ແນະນຳ ສນຊ (LFND)

ພິທີມອບ-ຮັບເຄື່ອງຊ່ວຍເຫຼືອຜູ້ປະສົບເຄາະຮ້າຍໄພພິບັດນໍ້າຖ້ວມ

ເພື່ອເປັນການປະກອບສ່ວນຊ່ວຍເຫຼືອປະຊາຊົນຜູ້ທີ່ໄດ້ຮັບຜົນກະທົບ ຈາກໄພພິບັດນໍ້າຖ້ວມປີ 2019 ຢູ່ບັນດາແຂວງ ພາກໃຕ້ ຂອງ ສປປ ລາວ, ເມື່ອວັນທີ 09 ກັນຍານີ້ ທີ່ສູນກາງແນວລາວສ້າງຊາດໄດ້ມີພິທີມອບ-ຮັບ ເງິນ ແລະ ເຄື່ອງ ຈາກມູນນິທິວິລະພູວົງ ມາມອບໃຫ້ສູນກາງແນວລາວສ້າງຊາດ ເພື່ອນໍາໄປຊ່ວຍເຫຼືອຜູ້ໄດ້ຮັບຜົນກະທົບ.

ພາກສ່ວນທີ່ນໍາເງິນ ແລະ ເຄື່ອງຊ່ວຍເຫຼືອມາມອບຄັ້ງນີ້ແມ່ນ ມູນນິທີວິລະພູວົງ ເຊິ່ງມີເງິນສົດ ຈໍານວນ 120 ລ້ານກີບ ແລະ ຢາປົວພະຍາດ ຈໍານວນໜຶ່ງ ລວມມູນຄ່າທັງໝົດ 200 ລ້ານກວ່າກີບ; ກ່າວຮັບໂດຍ ທ່ານ ເຢ່ຍເກີຢ່າ ໜໍຈໍຈົງຕົວ, ຮອງປະທານສູນກາງແນວລາວສ້າງຊາດ ພ້ອມດ້ວຍພາກສ່ວນກ່ຽວຂ້ອງ; ໃນໂອກາດນີ້, ທ່ານ ຮອງປະທານສູນກາງແນວລາວສ້າງຊາດ ຍັງໄດ້ສະແດງຄວາມຂອບໃຈຕໍ່ພາກສ່ວນຕ່າງໆທີ່ໄດ້ນໍາເງິນ ແລະ ເຄື່ອງມາມອບໃຫ້ສູນກາງແນວລາວສ້າງຊາດ ເພື່ອນໍາໄປມອບຕໍ່ໃຫ້ ປະຊາຊົນລາວ ທາງພາກໃຕ້ທີ່ຖືກຜົນກະທົບຈາກໄພນໍ້າຖ້ວມໃນຄັ້ງນີ້ ແລະ ຫວັງວ່າ ໂອກາດຈະໄດ້ຮັບການຊ່ວຍເຫຼືອຈາກບັນດາທ່ານຕື່ມອີກ.

2019-09-10

ປະຕິທິນ

Sep-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ