ແນະນຳ ສນຊ (LFND)

ຄະນະປະຈໍາສູນກາງແນວລາວສ້າງຊາດ ລົງຊຸກຍູ້ວຽກງານສ້າງຄອບຄົວ ແລະ ບ້ານສາມັກຄີປອງດອງ ຢູ່ແຂວງເຊກອງ

ທ່ານ ແກ້ວຈະເລີນ ເຊ່ຍຢີ້ງຢ່າງ ຄະນະປະຈໍາ, ຫົວໜ້າກົມໂຄສະນາ-ອົບຮົມ ສູນກາງແນວລາວສ້າງຊາດ ຈຶ່ງໄດ້ລົງຊຸກຍູ້ວຽກງານສ້າງຄອບຄົວ ແລະ ບ້ານສາມັກຄີປອງດອງ ຢູ່ແຂວງເຊກອງ ໃນວັນທີ 8 ສິງຫາ 2019.

            ການລົງເຮັດວຽກໃນຄັ້ງນີ້ ແມ່ນແນໃສ່ຊຸກຍູ້ແນວລາວສ້າງຊາດແຂວງໃຫ້ລົງຊຸກຍູ້ບັນດາເມືອງໃຫ້ເອົາໃຈໃສ່ຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ໃຫ້ບັນລຸຕາມເປົ້າໝາຍ, ສາມາດປະກາດເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງຢ່າງໜ້ອຍໃຫ້ໄດ້ 1 ເມືອງ, ທ່ານ ນາງ ບຸນຮຽງ ລາຍງານຜົນການຈັດຕັງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແຂວງເຊກອງ,

ຊຶ່ງແຂວງເຊກອງເປັນແຂວງທິຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີໄດ້ໜ້ອຍ ເຊິ່ງເປັນສາເຫດເຮັດໃຫ້ຂະບວນການດັ່ງກ່າວດໍາເນີນໄປໄດ້ຊ້າ ແລະ ສົ່ງຜົນຕໍ່ສະຖິຕິການສ້າງຄອບຄົວ ແລະ ບ້ານສາມັກຄີ ທີ່ຕໍ່າກວ່າໝູ່ຖ້າທຽບໃສ່ບັນດາແຂວງທົ່ວປະເທດ, ແຂວງເຊກອງປະກອບດ້ວຍ 4 ເມືອງ 197 ບ້ານ 22,469 ຄອບຄົວ, ປັດຈຸບັນ ບັນດາເມືອງກໍເລີ່ມຈັດຕັ້ງປະຕິບັດ  ສາມາດປະກາດເປັນຄອບຄົວ ແລະ ບ້ານສາມັກຄີປອງດອງ  69 ບ້ານ, 10,274 ຄົບຄົວ ເທົ່າກັບ 35,02% ຍັງເຫຼືອ 128 ບ້ານ 12,195 ຄອບຄົວ ເທົ່າກັບ 64,98% ທິດທາງໃນຕໍ່ໜ້າແມ່ນຈະສືບຕໍ່ຊຸກຍູ້ບັນດາເມືອງໂດຍສະເພາະແມ່ນວາງຄາດໝາຍສູ້ຊົນສ້າງເມືອງໜຶ່ງຂອງແຂວງເປັນເມືອງແບບຢ່າງໃນການປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ, ຊຸກຍູ້ບັນດາບ້ານທີ່ໄດ້ຜ່ານການປະເເມີນ ຮັກສາມູນເຊື້ຶອ ແລະ ຊຸກຍູ້ບັນດາບ້ານທີ່ຍັງປະຕິບັດບໍ່ທັນໄດ້ໃຫ້ ສູ້ຊົນໃຫ້ຜ່ານມາດຖານ ສາມາດປະເມີນຜ່ານ ແລະ ຢັ້ງຢືນເປັນບ້ານສ້າງຄອບຄົວ ແລະ ບ້ານສາມັກຄີປອງດອງຢ່າງມີປະສິດຕິພາບ ແລະ ພ້ອມກັນສູ້ຊົນໃຫ້ເມືອງຂອງຕົນສາມາດຍ ປະກາດເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ, ໃນກອງປະຊຸມຍັງໄດ້ປຶກສາຫາລືແບບແຜນວິທີການຊຸກຍູ້ຂະບວນການສ້າງຄອບຄົວ ແລະ ບ້ານສາມັກຄີປອງດອງ, ການຝຶກອົບຮົມໃຫ້ພະນັກງານແນວລາວສ້າງຊາດ ນັບແຕ່ຂັ້ນບ້ານຮອດຂັ້ນແຂວງໃຫ້ມີຄວາມເຂົ້າໃຈຢ່າງເລິກເຊິ່ງຕໍ່ວຽການດັ່ງກ່າວ ພ້ອມນັ້ນ, ຍັງໄດ້ປຶກສາຫາລືການຈັດຕັ້ງປະຕິບັດ ພິທີປະກາດເປັນເມືອງປະຕິບັດຂະບວນການການສ້າງຄອບຄົວ ແລະ ບ້ານສາມັກຄີປອງດອງ ວ່າດ້ວຍຂັ້ນຕອນ ແລະ ຮູບການເປັນຂະບວນການຟົດຟື້ນ ເພື່ອຂໍ່ນັບຮັບຕ້ອນ ກອງປະຊຸມ 3 ຂັ້ນຂອງພັກ.

            ໃນໂອກາດດັ່ງກ່າວ ທ່ານ ແກ້ວຈະເລີນ ເຊ່ຍຢິ້ງຢ່າງ ໄດ້ຍ້ອງຍໍຊົມເຊີຍຜົນງານຜົນສໍາເລັດຂອງຂອງຄະນະກໍາມະການແນວລາວສ້າງຊາດແຂວງທີ່ຍາດມາໄດ້ ເຖິ່ງແມ່ນວ່າຈະປະຕິບັດໄດ້ໜ້ອຍແຕ່ຄະນະກໍາມະການແຕ່ລະຂັ້ນກໍມີຄວາມຮັບຜິດຊອບສູງຕໍ່ຂະບວນການດັ່ງກ່າວ, ສືບຕໍ່ເອົາໃຈໃສ່ຊຸກຍູ້ແນວລາວສ້າງຊາດ ແຕ່ລະເມືອງ ແລະ ປຸກລະດົມປະຊາຊົນບັນດາເຜົ່າຢູ່ແຕ່ລະບ້ານໃຫ້ເຊື່ອຊືມ ແລະ ເຂົ້າໃຈຕໍ່ຂະບວນການສ້າງຄອບຄົວ ແລະ ບ້ານສາມັກຄີປອງດອງຕິດພັນກັບການແກ້ໄຂຄວາມທຸກຍາກຂອງ         ຫຼັງຈາກນັ້ນ ທ່ານກໍໄດ້ລົງເຄື່ອນໄຫວ ພົບປະ ກັບແນວລາວສ້າງຊາດເມືອງດາກຈຶງ ໄດ້ຮັບຟັງການລາຍງານຜົນການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງຂອງເມືອງ ແລະ ສືບຕໍ່ລົງຢ້ຽມຢາມອໍານາດການປົກຄອງບ້ານ, ພໍ່ແມ່ປະຊາຊົນ ຂອງບ້ານດາກວໍ ເມືອງດາກຈຶງ ແຂວງເຊກອງ ໃນໂອກາດດັ່ງກ່າວທ່ານໄດ້ໂອ້ລົມພໍ່ແມ່ປະຊາຊົນ ໂດຍສະເພາະແມ່ນເນັ້ນໃຫ້ເຫັນເຖິງຄວາມສາໍຄັນຂອງຄວາມສາມັກຄີ ທີ່ເປັນພື້ນຖານຕົ້ນຕໍຕັດສິນທຸກຄວາມສໍາເລັດ, ຄວາມຈະເລີນກ້າວໜ້າ, ຄວາມສາມັກຄີຕອງເລີ່ມຈາກຫົວໜ່ວຍຄອບຄົວ, ສັງຄົມ, ບ້ານ, ເມືອງ ແຂວງ, ປະເທດ ຕາມລໍາດັບ ຄອບຕົວ ເເປັນຫົວໜ່ວຍພື້ນຖານຂອງສັງຄົມ ດັ່ງນັ້ນມີຄວາມຈໍາເປັນຕ້ອງມີຄວາມສາມັກຄີ ເປັນເອກະພາບ ເປັນຈິດໜຶ່ງໃຈດຽວ ພາຍໃນຄອບຄົວ ພ້ອມກັນປະຕິບັດສອງໜ້າທີ່ຍຸດທະສາດປົກປັກຮັກສາ ແລະ ສ້າງສາພັດທະນາປະເທດຊາດ ເຂົ້າຮ່ວມທຸກຂະບວນການຂອງບ້ານ, ການຈັດຕັ້ງຂັ້ນເທິງ, ປະຕິບັດກົດລະບຽບ, ກົດໝາຍຂອງບ້ານເມືອງ ອອກແຮງເພີ່ມພູນຜະລິດຜົນໂດຍອີງໃສ່ທ່າແຮງບົ່ມຊ້ອນຂອງທ້ອງຖິ່ນ, ປູກພືດ, ລ້ຽງສັດທີ່ເປັນທີ່ຕ້ອງການຂອງຕະຫຼາດ ໃຫ້ຄອບຄົວມີຄວາມອົບອຸ່ນ, ມີເສດຖະກິດທີ່ດີ.

2019-08-16

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ