ແນະນຳ ສນຊ (LFND)

ຄະນະຜູ້ແທນແນວໂຮມແຫ່ງຊາດ ນະຄອນໂຮ່ຈີມິນ ສສ ຫວຽດນາມເຂົ້າຢ້ຽມຂໍ່ານັບ ການນຳ ສນຊ

ທ່ານ ເຈີ່ນ ຮີວ ເຝືອກ ຮອງປະທານແນວໂຮມແຫ່ງຊາດ ນະຄອນໂຮ່ຈີມິນ ພ້ອມດ້ວຍຄະ ນະ ໄດ້ເຂົ້າຢ້ຽມຂໍ່ານັບ ທ່ານ ຄຳໃບ ດຳລັດ ຮອງປະທານ ສູນກາງແນວລາວສ້າງຊາດ, ໃນວັນທີ 26 ສິງຫາ 2019 ນີ້, ທີ່ສູນກາງແນວລາວສ້າງຊາດ. ໂອກາດນີ້, ທ່ານ ເຈີ່ນ ຮີວ ເຝືອກ ໄດ້ແຈ້ງສະພາບລວມການມາຢ້ຽມຢາມ ແລະ ເຄື່ອນໄຫວເຮັດວຽກ ຢູ່ ສປປ ລາວ ເຊິ່ງຈະເຄື່ອນໄຫວຢູ່ ນະຄອນຫຼວງວຽງຈັນ ແລະ ແຂວງ ຈຳປາສັກ. ພ້ອມດຽວກັນນີ້ກໍ່ໄດ້ມອບເງິນຈຳນວນ 5.000 ໂດລາ ແລະ ຄອມພີວເຕີໂນດບຸກ ຈຳນວນ 5 ໜ່ວຍ ເພື່ອປະກອບສ່ວນເຂົ້າໃນວຽກງານຂອງແນວລາວສ້າງຊາດ.

ໃນນີ້, ທ່ານຮອງປະທານສູນກາງແນວລາວສ້າງຊາດ ໄດ້ຕີລາຄາສູງຕໍ່ການມາຢ້ຽມຢາມ ແລະເຮັດວຽກ ຢູ່ ສປປ ລາວ ໃນຄັ້ງນີ້ ແລະ ສະແດງຄວາມຍິນດີຕ້ອນຮັບ ທ່ານ ເຈີ່ນ ຮີວ ເຝືອກ ພ້ອມຄະນະຢ່າງອົບອຸ່ນ. ເຊິ່ງທ່ານໄດ້ຍົກໃຫ້ເຫັນສະພາບລວມ, ສາຍພົວພັນຮ່ວມມືລະຫວ່າງສອງພັກສອງລັດ ກໍ່ຄືປະຊາຊົນສອງຊາດລາວ-ຫວຽດນາມ, ເວົ້າລວມ ເວົ້າສະເພາະ ກໍ່ຄືການພົວພັນຮ່ວມມືລະຫວ່າງສູນກາງແນວລາວສ້າງຊາດ ກັບແນວໂຮມປະເທດຊາດຫວຽດນາມ, ຄະນະຂົນຂວາຍປະຊາຊົນຫວຽດນາມ, ຄະນະກຳມະການຊົນເຜົ່າ ແລະ ຄະນະກຳມະການສາສະໜາແຫ່ງລັດຖະບານ ສສ ຫວຽດນາມ. ເຊິ່ງເປັນການປະກອບສ່ວນເສີມສ້າງສາຍພົວພັນມິຕະພາບ ໃຫ້ນັບມື້ຂະຫຍາຍຕົວຍິ່ງໆຂື້ນ.

2019-08-27

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ