ແນະນຳ ສນຊ (LFND)

ທ່ານ ປະທານສູນກາງແນວລາວສ້າງຊາດ ຕ້ອນຮັບ ຄະນະຜູ້ແທນ ສະມາຄົມແບ່ງປັນຄວາມຮັກຊຸມຊົນ ແຫ່ງ ສ. ເກົາຫຼີ

    ທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ໄດ້ຕ້ອນຮັບ ການເຂົ້າຢ້ຽມຂໍ່ານັບ ຂອງທ່ານ ລີ ອຶນ ດົກ (Lee Eun Deok) ປະທານສະມາຄົມແບ່ງປັນຄວາມຮັກຊຸມຊົນ ສ. ເກົາຫຼີ ພ້ອມດ້ວຍຄະນະ ໃນໂອກາດທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ໃນ ສປປ ລາວ. ທີ່ສູນກາງແນວລາວສ້າງຊາດ ໃນວັນທີ 18 ກໍລະກົດ 2019 ນີ້.

    ໃນໂອກາດນີ້, ທ່ານ ປອ. ໄຊສົມພອນ ພົມວິຫານ ໄດ້ສະແດງຄວາມຊົມເຊີຍ, ຍິນດີຕ້ອນຮັບ ແລະ ຕີລາຄາສູງ ຕໍ່ການພົວພັນຮ່ວມມືສອງຝ່າຍ. ພ້ອມກັນນັ້ນ, ຍັງໄດ້ປຶກສາຫາລື ແລກປ່ຽນຄໍາຄິດເຫັນກ່ຽວກັບການສ້າງສາຍພົວພັນມິດຕະ ພາບ ລາວ-ສ. ເກົາຫຼີ ທີ່ຈະໄດ້ຮ່ວມມືກັນໃນຕໍ່ໜ້າ ເວົ້າລວມ, ເວົ້າສະເພາະ ກໍ່ຄື ສູນກາງແນວລາວສ້າງຊາດ ກັບ ສະມາຄົມແບ່ງປັນຄວາມຮັກຊຸມຊົນ ສ. ເກົາຫຼີ ເພື່ອເປັນການເສີມສ້າງສາຍພົວພັນຮ່ວມມື, ການແລກປ່ຽນຂໍ້ມູນຂ່າວສານ, ປະສານສົມທົບ ແລະ ສະໜັບສະໜູນ ເຊິ່ງກັນ ແລະ ກັນ ກ່ຽວກັບວຽກງານທີ່ເປັນປະໂຫຍດໃຫ້ແກ່ປະຊາຊົນສອງປະເທດ; ພ້ອມກັນນີ້, ທ່ານ ປະທານສູນກາງແນວລາວສ້າງຊາດ ຍັງໄດ້ສະແດງຄວາມຂອບໃຈຢ່າງສູງ ຕໍ່ການສະໜັບສະໜູນ, ຊ່ວຍເຫຼືອ ແລະ ນໍ້າໃຈ ຂອງປະຊາຊົນ ແລະ ລັດຖະບານເກົາຫຼີ ໃນການປຸກລະດົມ, ການບໍລິຈາກເຄື່ອງອຸປະໂພກ, ບໍລິໂພກ, ວັດຖຸ, ສິ່ງຂອງ ແລະ ອື່ນໆ ເພື່ອຊ່ວຍເຫຼືອປະຊາຊົນລາວໃນເຂດທຸກຍາກຫ່າງໄກສອກຫຼີກ.

          ສ່ວນທ່ານ ລີ ອຶນ ດົກ (Lee Eun Deok) ປະທານສະມາຄົມແບ່ງປັນຄວາມຮັກຊຸມຊົນ ສ. ເກົາຫຼີໄດ້ສະ ແດງຄວາມຂອບໃຈຕໍ່ ທ່ານ ປອ ໄຊສົມພອນ ພົມວິຫານ ທີ່ເສຍສະຫຼະເວລາອັນມີຄ່າຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງໄດ້ແຈ້ງສະພາບຂອງການມາເຄື່ອນໄຫວເຮັດວຽກ ຢູ່ ສປປ ລາວໃນຄັ້ງນີ້ ໂດຍສະເພາະ, ແມ່ນການມອບເຄື່ອງຊ່ວຍ ເຫຼືອຈໍານວນໜຶ່ງໃຫ້ສູນກາງແນວລາວສ້າງຊາດ ເພື່ອນໍາໄປມອບຕໍ່ຊ່ວຍເຫຼືອປະຊາຊົນທີ່ເຂດຫ່າງໄກສອກຫຼີກຕື່ມອີກ.

2019-07-18

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ