ແນະນຳ ສນຊ (LFND)

ຍົກລະດັບວຽກງານແນວລາວສ້າງຊາດ ໃຫ້ 3 ເມືອງ ຂອງນະຄອນຫຼວງວຽງຈັນ

ໃນວັນທີ 5 ສິງຫາ 2019 ນີ້, ສູນຝຶກອົບຮົມ ສູນກາງແນວລາວສ້າງຊາດ(ສນຊ) ໄດ້ຈັດກອງປະຊຸມ ຝຶກອົບຮົມວຽກງານແນວລາວສ້າງຊາດ ໃຫ້ພະນັກງານແນວລາວສ້າງຊາດ 3 ເມືອງ ຂອງນະຄອນຫຼວງວຽງຈັນ ຄື: ເມືອງຈັນທະບູລີ, ເມືອງສີໂຄດຕະບອງ ແລະ ເມືອງສັງທອງ, ໂດຍການເປັນປະທານຂອງ ທ່ານ ນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ, ເປັນກຽດເຂົ້າຮ່ວມມີ ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ທ່ານ ບຸນທ່ຽງ ຂຸນສີ ຄະນະປະຈໍາພັກນະຄອນຫຼວງ, ປະທານແນວລາວສ້າງຊາດນະຄອນຫຼວງວຽງຈັນ, ທ່ານ ບຸນຈອມ ວົງເພັດ ຫົວໜ້າສູນຝຶກອົບຮົມ ສູນກາງແນວລາວສ້າງຊາດ, ບັນດາທ່ານ ຕາງໜ້າແນວລາວສ້າງຊາດເມືອງ ແລະ ແນວລາວສ້າງຊາດຂັ້ນບ້ານ 125 ບ້ານ ຂອງ 3 ເມືອງດັ່ງກ່າວ.

ໂອກາດນີ້, ນາງ ຄຳຈັນ ພົມແສງສະຫວັນ ໄດ້ກ່າວເປີດກອງປະຊຸມ ແລະ ໄດ້ຫວນຄືນປະຫວັດການກຳເນີດ, ການເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີ ຂອງແນວລາວສ້າງຊາດ 69 ປີໂດຍຫຍໍ້. ພ້ອມກັນນີ້, ທ່ານ ກໍໄດ້ຮຽກຮ້ອງໃຫ້ບັນດານັກສຳມະນາກອນທີ່ເຂົ້າຝຶກອົບຮົມໃນຄັ້ງນີ້ ຈົ່ງພ້ອມກັນເຊີດຊູຄວາມຮັບຜິດຊອບ ແລະ ເປັນເຈົ້າການໃນການຮັບຟັງການນຳສະເໜີເອກະສານທີ່ສຳຄັນ ຂອງວຽກງານແນວລາວສ້າງຊາດ, ຍົກສູງນ້ຳໃຈຮັບຜິດຊອບໃນການຄົ້ນຄວ້າ, ປຶກສາຫາລື ແລະ ພ້ອມກັນປະກອບຄຳຄິດຄຳເຫັນແລກປ່ຽນບົດຮຽນເຊິ່ງກັນ ແລະ ກັນ ເພື່ອເຮັດໃຫ້ກອງປະຊຸມເຕັມໄປດ້ວຍບັນຍາກາດຟົດຟື້ນ ແລະ ໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້.
ກອງປະຊຸມຝຶກອົບຮົມຄັ້ງນີ້ ຈະໄດ້ຮັບຟັງການເຜີຍແຜ່ເຊື່ອມຊຶມກົດໝາຍ ວ່າດ້ວຍແນວລາວສ້າງຊາດ ສະບັບປັບປຸງ ປີ 2018, ວຽກງານໂຄສະນາ-ຂົນຂວາຍປະຊາຊົນ, ວຽກງານສາສະໜາ, ວຽກງານຊົນເຜົ່າ ແລະ ວຽກງານຊັ້ນຄົນ-ອົງການຈັດຕັ້ງສັງຄົມ. ກອງປະຊຸມຈະໄດ້ດຳເນີນໄປເປັນເວລາ 3 ວັນ (5-7 ສິງຫາ 2019).

2019-08-07

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ