ແນະນຳ ສນຊ (LFND)

ສນຊ ຝຶກອົບຮົມການຂຽນ ຕໍາແໜ່ງງານ ພະນັກງານ-ລັດຖະກອນ

ໃນວັນທີ 23 ກໍລະກົດ 2019 ນີ້, ກົມຈັດຕັ້ງ - ພະນັກງານ ສູນກາງແນວລາວສ້າງຊາດ (ສນຊ) ໄດ້ຈັດຊຸດຝຶກອົບຮົມການຂຽນ ແລະ ຈັດວາງຕໍາແໜ່ງງານ ຂອງພະນັກງານ-ລັດຖະກອນ ໂດຍເປັນປະທານຂອງທ່ານ ຄໍາຫຼ້າ ລີ້ງນະສອນ ຮອງປະທານ ສນຊ, ມີບັນດາທ່ານຫົວໜ້າ-ຮອງຫົວໜ້າກົມ, ຫ້ອງການ, ສູນຝຶກອົບຮົມ, ມີວິທະຍາກອນມາຈາກກະຊວງພາຍໃນ ແລະ ພະນັກງານ ສນຊ ເຂົ້າຮ່ວມ.

ໂດຍປະຕິບັດຕາມຄໍາສັ່ງຂອງ ນາຍົກລັດຖະມົນຕີ ສະບັບເລກທີ 03/ນຍ, ລົງວັນທີ 9 ກຸມພາ 2018 ວ່າດ້ວຍການປັບປຸງຄຸນນະພາບການເຄື່ອນໄຫວຂອງກົງຈັກການຈັດຕັ້ງ ແລະ ການບັນຈຸລັດຖະກອນໃໝ່.
ຈຸດປະສົງການຝຶກອົບຮົມຄັ້ງນີ້, ເພື່ອໃຫ້ພະນັກງານຮັບຮູ້ເຖິງ ການກໍານົດຕໍາແໜ່ງງານ ຂອງພະນັກງານ-ລັດຖະກອນ, ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານຕົວຈີງ, ການກໍານົດຈໍານວນລັດຖະກອນ, ການຄັດເລືອກບັນຈຸລັດຖະກອນໃໝ່, ການສັບຊ້ອນ, ການບໍາລຸງ-ກໍ່ສ້າງ, ການປະຕິບັດວິໄນ ຫຼື ນະໂຍບາຍ ຕໍ່ພະນັກງານ-ລັດຖະກອນ ແລະ ເພື່ອເປັນການຍົກສູງພາລະບົດບາດ, ສິດ, ໜ້າທີ່ຂອງຕົນ ທັງເປັນການເສີມຂະຫຍາຍຫົວຄິດປະດິດສ້າງຂອງພະນັກງານ-ລັດຖະກອນ ແລະ ເພື່ອເປັນການປັບປຸງກົງຈັກການຈັດຕັ້ງໃຫ້ແທດເໝາະກັບສະພາບຄວາມເປັນຈິງ.

2019-07-25

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ