ແນະນຳ ສນຊ (LFND)

ສູນກາງແນວລາວສ້າງຊາດ ຮ່ວມກັບ ຄອບຄົວ,ລູກຫຼານ ສຸພານຸວົງ ພ້ອມກັນຈັດຕັ້ງກອງອັດຖະໃຫ້ແກ່ທ່ານປະທານ ສຸພານຸວົງ

    ເນື່ອງໃນໂອກາດວັນຄ້າຍວັນເກີດທ່ານປະທານ ສຸພານຸວົງ ຄົບຮອບ 110 ປີ ( 13/07/1909 – 13/07/2019) ສູນກາງແນວລາວສ້າງຊາດ ຮ່ວມກັບ ຄອບຄົວ,ລູກຫຼານ ສຸພານຸວົງ ພ້ອມກັນຈັດຕັ້ງກອງອັດຖະໃຫ້ແກ່ທ່ານປະທານ ສຸພານຸວົງ ໄດ້ມີຈິດໃຈ ສັດທາໃພະພຸດທະສາສະໜາ ໄດ້ພ້ອມກັນຈັດຕັ້ງກອງອັດຖະ 2 ກອງເພື່ອອຸທິດສ່ວນບຸນກຸສົນເຖີງທ່ານປະທານ ສຸພານຸວົງ ແລະ ທ່ານ ນ. ວຽງຄຳ ສຸພານຸວົງ ໃນຕອນແລງຂອງວັນທີ 12/07/2019 ທີອານຸສອນສະຖານທ່ານ ປະທານ ສຸພານຸວົງ ເຊິ່ງໃນນີ້ໄດ້ມີພິທີສູດປະຣິຕະມຸງຄຸນ ຕາມຮີດຄອງປະເພນີ.

   ຕໍ່ມາຕອນເຊົ້າຂອງ ວັນທີ 13/07/2019 ໄດ້ມີພິທີຕັກບາດ ແລະ ຖວາຍກອງບຸນແດພະສົງຈຳນວນ 13 ອົງ ໂດຍກຽດເຂົ້າ ຂອງ ທ່ານ ບຸນຍັງວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ, ທ່ານ ໄຊສົມພອນ ພົມວິຫານ ກຳມະການກົນການເມືອງສູນກາງພັກ ປະທານສູນກາງແນວລາວສ້າງຊາດ ການນຳພັກ-ລັດຂັ້ນສູງ, ພະອາຈານໃຫຍ່ ມະຫາງ່ອນ ດຳລົງບຸນ ປະທານ ອພສ ສູນກາງ, ມີພະນັກງານ-ລັດຖະກອນພ້ອນດ້ວຍລູກຫຼານ ຄອບຄົວສຸພານຸວົງ ເຂົ້າຮ່ວມ. ໃນພິທີໄດ້ທ່ານ ປະທານສູນກາງແນວລາວສ້າງຊາດໄດ້ໃຫ້ກຽດໃຕ້ທູບທຽນໄວ້ພຣະຣັດຕະນະໄຕ, ມີການເທດທຳສາສະໜາ, ຕັກບາດຢ່ານໍ້າ ຖອດຖວາຍເຖິງທ່ານ ປະທານ ສຸພານຸວົງ ແລະ ທ່ານ ນ. ວຽງຄຳ ສຸພານຸວົງ ເຊິ່ງເປັນຜູ້ນຳທີແສນເຄົາລົບຮັກ ຂອງປວງຊົນລາວທັງຊາດ.

2019-07-15

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ