ແນະນຳ ສນຊ (LFND)

ພິທີເຊັນບົດບັນທຶກຮ່ວມມື ລະຫວ່າງ ສູນກາງແນວລາວສ້າງຊາດ ແລະ ໂຮງໝໍສາກົນ S.I.S ເກິນເທີ.

      ພິທີເຊັນບົດບັນທຶກຊ່ວຍຈໍາ ລະຫວ່າງ ສູນກາງແນວລາວສ້າງຊາດ (ສນຊ) ແລະ ໂຮງໝໍສາກົນ S.I.S ເກິນເທີ ສສ ຫວຽດນາມໃນການຮ່ວມມືຊ່ວຍເຫຼືອດ້ານສາທາລະນະສຸກໃນລາວ. ພິທີເຊັນສັນຍາຄັ້ງນີ້ ໂດຍມີ ທ່ານ ດຣ. ຈັນເພັງ ສຸດທິວົງ ຄະນະກໍາມະການສູນກາງແນວລາວສ້າງຊາດ ຫົວໜ້າຫ້ອງການ ສູນກາງແນວລາວສ້າງຊາດ, ທ່ານ ປອ ເຈີ້ນຈີ້ເກື່ອງ ຜູ້ອໍານວຍການ ໂຮງໝໍສາກົນ S.I.S ເກິນເທີ ຮ່ວມລົງນາມເຊັນສັນຍາ. ໂດຍເປັນກຽດເຂົ້າຮ່ວມຂອງທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ມີບັນດາການນໍາຂອງນະຄອນເກິນເທີ, ຄະນະກໍາມະການແນວໂຮມປະເທດຊາດຫວຽດນາມ ພ້ອມດ້ວຍພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມເປັນສັກຂີພິ ຍານ ທີ່ ນະຄອນເກິນເທີ ສສ ຫວຽດນາມ ວັນທີ 24 ມິຖຸນາ 2019.

    ການຮ່ວມມືໃນຄັ້ງນີ້ແມ່ນເພື່ອສ້າງເງື່ອນໄຂອໍານວຍຄວາມສະດວກ ໃນການກໍ່ສ້າງບັນດາທ່ານໝໍສະເພາະທາງຫົວໃຈ-ເສັ້ນເລືອດໃຫ້ແກ່ລາວ, ເພື່ອຊ່ວຍເຫຼືອການພັດທະນາການຊ່ວຍປິ່ນປົວພະຍາດທາງຫົວໃຈ-ເສັ້ນເລືອດ, ຊ່ວຍແນະນໍາໃຫ້ຄໍາປຶກສາແກ່ບັນດາໂຮງໝໍຢູ່ລາວໃນການຍົກລະດັບໃຫ້ມີຄຸນນະພາບ, ກໍ່ສ້າງພື້ນຖານໂຄງລ່າງ, ປະກອບວັດສະດຸອຸປະກອນການແພດໃນການຮັບໃຊ້ບົ່ງມະຕິປິ່ນປົວ ແລະ ເພື່ອຍົກສູງຄຸນນະພາບການປິ່ນປົວພະຍາດດັ່ງກ່າວ, ໃນການນໍາໃຊ້ເຕັກນິກສູງຮັບໃຊ້ ແລະ ເບິ່ງແຍງສຸຂະພາບຂອງປະຊາຊົນລາວ,  ພ້ອມດຽວກັນນັ້ນ ເພື່ອເປັນການປຸກ ລະດົມສະໜັບສະໜູນການຊ່ວຍເຫຼືອລົງທຶນ, ຮ່ວມມືໃນການພັດທະນາສາທາລະນະສຸກຢູ່ລາວ, ຈັດບັນດາການປະຊຸມສໍາມະນາທາງດ້ານສາທາລະນະສຸກ ສະເພາະທາງຫົວໃຈ-ເສັ້ນ ເລືອດ, ກ້າມເນື້ອ-ກະດູກ ແລະ ຄໍ່,ກະດູກ ຖ່າຍທອດເຕັກໂນໂລຊີຢູ່ລາວ ເວົ້າລວມ, ເວົ້າສະເພາະ ກໍ່ຄືການພັດທະນາທາງດ້ານສາທາລະນະສຸກ ໂດຍສະເພາະການເບິ່ງແຍງປະຊາຊົນທີເປັນ ພະຍາດຫົວໃຈ-ເສັ້ນເລືອ ຢູ່ ສປປ ລາວ.

2019-06-27

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ