ແນະນຳ ສນຊ (LFND)

ກອງປະຊຸມຄະນະພັກ ສນຊ ເປີດກວ້າງ ຄັ້ງທີ 4 ສະໄໝທີ IV ແລະ ເຊື່ອມຊຶມມະຕິ 8 ຂອງສູນກາງພັກ

    ຄະນະພັກ ສູນກາງແນວລາວສ້າງຊາດ(ສນຊ) ໄດ້ຈັດກອງປະຊຸມເປີດກວ້າງ ຄັ້ງທີ 4 ສະໄໝທີ IV ຂຶ້ນໃນວັນທີ 15 ກໍລະກົດ 2019 ນີ້, ໂດຍການເປັນປະທານຂອງ ສະຫາຍ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ເລຂາຄະນະພັກ, ປະທານສູນກາງແນວລາວສ້າງຊາດ, ເຂົ້າຮ່ວມມີ ສະຫາຍ ຄຳໃບ ດຳລັດ ກຳມະການສູນກາງພັກ, ຮອງເລຂາຄະນະພັກ, ຮອງປະທານສູນກາງແນວລາວສ້າງຊາດ, ມີບັນດາສະຫາຍຄະນະປະຈຳພັກ, ຄະນະພັກ, ເລຂາ-ຮອງເລຂາໜ່ວຍພັກ, ສະມາຊິກພັກອາວຸໂສອຳນານ ແລະ ສະມາຊິກພັກ ສນຊ ເຂົ້າຮ່ວມ.

     ສະຫາຍ ນາງ ຄຳຈັນ ພົມແສງສະຫວັນ ຄະນະປະຈຳພັກ, ຮອງປະທານສູນກາງແນວລາວສ້າງຊາດ ໄດ້ລາຍງານຮ່າງບົດສະຫຼຸບຕີລາຄາການນຳພາຮອບດ້ານຂອງຄະນະພັກ ສນຊ ໃນໄລຍະ 1 ປີຜ່ານມາ(6 ເດືອນທ້າຍປີ 2018 ແລະ 6 ເດືອນຕົ້ນປີ 2019) ແລະ ທິດທາງແຜນການໃນຕໍ່ໜ້າ ໂດຍຫຍໍ້ ເຊິ່ງສະຫາຍໄດ້ຍົກໃຫ້ເຫັນ ວຽກງານການເມືອງ-ແນວຄິດ, ວຽກງານການກໍ່ສ້າງພັກ ແລະ ການຈັດຕັ້ງ, ແບບແຜນນຳພາ ແລະ ວິທີເຮັດວຽກ, ວຽກງານພະນັກງານ, ວຽກງານປັບປຸງກົງຈັກການຈັດຕັ້ງ, ວຽກງານອົງການຈັດຕັ້ງມະຫາຊົນ, ວຽກງານວິຊາສະເພາະ ແລະ ວຽກງານຕ່າງປະເທດ ເຊິ່ງໄລຍະຜ່ານມາຄະນະພັກ ສນຊ ໄດ້ເຜີຍແຜ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ, ຈັດຕັ້ງປາຖະກະຖາເລົ່າມູນເຊື້ອຂອງຊາດ, ຂອງພັກ, ຂອງລັດ, ຂອງແນວລາວສ້າງຊາດ ແລະ ອົງການຈັດຕັ້ງມະຫາຊົນ ໃຫ້ສະມາຊິກພັກ-ພະນັກງານໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ; ເອົາໃຈໃສ່ຊີ້ນຳວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ເຮັດໃຫ້ມີ 3 ໜ່ວຍພັກສາມາດຮັກສານາມມະຍົດໜ່ວຍພັກເຂັ້ມແຂງຮູ້ນຳພາຮອບດ້ານມາໄດ້ 2 ປີ ແລະ ມີ 4 ໜ່ວຍພັກໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ; ໄດ້ຊຸກຍູ້ໃຫ້ແຕ່ລະກົມຫັນລົງຮາກຖານຕາມໜ້າວຽກວິຊາສະເພາະ, ຊຸກຍູ້ຂະບວນການສ້າງຄອບຄົວ ແລະ ບ້ານສາມັກຄີປອງດອງ ຕິດພັກກັບການແກ້ໄຂຄວາມທຸກຍາກຂອງປະຊາຊົນ ແລະ ໄດ້ປຸກລະດົມວັດຖຸປັດໄຈຊ່ວຍເຫຼືອຜູ້ປະສົບໄພທຳມະຊາດທີ່ເກີດຂຶ້ນໃນໄລຍະຜ່ານມາ. ພ້ອມກັນນີ້, ກໍໄດ້ຮັບຟັງການເຜີຍແຜ່ມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກ ສະໄໝທີ X ແລະ ກໍໄດ້ມີການປະກອບຄຳຄິດຄຳເຫັນ ຕໍ່ບົດສະຫຼຸບຕີລາຄາການນຳພາຮອບດ້ານຂອງຄະນະພັກ ສນຊ ໃນໄລຍະ 1 ປີຜ່ານມາ ຢ່າງກົງໄປກົງມາ.

ໃນໂອກາດທີ່ມີຄວາມໝາຍສຳຄັນນີ້, ສະຫາຍ ເລຂາຄະນະພັກ ສນຊ ໄດ້ມີຄຳເຫັນໂອ້ລົມຕໍ່ກອງປະຊຸມ ເຊິ່ງກ່ອນອື່ນ ສະຫາຍ ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວຂອງຄະນະພັກໃນໄລຍະຜ່ານມາ ແລະ ໄດ້ເໜັ້ນຕື່ມວ່າ ໃຫ້ຄະນະພັກ, ເລຂາ-ຮອງເລຂາໜ່ວຍພັກ ເປັນເຈົ້າການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານ ໃຫ້ເລິກເຊິ່ງເຖິງຖອງ, ເອົາໃຈໃສ່ປັບປຸງ-ຍົກສູງຄຸນນະພາບ ຂອງໜ່ວຍພັກ ແລະ ສະມາຊິກພັກ, ເອົາໃຈໃສ່ບັນຫາການດຳເນີນຊີວິດການເມືອງພາຍໃນໜ່ວຍພັກ, ຕຳນິສົ່ງຂ່າວເພື່ອກໍ່ສ້າງຊ່ວຍເຫຼືອເຊິ່ງກັນ ແລະ ກັນ; ເອົາໃຈໃສ່ກໍ່ສ້າງໜ່ວຍພັກປອດໃສ, ເຂັ້ມແຂງ, ແໜັກແນ້ນ; ເອົາໃຈໃສ່ແຜນກຳນົດພະນັກງານ ແລະ ບຳລຸງພະນັກງານ ເຊິ່ງເລີ່ມຈາກຄວາມຕ້ອງການນຳໃຊ້ພະນັກງານ ຈາກສະພາບຕົວຈິງຂອງແຕ່ລະເປົ້າໝາຍ, ໃຫ້ຄົ້ນຄວ້າການປັງປຸງກົງຈັກການຈັດຕັ້ງ ຕາມທິດກະທັດຮັດ ສົມເຫດສົມຜົນ, ສອດຄ່ອງກັບຄວາມຮຽກຮ້ອງຕ້ອງການ ໜ້າທີ່ວຽກງານໃນໄລຍະໃໝ່; ເພີ່ມທະວີການຊີ້ນຳ-ນຳພາອົງການຈັດຕັ້ງມະຫາຊົນ ແລະ ການສ້າງຂະບວນການ ເປັນຕົ້ນ 3 ດີຂອງສະຫະພັນແມ່ຍິງ, 4 ບຸກຂອງຊາວໜຸາມປະຊາຊົນປະຕິວັດລາວ ແລະ 2 ດີ 5 ເປັນເຈົ້າຂອງສະຫະພັນກຳມະການລາວ ຕິດພັນກັບການແຂ່ງຂັນຮັກຊາດ ແລະ ພັດທະນາ ໃຫ້ເປັັນຂະບວນການຟົດຟື້ນ; ເສີມຂະຫຍາຍ ແລະ ຈັດຕັ້ງປະຕິບັດວຽກງານການທູດປະຊາຊົນ ຕາມແຜນການທີ່ໄດ້ວາງໄວ້.

2019-07-18

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ