ແນະນຳ ສນຊ (LFND)

ກອງປະຊຸມສ້າງປື້ມຄູ່ມືຝຶກອົບຮົມວຽກງານແນວລາວສ້າງຊາດ ວຽກງານຊົນເຜົ່າ.

ເມື່ອຕົ້ນເດືອນ ກໍລະກົດ 2019 ນີ້, ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມສ້າງປື້ຶ້ມຄູ່ມືຝືກອົບຮົມ ວຽກງານຊົນເຜົ່າ ຢູ່ຫ້ອງວ່າການປົກຄອງ ແຂວງ ບໍລິຄຳໄຊ ໂດຍການເປັນປະທານຂອງ ທ່ານ ນາງ ຄຳຈັນ ພົມແສງສະຫວັນ ຮອງປະທານ ສນຊ ຜູ້ຊີ້ນຳວຽກງານສູນຝຶກອົບຮົມ ສນຊ ແລະ ເປັນກຽດເຂົ້າຮ່ວມຂອງທ່ານ ລຳສະໄໝ ວໍລະສານ, ຄະນະປະຈຳພັກ, ປະທານແນວລາວສ້າງຊາດ ແຂວງ ບໍລິຄຳໄຊ,  ມີບັນດາຫົວໜ້າ-ຮອງຫົວໜ້າກົມ, ຫົວໜ້າພະແນກ, ຮອງພະແນກ ແລະ ວິຊາການຈາກ 7 ພາກສ່ວນ ຄື: ກະຊວງພາຍໃນ, ກະຊວງສືກສາທິການ ແລະ ກິລາ, ຄະນະໂຄສະນາອົບຮົມສູນກາງພັກ, ສະຖາບັນຄົ້ນຄວ້າ ວິທະຍາສາດ-ສັງຄົມແຫ່ງຊາດ, ສະພາແຫ່ງຊາດ, ແນວລາວສ້າງຊາດແຂວງ ແລະ ສູນກາງ ແນວລາວສ້າງຊາດ ລວມທັງໝົດ 30 ທ່ານ, ຍິງ 10 ທ່ານ.

ຈຸດປະສົງຕົ້ນຕໍຂອງການສ້າງຫຼັກສູດນີ້ ກໍ່ເພື່ອປືກສາຫາລື, ຄົ້ນຄວ້າ ຮຽບຮຽງ ບັນດາເອກະສານຕ່າງໆ ໃຫ້ເປັນລະບົບ ຢ່າງຖືກຕ້ອງຕາມຫຼັກວິຊາການ ໃນການສ້າງປື້ມຄູ່ມືຝືກອົບຮົມ, ຄົ້ນຄວ້າ ແລະ ສ້າງສາລະບານໃຫ້ມີຄວາມຖືກຕ້ອງ ຕາມຫຼັກການສ້າງປື້ມຄູ່ມືຝືກອົບຮົມ, ຄົ້ນຄວ້າ ກໍານົດເນື້ອໃນ ລົງໃສ່ແຕ່ລະຫົວຂໍ້ ໃຫ້ມີຄວາມເໝາະສົມ, ບໍ່ໃຫ້ສັ້ນ ຫຼື ຍາວເກີນໄປ, ໃຫ້ມີເນື້ອໃນຄົບຖ້ວນສົມບູນ ເພື່ອສະດວກຕໍ່ຜູ້ນຳໃຊ້ຄູ່ມືໃນການຈັດຝືກອົບຮົມ ແລະ ມີຄວາມເປັນເອກະພາບ ນຳໄປຈັດຕັ້ງເຜີຍແຜ່ຕໍ່ສາທາລະນະ ຂອງແຕ່ລະພາກສ່ວນທີ່ເຮັດວຽກງານຊົນເຜົ່າໃຫ້ມີໝາກຜົນ.

ຊຸດຝືກອົບຮົມດັ່ງກ່າວ ໄດ້ດຳເນີນມາເປັນເວລາ 5 ວັນ ແຕ່ວັນທີ 8-12 ກໍລະກົດ 2019 ຈື່ງອັດລົງດ້ວຍຜົນສຳເລັດອັນຈົບງາມ.

ໃນໂອກາດນີ້ ທ່ານ ນ. ຄໍາຈັນ ພົມແສງສະຫວັນ ທ່ານ ກໍໄດ້ຍົກໃຫ້ເຫັນເຖິງຄວາມສຳຄັນ ແລະ ຄວາມຈຳເປັນ ໃນການສ້າງປື້ມຄູ່ມືຝືກອົບຮົມວຽກງານແນວລາວສ້າງຊາດ ໂດຍສະເພາະວຽກງານຊົນເຜົ່າ, ເພາະເປັນວຽກງານໜຶ່ງ ທີ່ມີຄວາມໝາຍ ແລະ ຄວາມສຳຄັນຫຼາຍທີ່ຈະສ້າງໃຫ້ພະນັກງານຖັນແຖວແນວລາວສ້າງຊາດແຕ່ລະຂັ້ນ ໄດ້ຮັບຮູ້ ແລະ ເຂົ້າໃຈ, ນຳເອົາບົດຮຽນຄັ້ງນີ້ໄປຈັດຕັ້ງປະຕິບັດເຂົ້າໃນວຽກງານວິຊາສະເພາະໃຫ້ມີຄວາມສະດວກ, ຄ່ອງແຄ້ວ ແລະ ໄດ້ຮັບໝາກຜົນຕາມລະດັດຄາດໝາຍທີ່ວາງໄວ້.

2019-07-19

ປະຕິທິນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ