ແນະນຳ ສນຊ (LFND)

ສູນກາງແນວລາວສ້າງຊາດ ສ້າງຂະບວນການກິລາ ເພື່ອຂ່ຳນັບຮັບຕ້ອນ ກອງປະຊຸມໃຫຍ່ ຄັ້ງທີ VII ຂອງສະຫະພັນກຳມະບານ ສູນກາງແນວລາວສ້າງຊາດ

ເນື່ອງໃນໂອກາດທີ່ກອງປະຊຸມໃຫຍ່ ຄັ້ງທີ VII ຂອງສະຫະພັນກຳມະບານ ສູນກາງແນວລາວສ້າງຊາດ ຈະມາເຖິງໃນວັນທີ 28 ມິຖຸນາ 2019 ນີ້, ຄະນະສະຫະພັນກຳມະບານ ສູນກາງແນວລາວສ້າງຊາດ ໄດ້ຈັດຂະບວນການແຂ່ງຂັນກິລາເປຕັງ ຊິງຂັນປະທານສະຫະພັນກຳມະບານ ສູນກາງແນວລາວສ້າງຊາດ ໃນວັນທີ 21 ມິຖຸນາ 2019 ນີ້.

     ເພື່ອສ້າງຂະບວນການຂໍ່ານັບຮັບຕ້ອນກອງປະຊຸມດັ່ງກ່າວ, ເປັນກຽດກ່າວເປີດພິທີໂດຍ ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ, ປະທານສະຫະພັນກຳມະບານ ສູນກາງແນວລາວສ້າງຊາດ, ເປັນກຽດເຂົ້າຮ່ວມມີ ທ່ານ ຄຳໃບ ດຳລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ, ມີບັນດາທ່ານຮອງປະທານ ສູນກາງແນວລາວສ້າງຊາດ ພ້ອມດ້ວຍນັກກິລາຂອງຫ້ອງການ, ບັນດາກົມ, ສູນຝຶກອົບຮົມ ສູນກາງແນວລາວສ້າງຊາດ ເຂົ້າຮ່ວມ.

      ຂະບວນການແຂ່ງຂັນກິລາເປຕັງໃນຄັ້ງນີ້ ມີທິມນັກກິລາເຂົ້າຮ່ວມທັງໝົດ 9 ທີມ ເຊິ່ງຜ່ານການແຂ່ງຂັນກິລາທີ່ເຕັມໄປດ້ວຍບັນຍາກາດຢ່າງເບີກບານມ່ວນຊື່ນນັ້ນ ຜົນອອກມາທີມຫ້ອງການ 1 ໄດ້ຮັບລັງວັນໄຊຊະນະເລີດ ທີ 1, ທີມຫ້ອງການ 2 ໄດ້ຮັບລັງວັນທີ 2 ແລະ ທີມກົມໂຄສະນາ-ອົບຮົມ ໄດ້ຮັບລັງວັນທີ 3. ຕອນທ້າຍຂອງພິທີ ທ່ານ ຮອງປະທານ ສູນກາງແນວລາວສ້າງຊາດ ເປັນກຽດມອບລາງວັນ ໃຫ້ນັກກິລາ 3 ທິມດັ່ງກ່າວຕື່ມອີກ.

      ການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ VII ຂອງຄະນະບໍລິຫານງານສະຫະພັນກຳມະບານ ສູນກາງແນວລາວສ້າງຊາດ ໃນຄັ້ງນີ້, ຊຶ່ງມີຄວາມໝາຍສຳຄັນ ເປັນການປະກອບສ່ວນຢ່າງຕັ້ງໜ້າເຂົ້າໃນຂົງເຂດວຽກງານກຳມະບານ ແລະເປັນການສ້າງຄວາມສາມັກຄີປອງດອງ ຂອງບັນດາໜ່ວຍກຳມະບານ ສູນກາງແນວລາວສ້າງຊາດ ໃຫ້ມີບາດກ້າວໃໝ່ເລື້ອຍໆ.

2019-06-27

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ