ແນະນຳ ສນຊ (LFND)

ກອງປະຊຸມປຶກສາຫາລືກ່ຽວກັບການເກັບກໍາຂໍ້ມູນຫາງສຽງສັງຄົມ

ໃນວັນທີ 9 ສິງຫາ 2019 ນີ້, ຄະນະກວດກາສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມປຶກສາຫາລືກະກຽມເກັບກໍາຂໍ້ມູນຫາງສຽງສັງຄົມ ເພື່ອລາຍງານຕໍ່ກອງປະຊຸມສະພາແຫ່ງຊາດ ຊຸດທີ 8 ສະໄໝທີ VIII ໂດຍການເປັນປະທານຂອງທ່ານ ນ. ຄໍາຈັນ ພົມແສງສະຫວັນ ຮອງປະທານ ສນຊ ປະທານ ກວດກາພັກ-ລັດ ສນຊ, ມີບັນດາຫົວໜ້າ-ຮອງຫົວໜ້າກົມ, ຫ້ອງການ ແລະ ສູນຝຶກອົບຮົມ ສນຊ ມີບັນດາທ່ານຄະນະທີ່ປຶກສາວຽກງານເສດຖະກິດ-ກົດໝາຍ ເຂົ້າຮ່ວມ.

ຄະນະກວດກາພັກ-ລັດ ໄດ້ລົງເຄື່ອນໄຫວຊຸກຍູ້, ຕິດຕາມ, ກວດກາ ການເຄື່ອນໄຫວການຈັດຕັ້ງປະຕິບັດແຜນພັດທະນາ ເສດຖະກິດສັງຄົມ 5 ປີ ຄັ້ງທີ VIII ຂອງລັດຢູ່ແຂວງ ວຽງຈັນ ແລະ ນະຄອນຫຼວງວຽງຈັນ ເພື່ອລົງຕິດຕາມ, ກວດກາການປັບປຸງກົງຈັກການຈັດຕັ້ງ ຂະແໜງກວດກາແນວລາວສ້າງຊາດແຂວງ-ນະຄອນຫຼວງ, ໜ່ວຍງານກວດກາແນວລາວສ້າງຊາດເມືອງ, ພ້ອມທັງໄດ້ຮັບຟັງການລາຍງານຫຍໍ້ຈາກຂະແໜງກວດກາຂອງແຂວງ ແລະ ເມືອງ ເພື່ອຮັບຊາບກ່ຽວກັບການເຄື່ອນໄຫວວຽກງານແຕ່ລະດ້ານພ້ອມທັງໄດ້ເກັບກໍາສະພາບດ້ານຕັ້ງໜ້າ, ດ້ານຫຍໍ້ທໍ້, ຫາງສຽງຕ່າງໆຂອງສັງຄົມ ແລະ ຄວາມຂັດຂ້ອງໝອງໃຈຂອງປະຊາຊົນລາວບັນດາເຜົ່າ ຕໍ່ກັບແນວທາງນະໂຍບາຍຂອງພັກ-ລັດເພື່ອເປັນຂໍ້ມູນໃຫ້ຄະນະພັກ ຄະນະນໍາສູນກາງແນວລາວສ້າງຊາດ ແລະ ພາກສ່ວນທີ່ກ່ຽວຂອ້ງມີທິດທາງແກ້ໄຂ, ປຸກລະດົມກະຕຸກຊຸກຍູ້ຄວາມຮັບຜິດຊອບດ້ານການເມືອງຂອງອົງການແນວລາວສ້າງຊາດຂັ້ນທອ້ງຖິ່ນ, ພະນັກງານ-ລັດຖະກອນຢູ່ໃນຂົງເຂດດັ່ງກ່າວແນໃສ່ຕ້ານ ແລະ ສະກັດກັ້ນບັນດາປະກົດການຫຍໍ້ທໍ້, ການສໍ້ລາດບັງຫຼວງ, ຮັບສິນບົນ, ສວຍໃຊ້ໜ້າທີ່ຕໍາແໜ່ງ, ການລະເມິດລະບຽບກົດໝາຍ ແລະ ອື່ນໆທີ່ເປັນການສ້າງຄວາມເສຍຫາຍໃຫ້ແກ່ພັກ-ລັດ ແລະ ປະຊາຊົນ. ນອກຈາກນັ້ນກໍ່ຍັງໄດ້ລົງເຮັດວຽກຢູ່ 4 ເມືອງ ຂອງແຂວງ ວຽງຈັນ ເປັນຕົ້ນແມ່ນ ເມືອງ ໂພນໂຮງ, ເມືອງ ຫີນເຫີບ, ເມືອງ ວັງວຽງ ແລະ ເມືອງ ກາສີ, ແລະ 3 ເມືອງໃນນະຄອນຫຼວງວຽງຈັນຄື: ເມືອງໄຊທານີ, ເມືອງຫາດຊາຍຟອງ, ເມືອງສັງທອງ. ເພື່ອເປັນການຊຸກຍູ້ໃຫ້ແນວລາວສ້າງຊາດໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນ. ພ້ອມກັນນັ້ນ ທ່ານ ຍັງໄດ້ລົງຢຽມຢາມສະຖານທີ່ຕົວຈິງບາງໂຄງການພັດທະນາຢູ່ເມືອງຫີນເຫີບເຊັ່ນ: ໂຄງການສວນກ້ວຍຈີນ, ໂຄງການປູກໄມ້ວິກ ແລະ ຜະລິດໄມ້ແປຮູບ ແລະ ໂຄງການອື່ນໆຢູ່ເມືອງຫີນເຫີບ ແລະ ຍັງໄດ້ຢ້ຽມຢາມເຂດການອະນຸມັດປູກກ້ວຍຢູ່ເມືອງໄຊທານີ, ເມືອງສັງທອງ, ເມືອງນາຊາຍທອງ, ຄະນະກວດກາຕ້ອງໃຫ້ສືບຕໍ່ປະຕິບັດພາລະບົດບາດ ຕາມການແບ່ງງານ-ແບ່ງຄວາມຮັບຜິດຊອບ, ບັນດາກົມກໍ່ໄດ້ໃຫ້ເກັບກໍາຂໍ້ມູນສະພາບຫາງສຽງແລ້ວສະຫຼຸບລາຍງານຕໍ່ຄະນະກວດກາຄົ້ນຄວ້າຄໍາຮ້ອງ-ຄໍາສະເໜີຂອງປະຊາຊົນ, ສືບຕໍ່ເລັ່ງທ້ວງນໍາແນວລາວສ້າງຊາດແຕ່ລະແຂວງໃຫ້ເອົາໃຈໃສ່ສະຫຼຸບລາຍງານສະພາບຫາງສຽງຕ່າງໆ ເພື່ອສັງລວມເປັນບົດລາຍງານຕໍ່ກອງປະຊຸມສະພາແຫ່ງຊາດ ໂດຍສະເພາະແມ່ນບັນຫາການສະກັດກັ້ນອັດຕາເງີນເຟີ, ການແກ້ໄຂບັນຫາໜີສິນ, ການເກັບລາຍຮັບ-ລາຍຈ່າຍ, ຄຸ້ມຄອງການລົງທຶນຂະໜາດນ້ອຍ-ກາງ-ໃຫຍ່, ການຄຸ້ມຄອງໜີສິນ ແລະ ການຈັດຕັ້ງປະຕິບັດຕົວຈິງ.

2019-08-16

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ