ແນະນຳ ສນຊ (LFND)

ຜູ້ອໍານວນການໂຮງໝໍສາກົນ SIS ເກີນເທີ ສສ ຫວຽດນາມ ເຂົ້າຢ້ຽມຂໍ່ານັບ ການນໍາ ສນຊ

ໃນວັນທີ 1 ສິງຫາ 2019 ນີ້, ທ່ານ ເຈີນຈິ ເກືອງ ຜູ້ອໍານວຍການໂຮງໝໍສາກົນ SIS ເກີນເທີ ພ້ອມດ້ວຍຄະນະໄດ້ເຂົ້າຢ້ຽມຂໍ່ານັບການນໍາ ທີ່ສູນກາງແນວລາວສ້າງຊາດ (ສນຊ) ໂດຍເປັນກຽດຕ້ອນຮັບຂອງທ່ານ ຈັນທະວົງ ແສນອາມາດມົນຕີ ຮອງປະທານ ສນຊ, ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.

ການມາຢ້ຽມຢາມຄັ້ງນີ້, ເພື່ອເປັນການຜັນຂະຫຍາຍບົດບັນທຶກຊ່ວຍຈໍາການຮ່ວມມື MOU ລະຫວ່າງ ໂຮງໝໍ ສາກົນ SIS ເກີນເທີ ສສ ຫວຽດນາມ ແລະ ສູນກາງແນວລາວສ້າງຊາດ ຄັ້ງວັນທີ 24 ມິຖຸນາ 2019 ນີ້, ທັງສອງຝ່າຍໄດ້ປຶກສາຫາໃນການສືບຕໍ່ແຜນການທີ່ຈະສົ່ງພະນັກງານທ່ານໝໍລາວໄປບໍາລຸງຍົກລະດັບການປິ່ນປົວພະຍາດຫົວໃຈ-ເສັ້ນເລືອດ ຢູ່ ສສ ຫວຽດນາມ ເພື່ອມາຊ່ວຍພັດທະນາການປິ່ນປົວສຸກເສີນພະຍາດຫົວໃຈ-ເສັ້ນເລືອດ ຢູ່ ສປປ ລາວ, ຝ່າຍ ຫວຽດນາມ ມີແຜນຈະຊ່ວຍກໍ່ສ້າງພື້ນຖານໂຄງລ່າງ, ປະກອບວັດສະດຸ, ອຸປະກອນການແພດທີ່ທັນສະໄໝໃນການຮັບໃຊ້ບົ່ງມະຕິປິ່ນປົວພະຍາດໃຫ້ມີຄຸນນະພາບສູງ, ສະໜັບສະໜູນຊ່ວຍເຫຼືອລົງທຶນຮ່ວມມືໃນການພັດທະນາດ້ານສາທາລະນະສຸກ ໃຫ້ແກ່ ສປປ ລາວ ໂດຍສະເພາະແມ່ນຈະຮ່ວມກັບກຸ່ມບໍລະສັດພົງສະຫວັນກໍ່ສ້າງໂຮງໝໍຫົວໃຈ-ເສັ້ນເລືອດ ຢູ່ແຂວງສະຫວັນນະເຂດ.

2019-08-07

ປະຕິທິນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ