ແນະນຳ ສນຊ (LFND)

ກອງປະຊຸມສຳມະນາອົງການແນວໂຮມ 4 ປະເທດ: ສປ ຈີນ, ສປປເກົາຫຼີ, ສສ ຫວຽດນາມ ແລະ ສປປ ລາວ

ທ່ານ ຄຳໃບ ດຳລັດ ກຳມະການສູນກາງພັກ, ຮອງປະທານ ສູນກາງແນວລາວສ້າງຊາດ (ສນຊ) ພ້ອມດ້ວຍຄະນະໄດ້ເຂົ້າຮ່ວມ ກອງປະຊຸມສຳມະນາອົງການແນວໂຮມ 4 ປະເທດຄື: ສປ ຈີນ, ສປປ ເກົາຫຼີ, ສສ ຫວຽດນາມ ແລະ ສປປ ລາວໃນຄັ້ງວັນທີ 4 ກັນຍາ 2019 ນີ້, ທີ່ນະຄອນຫຼວງປັກກິງ ປະເທດຈີນ ໂດຍເປັນປະທານຂອງທ່ານ ເຊຍ ປາວຫລົງ ຮອງປະທານສະພາ, ທັງເປັນເລຂາທິການສະພາທີ່ປືກສາການເມືອງທົ່ວປະເທດຈີນ, ກອງປະຊຸມຄັ້ງນີ້ມີຜູ້ຕາງໜ້າອົງການແນວໂຮມຈາກ 4 ປະເທດເຂົ້າຮ່ວມ.

ກອງປະຊຸມສຳມະນາຄັ້ງນີ້ ເປັນຄັ້ງທຳອິດ ຂອງອົງການແນວໂຮມ ເປັນຂີດໝາຍທີ່ສຳຄັນໃນການເສີມຂະຫຍາຍສາຍພົວພັນມິດຕະພາບຢ່າງສະໜິດແໜ້ນເພື່ອເປັນການຮ່ວມໃຈສົ່ງເສີມຄວາມຮັບຮູ້ເປັນເອກະພາບ, ເສີມຂະຫຍາຍບົດບາດຂອງອົງການຂອງຕົນໃຫ້ດີ ໃຫ້ມີອຸດົມການ ເພື່ອເສີມສ້າງູຄວາມສາມັກຄີໃນທົ່ວປະເທດ ຕ້ອງຕິດພັນກັບປະຊາທິປະໄຕ ແລະ ກົດໝາຍ ການປະສານສົມທົບລະຫວ່າງແນວໂຮມຂອງບັນດາປະເທດໂດຍປະຕິບັດຕາມລະບຽບກົດໝາຍ, ແຕ່ຕ້ອງໃຫ້ມີລະບຽບກົດໝາຍຢ່າງຊັດເຈນ, ມີຮູບແບບການເຮັດວຽກຢ່າງກົມກຽວກັນ ເຮັດໃຫ້ປະຊາຊົນສາມາດເຂົ້າເຖີງໄດ້ຢ່າງກວ້າງຂວາງ ແລະ ຕ້ອງເອົາໃຈໃສ່ໃນການປັບປຸງ, ຍົກລະດັບພະນັກງານ ຕ້ອງປຸກລະດົມ ແລະ ສົ່ງເສີມໃຫ້ມີຄວາມຮັບຜິດຊອບສູງ ຕໍ່ການປົກປ້ອງສິດຜົນປະໂຫຍດຂອງປະຊາຊົນຢ່າງແທ້ຈີງ, ໂຄ ສະນາປູກລະດົມປະຊາຊົນເຂົ້າຮ່ວມການປົກປັກຮັກສາ ແລະ ສ້າງສາພັດທະນາປະເທດຊາດ, ເຮັດໃຫ້ບັນລຸເປົ້າໝາຍທີ່ພັກວາງໄວ.  ພ້ອມກັນນີ້, ບັນດາທ່ານຈາກ 4 ອົງການແນວໂຮມ ໄດ້ລາຍງານກົນໄກການຈັດຕັ້ງປະຕິບັດ ແລະ ພາລະບົດບາດ, ສິດ, ໜ້າທີ່ອົງການຂອງຕົນຕໍ່ກອງປະຊຸມສຳມະນາຄັ້ງນີ້, ໂດຍເນັ້ນວ່າ: ວຽກງານແນວໂຮມເວລາໃດກໍ່ມີຄວາມສຳຄັນໃນການສຶກສາອົບຮົມປຸກລະດົມປະຊາ ຊົນເຂົ້າຮ່ວມຂະບວນການຕ່າງໆ ໂດຍສະເພາະແມ່ນການທ້ອນໂຮມປະເທດຊາດເປັນພາລະກິດອັນສຳ ຄັນທີ່ສຸດຂອງຊາດ.

    ໃນໂອກາດນີ້, ທ່ານ ຄຳໃບ ດຳລັດ ໄດ້ເປັນກຽດປະກອບຄຳເຫັນຕໍ່ກອງປະຊຸມສຳມະນາຄັ້ງນີ້, ກ່ອນອື່ນໝົດທ່ານໄດ້ສະແດງຄວາມຂອບໃຈຢ່າງສູງຕໍ່ການຕ້ອນຮັບອັນອົບອຸ່ນ ແລະ ສະໜິດສະໜົມຂອງບັນດາສະຫາຍ ນັບແຕ່ມື້ເດີນທາງມາເຖີງ ນະຄອນຫຼວງປັກກິງ ດິນແດນແຫ່ງອະລິຍະທຳທີ່ສວຍສົດງົດງາມແຫ່ງນີ້, ກອງປະຊຸມຄັ້ງນີ້ມີຄວາມສໍາຄັນຫຼາຍ ເປັນການສະແດງເຖີງຄວາມຕັ້ງໜ້າຂອງສອງພັກ-ສອງລັດຖະບານ ແລະ ປະຊາຊົນສອງຊາດ ລາວ-ຈີນ ເປັນການເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອອັນດີງາມມາແຕ່ດົນນານ ແມ່ນສາຍພົວພັນແບບເພື່ອນມິດສະຫາຍອ້າຍນ້ອງຮ່ວມຍຸດທະສາດຮອບດ້ານ.

      ຄະນະໄດ້ເຂົ້າພົບປະສອງຝ່າຍໂດຍເປັນກຽດຕ້ອນຮັບຂອງທ່ານ ວາງ ຢາງ , ຄະນະປະຈໍາກົມການເມືອງສູນກາງພັກ,ປະທານສະພາທີ່ປຶກສາການເມືອງທົ່ວປະເທດຈີນ ສອງຝ່າຍໄດ້ຕີລາຄາສູງຕໍ່ກັບສາຍພົວພັນມິດຕະພາບ ແລະ ການຮ່ວມມືລາວ-ຈີນ.

2019-09-06

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ