ແນະນຳ ສນຊ (LFND)

ຊຸກຍູ້ຂະບວນການສ້າງຄອບຄົວ ແລະ ບ້ານາສາມັກຄີປອງດອງ ແລະ ວຽກງານໂຄສະນາ-ອົບຮົມ

ໃນລະຫວ່າງ ວັນທີ 19-22 ສິງຫາ 2019 ນີ້, ທ່ານ ນ ກົງແກ້ວ ທຳມະໂຄດ ຮອງຫົວໜ້າກົມໂຄສະນາ-ອົບ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ຕິດຕາມຂະບວນການສ້າງຄອບຄົວ ແລະ ບ້ານສາມັກຄີປອງດອງ ແລະ ວຽກງານໂຄສະນາ-ອົບຮົມ ຢູ່ສອງແຂວງຄື: ແຂວງສາລະວັນ ແລະ ສະຫວັນນະເຂດ ໂດຍເປັນກຽດຕ້ອນຮັບອັນອົບອຸ່ນຂອງບັນດາທ່ານຮອງປະທານແນວລາວສ້າງຊາດແຂວງສາລະວັນ ແລະ ສະຫວັນນະເຂດ.

ຈຸດປະສົງຄັ້ງນີ້, ເພື່ອຜັນຂະຫຍາຍນະໂຍບາຍແນວໂຮມຂອງພັກ, ເສີມຂະຫຍາຍມູນເຊື້ອຄວາມສາມັກຄີປອງດອງປະຊາຊົນລາວບັນດາເຜົ່າທີ່ມີມາແຕ່ດົນນານ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເສີມຂະຫຍາຍສິດເປັນເຈົ້າຂອງປະເທດຊາດ, ເປັນເຈົ້າຕົນເອງຂອງປະຊາຊົນລາວບັນດາເຜົ່າ ເຂົ້າຮ່ວມຂະບວນການຕ່າງໆຂອງພັກ-ລັດ ແນໃສ່ແກ້ໄຂຄວາມທຸກຍາກຂອງຄອບຄົວໃຫ້ບັນລຸເປົ້າໝາຍ ໃນ ປີ 2020 ການລົງຊຸກຍູ້ວຽກງານຂະບວນການສ້າງຄອບຄົວ ແລະ ບ້ານສາມັກຄີປອງດອງໃນຂັ້ນແຂວງ, ເມືອງ ແລະ ຂັ້ນບ້ານ ຜ່ານການໄດ້ຮັບຟັງລາຍງານຂອງທ່ານ ໜູການ ໄຊທິລາດ ຮອງປະທານແນວລາວສ້າງຊາດແຂວງສາລະວັນ ໄດ້ໃຫ້ຮູ້ວ່າ: ໃນແຂວງມີ 8 ເມືອງ, ມີປະຊາກອນທັງໝົດ 420.043 ຄົນ, ຍິງ 215.949 ຄົນ, ມີ 579 ບ້ານ ປະກອບມີ 10 ຊົນເຜົ່າຄື: ເຜົ່າລາວ, ຜູ້ໄທ, ກະຕາງ, ຊ່ວຍ, ລະເວນ, ແງະ, ກະຕູ, ອາຣັກ, ຕະໂອ້ຍ ແລະ ເຜົ່າປະໂກະ ມີການເຊື່ອຖືສາສະໜາພຸດ, ສາສະໜາເຢຊູຄຣິດ ແລະ ເຊື່ອຖືຜີຜ່ານການປະເມີນວຽກງານສ້າງບ້ານສາມັກຄີປອງດອງຕິດພັນກັບການແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າຢູ່ແຂວງສາລະວັນ ເຫັນວ່າ: ຈໍານວນບ້ານທີ່ສາມາດປະກາດເປັນບ້ານສາມັກຄີປອງດອງ 207 ບ້ານ, ຈໍານວນຄອບຄົວສາມັກຄີປອງດອງ 31.537 ຄອບຄົວ. ເມືອງທີ່ສ້າງໄດ້ຫຼາຍກວ່າໝູ່ແມ່ນເມືອງເລົ່າງາມມີ 50 ບ້ານ, 8.282 ຄອບຄົວ ແລະ ເມືອງສາລະວັນ ມີ 124 ບ້ານ, ບ້ານທີ່ຍັງບໍ່ທັນໄດ້ປະເມີນຮັບຮອງຍັງ 40 ບ້ານ ແລະ ຢູ່ແຂວງສະຫວັນນະເຂດ ໄດ້ຮັບຟັງການລາຍງານຂອງທ່ານ ສິນໄຊ ວົງລະຄອນ ຮອງປະທານແນວລາວສ້າງຊາດແຂວງສະຫວັນນະເຂດ ແຜນການຈັດຕັ້ງປະຕິບັດວຽກງານສ້າງຄອບຄົວ ແລະ ບ້ານສາມັກຄີປອງດອງປີ 2017 ຮັບຮອງໄດ້ 216 ບ້ານ, 2018 ມີ 327 ບ້ານ ແລະ ປີ 2019 ຮັບຮອງໄດ້ 74 ບ້ານ ຜ່ານການເຄື່ອນໄຫວຊຸກຍູ້ຕິດຕາມປະເມີນວຽກງານຂະບວນການຄອບຄົວ ແລະ ບ້ານສາມັກຄີປອງດອງຄັ້ງນີ້, ທ່ານ ນ. ກົງແກ້ວ ທໍາມະໂຄດ ໄດ້ສະແດງຄວາມຍ້ອງຍໍຊົມເຊີຍຕໍ່ກັບຄະນະນໍາແນວລາວສ້າງຊາດແຂວງທີ່ໄດ້ເອົາໃຈໃສ່ຕໍ່ການຊີ້ນໍາໆພາຂະບວນການສ້າງຄອບຄົວ ແລະ ບ້ານສາມັກຄີປອງດອງຂັ້ນເມືອງ ແລະ ບ້ານ ຢ່າງເປັນຂະບວນຟົດຟື້ນ ແລະ ເປັນເອກະພາບໃນຈັດຕັ້ງປະຕິບັດຂະບວນການດັ່ງກ່າວຕະຫຼອດໄລຍະຜ່ານມາ ພ້ອມກັນນີ້, ທ່ານຍັງໄດ້ເໜັ້ນໃຫ້ແນວລາວສ້າງຊາດແຂວງສືບຕໍ່ຊຸກຍູ້ກວດກາ ແລະ ປະເມີນຜົນການຈັດຕັ້ງປະຕິບັດຂະບວນການ, ສືບຕໍ່ສຶກສາອົບຮົມ ແລະ ປຸກລະດົມປະຊາຊົນບັນດາເຜົ່າເຂົ້າຮ່ວມໃນຂະບວນການດັ່ງກ່າວໃຫ້ສາມາດບັນລຸຕາມຄາດໝາຍທີ່ວາງໄວ ພ້ອມທັງໄດ້ພົບປະແລກປ່ຽນບົດຮຽນຢ່າງກົງໄປກົງມາຕໍ່ວຽກງານດັ່ງກ່າວ ໃນໂອກາດນີ້, ຄະນະໄດ້ເຂົ້າຢ້ຽມຊົມເຂດພັດທະນາການທ່ອງທ່ຽວທາງທໍາມະຊາດຂອງແຂວງຈໍານວນໜຶ່ງຕື່ມອີກ.

2019-08-22

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ