ແນະນຳ ສນຊ (LFND)

ທ່ານປະທານສູນກາງແນວລາວສ້າງຊາດເຂົ້າຮ່ວມປູກຕົ້ນໄມ້ໃນເຂດໂຄງການ ສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດຕິດພັນກັບການແກ້ໄຂຄວາມທຸກຍາກ

     ວັນທີ 29 ມິຖຸນາ 2019 ນີ້, ສູນກາງແນວລາວສ້າງຊາດຮ່ວມກັບກຸ່ມບໍລິສັດພົງສະຫວັນ ຈຳກັດ ໄດ້ຈັດພິທີປູກຕົ້ນໄມ້ໃນເຂດໂຄງການ ສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດຕິດພັນກັບການແກ້ໄຂຄວາມທຸກຍາກ ຂອງປະຊາຊົນລາວບັນດາເຜົ່າ ທີ່ຈຸດສຸມໂພນສະອາດ ເມືອງລ້ອງຊານ ແຂວງໄຊສົມບູນ.

     ໂດຍເປັນກຽດເຂົ້າຮ່ວມຂອງ ທ່ານ ປອ. ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ມີທ່ານຮຸ່ງ ບຸນຍວງ ຮອງເຈົ້າແຂວງໆ ໄຊສົມສູນ, ມີທ່ານ ສຈ.ປອ. ອ໋ອດ ພົງສະຫວັນ ກຳມະການສູນກາງແນວລາວສ້າງຊາດ, ມີບັນທ່ານຮອງປະທານສູນກາງແນວລາງສ້າງຊາດ, ຕາງໜ້າຈາກອົງການຈັດຕັ້ງຂັ້ນສູນກາງ, ຕາງໜ້າກະຊວງທີ່ກ່ຽວຂ້ອງ, ການນຳເມືອງ, ກຸ່ມບໍລິສັດພົງສະຫວັນ ກຳຈັດ ແລະ ພໍ່ແມ່ປະຊາຊົນ 8 ບ້ານເຂົ້າຮ່ວມ. 
ໃນນີ້, ຄະນະຮັບຜິດຊອບໂຄງໄດ້ລາຍງານຄວາມຄືບໜ້າຂອງໂຄງການດັ່ງກ່າວໃຫ້ທ່ານປະທານສູນກາງແນວລາວສ້າງຊາດຮັບຊາບ ເຊິ່ງປະຈຸບັນໂຄງການໄດ້ສຳເລັດການປັບພື້ນທີໃນເຂດກໍ່ສ້າງຕ່າງໆ ເປັນຕົ້ນສຳເລັດການກໍ່ສ້າງ ຄອກສັດ, ສວນຟາມ ເຊິ່ງໄດ້ນຳສັດເຂົ້າຈຳນວນໜຶ່ງ, ສຳເລັດການປັບ ແລະ ຂຸດຂຸມປູກຕົ້ນໄມ້ກີນໝາກນຳນວນ 25 ເຮັກຕາ ທີ່ຈະປູກຕົ້ນໄມ້ກີນໝາກ ຈຳນວນ 150, 000 ຕົ້ນ, ສຳເລັດການບຸກເບີກເສັ້ນທາງໃນເຂດໂຄງການ, ລະບົບນໍ້າໃຊ້, ໄຟຟ້າ ແລະ ສຳເລັດການສ້າງກອງທຶນບ້ານສາມັກຄີບ້ານສັນປາຕອງ ເຊິ່ງມາຮອດປະຈຸບັນທຶນທີ່ໃຊ້ກໍ່ສ້າງພື້ນຖານໂຄງລ່າງຂອງໂຄງການທັງໝົດແມ່ນ 4,847,841,817 ຕື້ກີບ. 
ຫຼັງຈາກນີ້, ຄະນະນຳສູນກາງ, ແຂວງ, ເມືອງ ແລະ ພໍ່ແມ່ປະຊາຊົນກໍ່ປູກຕົ້ນໄມ້ໃນເຂດດັ່ງກ່າວເຊິ່ງການປູກຕົ້ນໄມ້ທີ່ປູກໃນຄັ້ງນີ້ແມ່ນຕົ້ນໄມ້ກີນໝາກໂດຍມີຕົ້ນໝາກມ່ວງ, ຕົ້ນອາໂວກາໂດ່, ມັງກຸດ, ຖົ່ວລຽນ, ຕົ້ນລຳໃຍ, ໝາກພຸກ ແລະ ຕົ້ນໝາກເງາະ ລວມທັງໝົດ 15 ພັນ ກ່ວາຕົ້ນ ພ້ອມກັນນີ້, ທ່ານປະທານສູນກາງແນວລາວສ້າງຊາດພ້ອມດ້ວຍຄະນະກໍ່ໄດ້ລົງຢ້ຽມຢາມກອງທຶນບ້ານສາມັກຄີແນວລາວສ້າງຊາດ ບ້ານສັນປາຕອງ ຕື່ມອິກ.

2019-06-30

ປະຕິທິນ

Jul-2019
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ