ແນະນຳ ສນຊ (LFND)

ຄະນະນຳສູນກາງແນວລາວສ້າງຊາດວາງກະຕ່າດອກໄມ້ທີ່ອານຸສອນສະຖານທ່ານປະທານສຸພານຸວົງ ແລະ ສຸສານນັກຮົບຫຼັກ 24

    ເນື່ອງໃນໂອກາດລະນຶກວັນຄ້າຍວັນເກີດຂອງ ທ່ານປະທານ ສຸພານຸວົງ ຄົບຮອບ 110 ປີ (13/7/1909-13/7/2019), ຄະນະນຳສູນກາງແນວລາວສ້າງຊາດ, ບັນດາອົງການຈັດຕັ້ງມະຫາຊົນ ແລະ ກຳມະການສູນກາງແນວລາວສ້າງຊາດ ອ້ອມຂ້າງສູນກາງໄດ້ ໄປວາງກະຕ່າດອກໄມ້ທີ່ອານຸສອນສະຖານທ່ານປະທານ ສຸພານຸວົງ ໃນວັນທີ 12 ກໍລະກົດ 2019 ນີ້,

    ເຊິ່ງນຳໂດຍທ່ານ ປອ. ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວ ສ້າງຊາດ; ການວາງກະຕ່າດອກໄມ້ໃນຄັ້ງນີ້ແມ່ນເພື່ອຈາລຶກບຸນຄຸນ, ຄຸນງາມຄວາມດີຂອງ ປະທານ ສຸພານຸວົງ ທີ່ໄດ້ປະກອບສ່ວນຢ່າງໃຫຍ່ຫຼວງໃນພາລະກິດຕໍ່ສູ້ກູ້ຊາດຢ່າງພິລະອາດຫານເພື່ອປົດປ່ອຍຊາດ ແລະ ພັດທະນາປະເທດຊາດນັບມື້ນັບຈະເລີນກ້າວໜ້າ, ເຮັດໃຫ້ຊີວິດ ການເປັນຢູ່ ຂອງປະຊາຊົນລາວບັນດາເຜົ່າມີຄວາມຜາສຸກຍິ່ງໆຂຶ້ນ. ໃນນັ້ນ, ທ່ານກໍເປັນ ປະທານປະເທດຜູ້ທຳອິດ ຂອງ ສປປ ລາວ, ປະທານສະພາປະຊາຊົນສູງສຸດທ່ານທຳອິດ ຂອງ ສປປ ລາວ, ປະທານແນວລາວອິດສະຫຼະ, ປະທານແນວລາວຮັກຊາດ, ປະທານແນວລາວ ສ້າງຊາດ. ຫຼັງຈາກນັ້ນ, ທ່ານ ຄຳໃບ ດຳລັດ ກຳມະການສູນກາງພັກ ຮອງປະທານ ສູນກາງແນລາວສ້າງຊາດ ກໍ່ໄດ້ນຳພາຄະນະໄປວາງພວງມາລາທີ່ ສຸສານນັກຮົບ ຫຼັກ 24 ເພື່ອຈາລຶກບຸນຄຸນ, ຄຸນງາມຄວາມດີ ຂອງນາຍ ແລະ ພົນທະຫານທີ່ໄດ້ອຸທິເລືອດເນື້ອ ເຂົ້າໃນຂະບວນການຕໍ່ສູ້ໃນເມື່ອກ່ອນ.

2019-07-12

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ