ແນະນຳ ສນຊ (LFND)

ທ່ານ ປອ ໄຊສົມພອນ ພົມວິຫານ ໂອ້ລົມພະນັກງານຫຼັກແຫຼ່ງເມືອງໄຊເສດຖາ

ໃນວັນທີ 26 ສິງຫາ 2019 ນີ້, ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານ ສູນກາງແນວລາວສ້າງຊາດ, ສະມາຊິກສະພາແຫ່ງຊາດ ຊຸດທີ VIII ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ເຂົ້າຮ່ວມພິທີພົບປະລະຫວ່າງ ຜູ້ມີສິດເລືອກຕັ້ງກັບສະມາຊິກສະພາແຫ່ງຊາດ ຊຸດທີ 8 ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ຊຸດທີ 1 ທີ່ສະໂມສອນເມືອງໄຊເສດຖາ ມີທ່ານ ປຣະຈິດ ໄຊຍະວົງ ຮອງປະທານການຄ້າ ແລະ ອຸດສາຫະກໍາ ນະຄອນຫຼວງວຽງຈັນ ສະມາຊິກສະພາແຫ່ງຊາດ ຊຸດທີ 8 ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ, ມີທ່ານ ບຸນປີງ ປັນຍາຈິດ ຮອງເຈົ້າເມືອງໆໄຊເສດຖາມີບັນດາທ່ານມາຈາກ 25 ພາກສ່ວນອ້ອມຂ້າງເມືອງເຂົ້າຮ່ວມທັງໝົດ 72 ທ່ານ ຍິງ 31 ທ່ານ.

ທ່ານ ນ. ພອນວິໄລ ໄຊປັນຍາ ຄະນະປະຈໍາພັກເມືອງ, ປະທານກວດກາພັກ-ລັດ ເມືອງໄຊເສດຖາ ໄດ້ລາຍງານໃຫ້ຮູ້ວ່າ: ເມືອງໄຊເສດຖາ ແມ່ນໜຶ່ງໃນ 9 ຕົວເມືອງຂອງນະຄອນຫຼວງວຽງຈັນ. ມີເນື້ອທີ 14.503.28 ເຮັກຕາ, ມີພົນລະເມືອງທັງໝົດ 109.533 ຄົນ, ຍິງ 55.942 ຄົນ, 48 ບ້ານ, 21.735 ຄອບຄົວ, 22.113 ຫຼັງຄາເຮືອນ. ດ້ານການເມືອງແນວຄິດ ຄະນະພັກ, ອົງການປົກຄອງເມືອງໄຊເສດຖາ ໄດ້ຖືສໍາຄັນ ແລະ ເອົາໃຈໃສ່ຜັນຂະຫຍາຍແຜນນະໂຍບາຍຂອງພັກ ແລະ ກົດໝາຍຂອງລັດ ດ້ວຍຫຼາຍຮູບຫຼາຍສີ ເປັນຕົ້ນແມ່ນ ໄດ້ເອົາມະຕິກອງປະຊຸມໃຫຍ່ຄັ້ງທີ VI ແລະ ແຜນພັດທະນາເສດຖະກິດ-ສັງຄົມມາຈັດຕັ້ງປະຕິບັດ ໃຫ້ປະກົດຜົນເປັນຈິງເທື່ອລະກ້າວ, ດ້ານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນມີສະຕິລະວັງຕົວຕໍ່ເລ່ຫຼ່ຽມກົນອຸບາຍມ້າງເພທໍາລາຍຂອງບັນດາອິດທິກໍາລັງປໍລະປັກ ແລະ ພວກຄົນບໍ່ດີ, ຕ້ານ ແລະ ສະກັດກັ້ນບັນດາປະກົດການຫຍໍ້ທໍ້ຕ່າງໆ ໃນສັງຄົມ ໃຫ້ນັບມື້ຫຼຸດລົງເທື່ອລະກ້າວ, ດ້ານເສດຖະກິດ ປີ 2018 ເມືອງໄຊເສດຖາ ໄດ້ຮັບງົບປະມານການລົງທືນທີ່ສະພາແຫ່ງຊາດອະນຸມັດໃຫ້ 26 ໂຄງການມູນຄ່າ 3.260 ລ້ານກີບ, ການຜະລິດເຂົ້ານາປີ ເນື້ອທີ່ 2.434 ເຮັກຕາ ສະມັດຕະພາບສະເລ່ຍ 4.40 ໂຕນ/ເຮັກຕາ, ປະຈຸບັນທົ່ວເມືອງມີຫົວໜ່ວຍທຸລະກິດທີ່ມາຈົດທະບຽນວິສາຫະກິດທັງໝົດ 7.904 ຫົວໜ່ວຍ ລວມທຶນຈົດທະບຽນທັງໝົດ 9.326 ຕື້ກີບ, ມີສູນການຄ້າ 6 ແຫ່ງ ແລະ ມີຕະຫຼາດ 10 ແຫ່ງ, ດ້ານວັດທະນະທໍາ-ສັງຄົມ ປະຈຸບັນທົ່ວເມືອງມີໂຮງຮຽນທັງໝົດ 155 ແຫ່ງ, ໂຮງຮຽນລັດ 56 ແຫ່ງ ແລະ ໂຮງຮຽນເອກະຊົນ 99 ແຫ່ງ, ມີໂຮງໝໍ 5 ແຫ່ງ ໂຮງໝໍລັດ 1 ແຫ່ງ ແລະ ໂຮງໝໍເອກະຊົນ 4 ແຫ່ງ.
ໃນໂອກາດນີ້, ທ່ານ ປອ ໄຊສົມພອນ ພົມວິຫານ ໄດ້ສະແດງຄວາມຍ້ອງຍໍຊົມເຊີຍຕໍ່ກັບຄະນະພັກ-ຄະນະນໍາເມືອງທີ່ໄດ້ເຊີດຊູນໍ້າໃຈການບໍລິການ ແລະ ປັບປຸງແບບແຜນການເຮັດວຽກ ເສີມຂະຫຍາຍສິດເປັນເຈົ້າຂອງປະຊາຊົນລາວບັນດາເຜົ່າປຸກລະດົມກໍາລັງແຮງ, ພ້ອມກັນນີ້, ທ່ານຍັງໄດ້ໃຫ້ຮູ້ວ່າ: ຜ່ານການເຂົ້າຮ່ວມກອງປະຊຸມວິສາມັນ ຄັ້ງທີ VII ຂອງສະພາແຫ່ງຊາດຄື: ລາຍງານກ່ຽວກັບການຈັດຕັ້ງປະຕິບັດຂອງນາຍົກລັດຖະມົນຕີຕໍ່ສະພາແຫ່ງຊາດ, ສືບຕໍ່ເອົາໃຈໃສ່ໃນການພັດທະນາຊັບພະຍາກອນມະນຸດ, ສ້າງ ແລະ ປັບປຸງແຫຼ່ງທ່ອງທ່ຽວໃຫ້ສາມາດດຶງດູດນັກທ່ອງທ່ຽວເຂົ້າມາລາວ, ຈັດຕັ້ງປະຕິບັດຄໍາຕັດສີນຂອງສານໃຫ້ຍຸຕິທໍາ, ບັນຫາອອກໃບຕາດິນຊໍ້າຊ້ອນ, ປັບປຸງ ແລະ ສັບຊ້ອນບຸກຄະລາກອນ, ສືບຕໍ່ປັບປຸງ ແລະ ປະກາດຮັບໃຊ້ກົດໝາຍທີ່ຕິດພັນກັບເສດຖະກິດ ໂດຍສະເພາະກົດໝາຍວ່າ ດ້ວຍການເກັບອາກອນລາຍຮັບ ແລະ ລາຍຈ່າຍ.

2019-08-27

ປະຕິທິນ

Nov-2019
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ