ແນະນຳ ສນຊ (LFND)

ສູນກາງແນວລາວສ້າງຊາດເປີດກອງປະຊຸມສຳມະນາວຽກງານກົງຈັກການຈັດຕັ້ງ ແລະ ບຸກຄະລາກອນຂອງ ແນວລາວສ້າງຊາດ

ວັນທີ 22-23 ສິງຫາ 2019 ນີ້, ສູນກາງແນວລາວສ້າງຊາດໄດ້ເປີດກອງປະຊຸມສຳມະນາວຽກງານກົງຈັກການຈັດຕັ້ງ ແລະ ບຸກຄະລາກອນຂອງແນວລາວສ້າງຊາດ ໂດຍການເປັນປະທານຂອງ ທ່ານ ຄຳໃບ ດຳລັດ ກຳມະການສູນກາງພັກ ຮອງປະທານສູກາງແນວລາວສ້າງຊາດ ເປັນກຽດເຂົ້າຮ່ວມມີທ່ານ ຄຳຫຼ້າ ລິ້ງນະສອນ ຮອງປະທານສູນກາງແນວລາວສ້າງຊາດ, ມີບັນດາທ່ານຄະນະປະຈຳ, ຫົວໜ້າກົມ, ຫົວໜ້າຫ້ອງການ, ມີຜູ້ຕາງໜ້າຈາກກະຊວງພາຍໃນ, ມີບັນດາທ່ານປະທານ, ຮອງປະທານແນວລາວສ້າງຊາດແຂວງ-ນະຄອນຫຼວງ ທົ່ວປະເທດ ແລະ ແນວລາວສ້າງຊາດ 9 ຕົວເມືອງໃນນະຄອນຫຼວງວຽງຈັນເຂົ້າຮ່ວມ ທີ່ສູນກາງແນວລາວສ້າງຊາດ. 

ໃນນີ້, ທ່ານ ຄຳຢາດ ຣາຊດາວົງ ຫົວໜ້າກົມຈັກຕັ້ງ-ພະນັກງານ ສູນກາງແນວລາວສ້າງຊາດໄດ້ ຜ່ານບົດສະຫຼຸບຕີລາຄາການເຄື່ອນໄຫວວຽກງານກົນຈັກການຈັດຕັ້ງ ແລະ ບຸກຄະລາກອນຂອງແນວລາວສ້າງຊາດໄລຍະຜ່ານມາ ແລະ ທິດທາງແຜນການໃນຕໍ່ໜ້າ ເຊິ່ງທ່ານກ່າວວ່າ: ໃນໄລຍະຜ່ານມາແນວລາວສ້າວຊາດແຕ່ລະຂັ້ນໄດ້ມີຄວາມພະຍາຍາມສູງໃນການເປັນເສນາທິການໃຫ້ແກ່ຄະນະພັກ, ອົງການປົກຄອງຂັ້ນຂອງຕົນ ຊຶ່ງໄດ້ມີການເຊື່ອມຊືມແນວທາງນະໂຍບາຍ ແລະ ກົດໝາຍ, ລະບຽບການຕ່າງໆ ຂອງພັກ-ລັດ ກ່ຽວກັບວຽກງານກົງຈັກການຈັດຕັ້ງ ໄດ້ປັບປຸງພາລະບົດບາດຂອງຕົນຄືນໃໝ່ໃຫ້ສອດຄ່ອງກັບຄວາມຮຽກຮ້ອງຕ້ອງການໜ້າທີ່ການເມືອງໃນໄລຍະໃໝ່. ພ້ອມກັນນີ້, ໄດ້ຮັບຟັງການເຜີຍແຜ່ຄຳສັ່ງແນະນຳຂອງນາຍົກລັດຖະມົນຕີ ເລກທີ 03/ນຍ, ລົງວັນທີ 9 ກຸມພາ 2018. ຫຼັງຈາກນີ້, ຜູ້ເຂົ້າຮ່ວມໄດ້ມີການປະກອບຄຳຄິດຄຳເຫັນຖອດຖອນບົດຮຽນຢ່າງກົງໄປກົງມາເພື່ອໃຫ້ມີຄວາມເຂົ້າໃຈຢ່າງເລີກເຊິ່ງຕໍ່ການວຽກງານການປັບປຸງກົງຈັກການຈັດຕັ້ງຂອງແນວລາວສ້າງຊາດຕື່ມອິກ. 
ໂອກາດນີ້, ທ່ານ ຄຳໃບ ດຳລັດ ກຳມະການສູນກາງພັກ ຮອງປະທານສູນແນວລາວສ້າງຊາດ ໄດ້ເປັນກຽດໂອ້ລົມຕໍ່ກອງປະຊຸມເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາຜົນງານທີແນວລາວສ້າງຊາດແຕ່ລະຂັ້ນໄດ້ມີຜົນສຳເລັດໃນໄລຍະຜ່ານມາ ແລະ ທ່ານໄດ້ຍົກໃຫ້ເຫັນໄດ້ຄວາມສຳຄັນຂອງວຽກງານດ້ານກົງຈັກການຈັດຕັ້ງ, ດ້ານການຄັດເລືອກບຸກຄະລາກອນ ແລະ ທ່ານໄດ້ຮຽກຮ້ອງໃຫ້ແຕ່ລະທ່ານຕ້ອງກຳແໜ້ນເຖີງພາລະບົດບາດ, ໜ້າທີ່ ຂອງແນວລາວສ້າງຊາດ, ສືບຕໍ່ຜັນຂະຫຍາຍຄຳສັ່ງແນະນຳຂອງນາຍົກລັດຖະມົນຕີ ເລກທີ 03 /ນຍ ລົງສູ່ແຕ່ລະຮາກຖານ ເພື່ອໃຫ້ກົງຈັກການຈັດກະທັດລັດ ແລະ ຮັບປະກັນດ້າຄຸນນະພາບ ເປັນຕົ້ນແນໃສ່ເຮັດໃຫ້ດ້ານບຸກຄະລາກອນຂອງອົງການແນວລາວສ້າວຊາດແຕ່ລະຂັ້ນມີຄວາມໜັກແໜ້ນ, ເຂັ້ມແຂງເປັນກ້າວໆ.

2019-08-23

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ