ແນະນຳ ສນຊ (LFND)

ສູນກາງຊາວໝຸ່ປະຊາຊົນປະຕິບັດລາວ ເຂົ້າອວຍພອນຄະນະນໍາສູນກາງແນວລາວສ້າງຊາດ

ເນື່ອງໃນໂອກາດວັນສ້າງຕັ້ງແນວລາວສ້າງຊາດ ຄົບຮອບ 69 ປີ (13 ສິງຫາ 1950 – 13 ສິງຫາ 2019) ທີ່ໄດ້ມູນວຽນມາບັນຈົບຄົບຮອບອີກວາລະໜຶ່ງ, ສູນກາງຊາວໝຸ່ມປະຊາຊົນປະຕິວັດລາວ ນໍາໂດຍທ່ານ ອາລຸນໄຊ ສູນນະລາດ, ກໍາມະການສໍາຮອງສູນກາງພັກ, ເລຂາຄະນະບໍລິຫານງານສູນກາງຊາວໝຸ່ມປະຊາຊົນປະຕິວັດລາວ ພ້ອມດ້ວຍຄະນະ ໄດ້ເຂົ້າອວຍພອນ ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ໃນວັນທີ 12 ສິງຫາ 2019 ທີ່ ສູນກາງແນວລາວສ້າງຊາດ.

ທ່ານ ອາລຸນໄຊ ສູນນະລາດ ໄດ້ກ່າວອວຍພອນຄະນະນໍາ ສູນກາງແນວລາວສ້າງຊາດ ເນື່ອງໃນໂອກາດວັນສ້າງຕັ້ງແນວລາວສ້າງຊາດ ເຊິ່ງແມ່ນວັນປະຫວັດ ສາດທີ່ສໍາຄັນ ວັນໜຶ່ງຂອງຊາດ, ຂອງພັກ, ຂອງປະຊາຊົນລາວບັນດາເຜົ່າ ແມ່ນວັນສ້າງຕັ້ງອົງການແນວໂຮມແຫ່ງຊາດ ໃນເມື່ອກ່ອນເຊິ່ງເອີ້ນວ່າແນວລາວອິດສະຫຼະ ກໍ່ຄືແນວລາວສ້າງຊາດໃນປັດຈຸບັນ ແລະ ເພື່ອເປັນການສະແດງຄວາມເຄົາລົບ ແລະ ຮູ້ບຸນຄຸນ ເຖິງຄຸນງາມຄວາມດີ, ມູນເຊື້ອອັນສະງ່າອົງອາດ, ການເຕີບໃຫຍ່ຂະຫຍາຍຕົວ, ນໍາໃຈຕໍ່ສູ້ພິລະອາດຫານ, ຂອງຜູ້ນໍາທີ່ມີຄວາມຈົ່ງຮັກພັກດີຕໍ່ອຸດົມການປະຕິວັດ. ໂອກາດດຽວກັນນີ້ທ່ານປະທານສູນກາງແນວລາວສ້າງຊາດ ໄດ້ສະແດງຄວາມຂອບໃຈເປັນຢ່າງສູງ ເຊິ່ງທ່ານໄດ້ສະແດງຄວາມຂອບໃຈເປັນຢ່າງສູງຕໍ່ຄະນະບໍລິຫານງານສູນກາງຊາວໝຸ່ມປະຊາຊົນປະຕິວັດລາວ ພ້ອມທັງໄດ້ກ່າວວ່າ: ພວກເຮົາຕ້ອງໄດ້ພາກັນສູ້ຊົນເຮັດໃຫ້ລ້ອນໜ້າທີ່ທີພັກ - ລັດມອບໝາຍ ໃຫ້ເພື່ອປະກອບ ສ່ວນສ້າງສາພັດທະນາປະເທດຊາດ ແລະ ເພີ່ມທະວີຄວາມສາມັກຄີປອງດອງໃຫ້ເປັນປຶກແຜ່ນແໜ້ນໜາຕາມຫຼັກການນໍາພາຂອງພັກຢ່າງແທ້ຈິງ.

2019-08-16

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ