ແນະນຳ ສນຊ (LFND)

ສະຫະພັນແມ່ຍິງ ສູນກາງແນວລາວສ້າງຊາດຈັດກິດຈະກຳ ວັນສ້າງຕັ້ງແມ່ຍິງ ຄົບຮອບ 64 ປີ

ໃນວັນທີ 19 ກໍລະກົດ 2019 ນີ້, ສະຫະພັນແມ່ຍິງສູນກາງແນວລາວສ້າງຊາດ (ສນຊ) ໄດ້ໄປທັດສະນະສຶກສາສະຖານທີ່ແຫຼ່ງທ່ອງທ່ຽວທຳມະຊາດ ຕາດປ່າໄລ ເນື່ອງໃນໂອກາດວັນສ້າງຕັ້ງແມ່ຍິງ ຄົບຮອບ 64 ປີ (20/7/1955-20/7/2019). ໂດຍການເປັນກຽດເຂົ້າຮ່ວມມີ ທ່ານ ນາງ ສີພະຈັນ ນັນທະວົງສາ ຄະນະພັກ, ຫົວໜ້າກົມກວດກາ, ປະທ່ານສະຫະພັນແມ່ຍິງ ສູນກາງແນວລາວສ້າງຊາດ, ທ່ານ ນາງ ຄຳຈັນ ພົມແສງ ພົມແສງສະຫວັນ ຮອງປະທານ ສນຊ, ມີພະນັກງານບໍານານປະຕິວັດອາວຸດໂສ, ບັນດາທ່ານຫົວໜ້າກົມ, ຮອງຫົວໜ້າກົມ, ສະມາຊິກສະຫະພັນແມ່ຍິງ ສນຊ ເຂົ້າຮວ່ມ.

ໂອກາດນີ້ ທ່ານ ນາງ ສີພະຈັນ ນັນທະວົງສາ ໄດ້ມີຄຳທ່ານໄດ້ເວົ້າວ່າ: ການຈັດກິດຈະກຳໃນຄັ້ງນີ້ ເພື່ອເປັນການສຶກສາອົບຮົມສະມາຊິກສະຫະພັນແມ່ຍິງ ສູນກາງແນວລາວສ້າງຊາດ ໃຫ້ຮັບຮູ້, ເຂົ້າໃຈ ກ່ຽວກັບປະຫວັດຄວາມເປັນມາແຫ່ງການກຳເນີດ ແລະ ການເຕີບໃຫຍ່ຂະຫຍາຍຕົວຂອງອົງການຈັດຕັ້ງສະຫະພັນແມ່ຍິງລາວ, ເປັນການເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວບັນດາເຜົ່າ; ເພື່ອປຸກລະດົມສະມາຊິກສະຫະພັນແມ່ຍິງເປັນເຈົ້າ ການໃນການເຂົ້າຮ່ວມການປົກປັກຮັກສາປະເທດຊາດ ແລະ ເພີ່ມທະວີຄວາມຮັບຜິດຊອບໃນການປະຕິບັດຄຳຂັວນ ແລະ ຂໍແຂ່ງຂັນ 3 ດີ ຂອງແມ່ຍິງລາວ ຕິດພັນກັບວິຊາສະເພາະ ແລະ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ໃຫ້ເປັນຂະບວນການຢ່າງກວ້າງຂວາງ ແລະ ເຂົ້າສູ່ຊີວິດຕົວຈິງ;
ພ້ອມດຽວກັນນີ້, ເນື່ອງໃນໂອກາດທີ່ມີຄວາມໝາຍຄວາມສຳຄັນນີ້ ສະຫະພັນແມ່ຍິງ ສນຊ ກໍ່ໄດ້ຈັດພາເຂົ້າສາມັກຄີ ເພື່ອຮັດແໜ້ນຄວາມສາມັກຄີພາຍໃນຂອງສະມາຊິກແມ່ຍິງ ເວົ້າລວມ ເວົ້າສະເພາະ ກໍຄືພະນັກງານ-ລັດຖະ ກອນສູນກາງແນວລາວສ້າງຊາດ ໃຫ້ມີຄວາມແໜ້ນແຟ້ນ ມີຄວາມສະເໜີພາບລະຫວ່າງຍິງ-ຊາຍ ແລະ ເປັນການເຕົ້າໂຮມຄວາມສາມັກຄີໃຫ້ກ້ວາງຂວາງ.

2019-07-25

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ