນຮັບຢ່າງອົບອຸ່ນ ຈາກທ່ານ ເຈິ່ນ ກວັກ ຈຸງ ເລຂາຄະນະພັກ, ກໍາມະການສູນກາງພັກ, ຫົວໜ້າຄະນະສະມາຊິກສະພາແຫ່ງຊາດນະຄອນ, ປະທານປະຊາຊົນນະຄອນ ເກິນເທີ ພ້ອມດ້ວຍຄະນະປະຈໍາພັກ, ອົງການປົກຄອງ ແລະ ຄະນະແນວໂຮມປະເທດຊາດຫວຽດນາມ ແລະ ນະຄອນ ເກິ່ນເທີ; ເຊິ່ງທ່ານ ເຈິ່ນ ກວັກ ຈຸງ ໄດ້ຕີລາຄາສູງຕໍ່ການມາຢ້ຽມຢາມ ແລະ ສະແດງຄວາມດີໃຈ ຕໍ່ທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ພ້ອມຄະນະ ທີ່ໄດ້ມາຢ້ຽມຢາມໃນຄັ້ງນີ້ ແລະ ໄດ້ລາຍງານໂດຍຫຍໍ້ກ່ຽວກັບສະພາບ ລວມຂອງນະຄອນ ເກິ່ນ ເທີ ເປັນຕົ້ນວຽກງານການເມືອງ, ວຽກງານເສດຖະກິດ, ພື້ນຖານການຜະລິດ ເຊິ່ງທ່ານ ເຈິ່ນ ກວັກ ຈຸງ ໄດ້ໃຫ້ຮູ້ວ່າ ນະຄອນ ເກິ່ນ ເທີ ເປັນໜຶ່ງໃນຫ້ານະຄອນຂອງສູນກາງ ຂອງຫວຽດນາມ ແລະ ມີພາລະບົດບາດສໍາຄັນໃນການພັດທະນາເສດຖະກິດ-ສັງຄົມ. ນະຄອນ ເກິ່ນເທີ ມີການຂະຫຍາຍຕົວທາງດ້ານເສດ ຖະກິດ ໂດຍສະເພາະດ້ານການບໍ ລິຫານ, ອຸດສາຫະກໍາ ແລະ ກະສິກໍາເປັນຕົ້ນ. ໃນປີ 2018 ການຂະຫຍາຍຕົວຂອງ GDP ປະມານ 7,5%, ແຜນການຂອງນະຄອນເກິ່ນເທີ່ ໄດ້ປະຕິບັດມາກໍ່ຄືການພະຍາຍາມສ້າງລະບົບເປັນຊົນນະບົດໃໝ່ ເຊິ່ງນະຄອນເກິ່ນເທີ ມີ 4 ເມືອງ 36​ ຕາ ແສງ, ມາຮອດປະຈຸບັນ ການສ້າງລະບົບເປັນຊົນນະບົດໃໝ່ ໄດ້ສໍາເລັດແລ້ວຕາມຄາດໝາຍໃນ 2 ເມືອງ 33 ຕາແສງ ແລະ ຄາດວ່າ ອີກ 3 ຕາແສງຈະໃຫ້ສໍາເລັດໃນໄຕມາດທີ 3 ປີ 2019ນີ້. ພ້ອມດຽວກັນນີ້ ທ່ານ ເຈິ່ນ ກວັກ ຈຸງ ຍັງໄດ້ລາຍງານກ່ຽວກັບການພົງພັນຮ່ວມມືກັບສ ປປ ລາວ ເວົ້າລວມ, ເວົ້າສະເພາະ ແມ່ນການ ຈັດຕັ້ງຜັນຂະຫຍາຍວຽກງານຕ່າງໆທີ່ໄດ້ເຊັນບົດບັນທຶກຮ່ວມກັນລະຫວ່າງ ນະຄອນເກິ່ນເທີ ກັບ 2 ແຂວງຂອງລາວ ກໍ່ຄືແຂວງ ສະຫວັນນະເຂດ ແລະ ແຂວງ ຈໍາປາສັກ ໃຫ້ເກີດດອກອອກຜົນ ແລະ ເປັນຮູບປະທຳ. ພ້ອມດຽວກັນນັ້ນ, ທ່ານ ປອ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ກໍ່ໄດ້ແຈ້ງຈຸດປະສົງໃນການມາເຄື່ອນໄຫວຢ້ຽມຢາມໃນຄັ້ງນີ້ ແລະ ຍັງໄດ້ແຈ້ງສະພາບລວມຜົນງານທີ່ພົ້ນເດັ່ນ ໂດຍສະເພາະ ວຽກງານພົວພັນຮ່ວມມື ລະຫວ່າງ ແນວໂຮມປະເທດຊາດຫວຽດນາມ ແລະ ສູນກາງແນວລາວສ້າງຊາດ, ວຽກງານການຊຸກຍູ້ ການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນບັນດາເຜົ່າ ຕາມທິດ 3 ສ້າງ ຂອງພັກ-ລັດຖະບານ ແຫ່ງ ສປປ ລາວ ໃຫ້ທ່ານເລຂາພັກນະຄອນໄດ້ຮັບຊາບ. ຈາກນັ້ນ, ທ່ານ ປະທານ ສູນກາງແນວລາວສ້າງຊາດ ພ້ອມຄະນະ ຍັງໄດ້ພົບປະ ທ່ານ ເຈີນແທັງເມີ້ນ ເລຂາທິການສູນກາງພັກ ປະທານສູນກາງແນວໂຮມປະເທດຊາດຫວຽດນາມຕື່ມອີກ.

          ນອກຈາກນັ້ນ, ທ່ານ ປະທານສູນກາງແນວລາວສ້າງຊາດ ພ້ອມດ້ວຍຄະນະໄດ້ເດີນທາງໄປຢ້ຽມຢາມພື້ນຖານກະສິກໍາຢູ່ນະຄອນ ເກິ່ນເທີ ສສ ຫວຽດນາມ ໂດຍສະເພາະຢ້ຽມຢາມໂຮງໝໍສາກົນ S.I.S ເກິນເທີ ຢູ່ເມືອງ ນິງກ່ຽວ, ຢ້ຽມຢາມ ແລະ ຮັບຟັງວິທີການ, ເຕັກນິກ ໃນການປູກເຂົ້ານາທົ່ງໃຫຍ່ ຢູ່ເມືອງ ເກືອດໍ, ການລ້ຽງປາໜັງ ຢູ່ເມືອງ ບິ່ງຖຸ້ຍ, ການປູກຕົ້ນໄມ້ກິນໝາກ ຢູ່ເມືງ ຟັອງ ດ່ຽນ ແລະ ສະຖານທີ່ການຜະລິດອື່ນໆອີກຈໍານວນໜຶ່ງ.

2019-06-26

ປະຕິທິນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ