ແນະນຳ ສນຊ (LFND)

ທ່ານປະທານສູນກາງແນວລາວສ້າງຊາດຕ້ອນຮັບການເຂົ້າຢ້ຽມຂໍ່ານັບ ຂອງຄະນະຜູ້ແທນຣາຊະອານາຈັກກຳປູເຈຍ

    ທ່ານ ປອ. ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງທ່ານ Huk Buntheoun ຮອງລັດຖະມົນຕີ ກະຊວງທຳມະການ ແລະ ສາສະໜາແຫ່ງຣາຊະອານາຈັກ ກຳປູເຈຍ ພ້ອມດ້ວຍຄະນະ ໃນວັນທີ 28 ມິຖຸນາ 2019 ນີ້, ທີ່ສູນກາງແນວລາວສ້າງຊາດ.

     ໃນນີ້, ທ່ານປະທານສູນກາງແນວລາວສ້າງຊາດໄດ້ຕີລາຄາສູງ ແລະ ສະແດງຄວາມຍີນດີຕ້ອນຮັບທ່ານ Huk Buntheoun ພ້ອນດ້ວຍຄະນະ ຢ່າງອົບອຸ່ນ, ພ້ອມດຽວກັນນີ້ ທ່ານປະທານສູນກາງແນງລາວສ້າງຊາດ ໄດ້ຍົກໃຫ້ເຫັນເຖີງສາຍພົວພັນຮ່ວມມືລະຫວ່າງສອງພັກສອງລັດ ກໍ່ຄືປະຊາຊົນສອງຊາດລາວ-ກຳປູເຈຍ, ທ່ານໄດ້ຮູ້ເຖິງການພົວພັນລະຫວ່າງສູນກາງແນວລາວສ້າງຊາດ ແລະ ແນວໂຮມສາມັກຄີພັດທະນາມັດຕຸພົມກຳປູເຈຍ, ທ່ານໄດ້ຊົມເຊີຍຕໍ່ການພົວພັນຮ່ວມມືລະຫວ່າງກະຊວງພາຍໃນ ສປປ ລາວ ແລະ ກະຊວງທຳມະການ - ສາສະໜາແຫ່ງຣາຊະອານາຈັກກຳປູເຈຍ.
ໂອກາດນີ້, ທ່ານ Huk Buntheoun ໄດ້ສະແດງຄວາມຂອບໃຈເປັນຢ່າງຍິ່ງຕໍ່ທ່ານປະທານສູນກາງແນວລາວທີ່ໄດ້ເສຍສະຫຼະເວລາມາຕ້ອນຮັບທ່ານພ້ອມຄະນະໃນຄັ້ງນີ້, ພ້ອມກັນນີ້, ທ່ານໄດ້ແຈ້ງຈຸດປະສົງການມາເຄື່ອນໄຫວເຮັດຢູ່ ສປປ ລາວໃຫ້ທ່ານປະທານສູນກາງແນວລາວສ້າງຊາດ ຮັບຊາບ ເຊິ່ງໃນການເຄື່ອນໄຫວຄັ້ງນີ້ໄດ້ມີການພົບປະແລກປ່ຽນບົດຮຽນກ່ຽວກັບວຽກງານສາສະໜາກັບກະຊວງພາຍໃນ ແລະ ເຂົ້າຢ້ຽມຂໍ່ານັກການນຳພັກ- ລັດຂັ້ນສູງ ຂອງ ສປປ ລາວ ແລະ ທ່ານກ່າວຕື່ມອິກ ວ່າການມາຢ້ຽມຢາມ ສປປ ລາວໃນຄັ້ງນີ້ແມ່ນເພື່ອເປັນການຮັດແໜ້ນຄວາມສາມັກຄີ, ເສີມສ້າງສາຍພົວພັນຮ່ວມມືໃຫ້ມີບາດກ້າວໃໝ່ເລື້ອຍໆ.

2019-06-29

ປະຕິທິນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ