ແນະນຳ ສນຊ (LFND)

ພິທີເຊັນບົດບັນທຶກຊ່ວຍຈຳ

ພິທີເຊັນບົດບັນທຶກຊ່ວຍຈຳຮ່ວມມື ລະຫວ່າງ ສູນກາງແນວລາວສ້າງຊາດ ແລະ ໂຮງໝໍການແພດພື້ນເມືອງສູນກາງ ສສ ຫວຽດນາມ ຢູ່ທີສູນກາງແນວລາວສ້າງຊາດ ໃນວັນທີ 12 ກໍລະກົດ 2019. ໃນພິທີເຊັນບົດບັນທຶກຄັ້ງນີ້ ໂດຍມີ ທ່ານ ດຣ ຈັນເພັງ ສຸດທິວົງ ກຳມະການສູນກາງແນວລາວສ້າງຊາດ, ຫົວໜ້າຫ້ອງການສູນກາງແນວລາວສ້າງຊາດ, ທ່ານ ນາງ ເຈືອງ ທິ ຊວັນ ຮ່ວາ ຮອງຜູ້ອຳນວຍການໂຮງໝໍການແພດພື້ນເມືອງສູນກາງ ສສ ຫວຽດນາມ. ໂດຍ ເປັນກຽດເຂົ້າຮ່ວມຂອງ ທ່ານ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ, ທ່ານ ນາງ ດຣ ວິພາວັນ ພົມວິຫານ ຄະນະທີປຶກສາໂຄງການອາຫານໂລກ ປະຈຳ ສູນກາງແນວລາວສ້າງຊາດ ພ້ອມດ້ວຍພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ. 

ການຮ່ວມມືໃນຄັ້ງນີ້ ແມ່ນເພື່ອສ້າງເງື່ອນໄຂອຳນວຍຄວາມສະດວກ ແລະ ເພີ່ມທະວີການຮ່ວມມືລະຫວ່າງສູນກາງແນວລາວສ້າງຊາດ ແລະ ໂຮງໝໍການແພດພື້ນເມືອງສູນກາງ ສສ ຫວຽດນາມ ເພື່ອໃຫ້ມີການໄປມາຫາສູ່, ແລກປ່ຽນບົດຮຽນເຊິ່ງກັນ ແລະ ກັນ; ຊ່ວຍສົ່ງເສີມ ແລະ ກໍ່ສ້າງຊັບພະຍາກອນມະນຸດໂດຍສະເພາະແມ່ນການວິໄຈ ແລະ ປິ່ນປົວດ້ວຍຢາພື້ນເມືອງ, ການປັກເຂັ້ມ ແລະ ການແພດພື້ນຟູໜ້າທີ່ການ; ຊ່ວຍການສະໜັບສະໜູນການຮ່ວມມືໃນການປູກຢາພື້ນເມືອງ ແລະ ສະໜັບສະໜູນອຸປະກອນການແພດທີ່ຮັບໃຊ້ເຂົ້າໃນວຽກງານການແພດທີ່ຈຳເປັນ. ໃນນີ້, ລັດຖະບານລາວ, ລັດຖະບານ ສສ ຫວຽດນາມ, ສູນກາງແນລາວສ້າງຊາດ, ສູນກາງແນວໂຮມປະເທດຊາດຫວຽດນາມຊ່ຍວເຫຼືອທາງດ້ານງົບປະມານ ແລະ ບັນດາທ່າແຮງອື່ນໆນຳບັນດາຂະແໜງການ ເພື່ອອຳນວຍຄວາມ ສະດວກ ເພື່ອໃຫ້ໂຮງໝໍການແພດພື້ນເມືອງສູນກາງປະຕິບັດໜ້າທີ່ການຮ່ວມມືໃນການບຳລຸງສ້າງ, ແລກປ່ຽນບົດຮຽນໃນການປິ່ນປົວພະຍາດການແພດພື້ນເມືອງ ເພື່ອຮັກສາສຸຂະພາບຂັ້ນຕົ້ນຂອງປະຊາຊົນ; ບຳລຸງສ້າງ ຍົກລະດັບທາງດ້ານວິຊາການ ການແພດພື້ນຟູໜ້າທີ່ການ ໃຫ້ມີຄວາມຊຳນິຊຳນານ ແລະ ກາຍເປັນມືອາຊີບ. ພ້ອມດຽວກັນນີ້, ຊ່ຽວຊານຫວຽດນາມໃຫ້ການສະໜັບສະໜູນບຳລຸງການແພດພື້ນເມືອງ, ແລກປ່ຽນວິຊາສະເພາະເຊິ່ງກັນ ແລະ ກັນລະຫວ່າງໂຮງໝໍການແພດພື້ນເມືອງສູນກາງ ແລະ ສະຖາບັນຢາພື້ນເມືອງຂອງລາວ; ຮ່ວມມືຊ່ວຍສຶກສາຄົ້ນຄວ້າພືດສະໜູນໄພທີ່ເປັນຢາ, ຊ່ວຍເຫຼືອທາງດ້ານເຕັກນິກການຜະລິດຢາພື້ນເມືອງໃຫ້ເປັນຜະລິດຕະພັນຮັບໃຊ້ໃນການປິ່ນປົວ.

2019-07-18

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ