ແນະນຳ ສນຊ (LFND)

ກອງປະຊຸມເຊື່ອມຊຶມກ່ຽວກັບວຽກງານສິ່ງແວດລ້ອມສັງຄົມ ແລະ ທຳມະຊາດ

ກົມ​ຊົນ​ເຜົ່າ ສູນ​ກາງ​ແນວ​ລາວ​ສ້າງ​ຊາດ ​ຮ່ວມ​ກັບ​ແນວ​ລາວ​ສ້າງ​ຊາດ​ນະຄອນຫຼວງວຽງຈັນ ​ໄດ້​ຈັດ​ກອງ​ປະຊຸມ​ເຊື່ອມ​ຊຶມ​ກ່ຽວກັບ​ວຽກງານ​ສິ່ງ​ແວດ​ລ້ອມ​ສັງຄົມ ​ແລະ ທຳ​ມະ​ຊາດ ​ເພື່ອ​ສ້າງ​ຂະ​ບວນການ​ຂໍ່ານັບ​ຮັບ​ຕ້ອນ​ວັນ​ສ້າງ​ຕັ້ງ​ແນວ​ລາວ​ສ້າງ​ຊາດ ຄົບຮອບ 69 ປີ ເຊິ່ງໄດ້ຈັດ​ຂຶ້ນໃນ​ວັນ​ທີ 8 ສິງຫາ 2019 ນີ້ ຢູ່ທີ່ສູນ​ກາງ​ແນວ​ລາວ​ສ້າງ​ຊາດ. ​ໂດຍ​​​ເປັນກຽດ​ເຂົ້າ​ຮ່ວມ ຂອງ ທ່ານ ​ເຍ່ຍ​ເກີ​ຢ່າ ໜໍ​ຈໍ​ຈົງ​ຕົວ ຮອງ​ປະທານ​ສູນ​ກາງ​ແນວ​ລາວ​ສ້າງ​ຊາດ, ທ່ານ ບຸນ​ທ່ຽງ ຂຸນ​ສີ ປະທານ​ແນວ​ລາວ​ສ້າງ​ຊາດ​ນະຄອນຫຼວງວຽງຈັນ, ມີ​ບັນ​ດາພະ​ແນ​ກການ​ອ້ອມ​ຂ້າງນະຄອນຫຼວງ, ​​ເມືອງ, ​ແນວ​ລາວ​ສ້າງ​ຊາດ 4 ​ເມືອງ, ​ເລຂາ​ພັກ​ບ້ານ, ນາຍບ້ານ, ປະທານ​​ແນວ​ລາວ​ສ້າງ​ຊາດ​ບ້ານ ​ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ໃນ​ກອງ​ປະຊຸມ​ໄດ້​ຮັບ​ຟັງຫຼາຍ​ເອກະສາ​ນທີ່​ສຳຄັນ​ຄື: ຄວາມ​ເປັນ​ມາ​ຂອງ​ໂຄງການ​ສ້າງ​ຄວາມ​ເຂັ້ມ​ແຂງ​ໃຫ້​ແນວ​ລາວ​ສ້າງ​ຊາດ ກ່ຽວກັບ​ວຽກງາ​ນສົ່ງ​ເສີມ ​ແລະ ປົກ​ປ້ອງ​ສິດ-ຜົນ​ປະ​ໂຫຍ​ດຂອງ​ປະຊາຊົນ​ລາວບັນດາ​ເຜົ່າ, ການ​ຄຸ້ມ​ຄອງ​ນຳ​​ໃຊ້​ຊັບ​ພະຍາກອນ​ທຳ​ມະ​ຊາດ, ສິ່ງ​ແວດ​ລ້ອມ ​ແລະ ສັງຄົມ​ໃຫ້​ຍືນ​ຍົງ; ນິຕິກຳກ່ຽວກັບທີ່ດິນ ແລະ ສະພາບການຄຸ້ມຄອງນຳໃຊ້ທີ່ດິນ; ນິຕິກຳກ່ຽວກັບສິ່ງແວດລ້ອມ ແລະ ສະພາບແວດລ້ອມໃນຕົວເມືອງ; ນິຕິກຳກ່ຽວກັບການຈາລະຈອນ ແລະ ບັນຫາການຈະລາຈອນໃນນະຄອນຫຼວງວຽງຈັນ. ພ້ອມດຽວກັນນີ້ຜູ້ເຂົ້າຮ່ວມກອງປະຊຸມ ໄດ້ແລກປ່ຽນຄຳຄິດຄຳເຫັນຢ່າງກົງໄປກົງມາ ໂດຍຍົກໃຫ້ເຫັນບັນຫາຕ່າງໆທີ່ຕິດພັນກັບພຶດຕິກຳຕົວຈິງໃນສັງຄົມປັດຈຸບັນ.

         ​​ໂອກາດ​ນີ້ ທ່ານ ບຸນ​ທ່ຽງ ຂຸນ​ສີ ​ປະທານ​ແນວ​ລາວ​ສ້າງ​ຊາດ​ນະຄອນຫຼວງວຽງຈັນ ໄດ້ມີຄຳເຫັນໂອ້ລົມຕໍ່ກອງປະຊຸມ ເຊິ່ງທ່ານໄດ້ເນັ້ນບາງບັນຫາກ່ຽວກັບ​ການ​ຄຸ້ມ​ຄອງ​ນຳ​ໃຊ້​ທີ່​ດິນ, ມີຄວາມຕື່ນ​ຕົວ​ປະກອບສ່ວນ​ເຂົ້າ​ໃນ​ການ​ປົກ​ປັກ​ຮັກສາ​ສິ່ງ​ແວດ​ລ້ອມ, ບັນຫາກ່ຽວກັບການຈະລາຈອນໃນທ້ອງຖະໜົນ ແລະ ໃຫ້ມີສະຕິລະວັງຕົວໃນການຂັບຂີ່ ​ເພື່ອສະກັດກັ້ນບໍ່ໃຫ້ເກີດອຸປະຕິ​ເຫດ ​ແລະ ບັນຫາ​ປະກົດ​ການຫຍໍ້ທໍ້ຕ່າງໆໃນສັງຄົມ ​ເພື່ອ​ເຮັດ​ໃຫ້​ສັງຄົມ​ມີ​ຄວາມ​ສະຫງົບ ​ແລະ ຄວາມ​ເປັນ​ລະບຽບຮຽບຮ້ອຍ.

2019-08-09

ປະຕິທິນ

Aug-2019
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ