ແນະນຳ ສນຊ (LFND)

ປະທານ ສນຊ ຕ້ອນຮັບທູດຝຣັ່ງ

ໃນວັນທີ 20 ກັນຍາ 2019 ນີ້, ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກຕ້ອນຮັບການເຂົ້າຢ້ຽມຂໍ່ານັບຂອງທ່ານ ນ. ຟລໍຣ້ອງສ ຊັອງບລັອງ-ຣິສແລກ ເອກອັກຄະລັກຖະທູດ ຝຣັ່ງ ປະຈໍາ ສປປ ລາວ ຄົນໃໝ່ ຢູ່ທີ່ສູນກາງແນວລາວສ້າງຊາດ (ສນຊ) ມີພະນັກງານທີ່ກ່ຽວຂ້ອງເຂົ້າຮ່ວມ.

ທ່ານ ປອ ໄຊສົມພອນ ພົມວິຫານ ໄດ້ສະແດງຄວາມຍິນດີຕ້ອນຮັບ ທ່ານ ເອກອັກຄະລັດຖະທູດ ທີ່ຖືກການມອບໝາຍມາປະຈໍາ ສປປ ລາວ ທ່ານໄດ້ລາຍງານສະພາບ ໂດຍຫຍໍ້ໃຫ້ທ່ານທູດຮັບຊາບວ່າ: ສນຊ ໄດ້ມີບົດບາດໃນການສຶກສາອົບຮົມເຕົ້າໂຮມຄວາມສາມັກຄີປອງດອງຂອງປະຊາຊົນລາວບັນດາເຜົ່າ, ສາສະໜາ, ເພດໄວ. ພ້ອມກັນນີ້ ໄດ້ມີການຮ່ວມມືກັບກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ທາງດ້ານໂຄງການປົກປັກຮັກສາສິ່ງແວດລ້ອມ, ຮ່ວມມືກັບກະຊວງສາທາລະນະສຸກ ທາງດ້ານໂພຊະນາການ ການສັກຢາປ້ອງກັນພະຍາດຂອງປະຊາຊົນລາວບັນດາເຜົ່າ, ໄດ້ຮ່ວມມືກັບອົງການອາຫານໂລກ-ອົງການຢູນີເຊັບ ແລະ ຮ່ວມມືກັບບັນດາປະເທດອ້ອມຂ້າງ ຮ່ວມມືກັບທະນະຄານພົງສະຫວັນໃນການເຮັດທົດລອງໂຄງການສ້າງຄອບຄົວ ແລະ ບ້ານສາມັກຄີປອງດອງ ຢູ່ແຂວງໄຊສົມບູນ ແລະ ສະຫວັນນະເຂດ, ພ້ອມກັນນີ້ ອົງການແນວລາວສ້າງຊາດ ຍັງໄດ້ຕິດຕາມກວດກາເກັບກໍາຫາງສຽງສັງຄົມຂໍ້ຂັດຂ້ອງໝອງໃຈເພື່ອສົ່ງໃຫ້ພາກສ່ວນຕ່າງໆແກ້ໄຂ.

 ທ່ານ ນ. ຟລໍຣ້ອງສ ຊັອງບລັອງ-ຣິສແລກ ໄດ້ສະແດງຄວາມຂອບໃຈຕໍ່ກັບການຕ້ອນຮັບອັນອົບອຸ່ນຂອງທ່ານ ປະທານ ສນຊ ພ້ອມທັງແຈ້ງວາລະການມາຮັບຕໍາແໜ່ງເປັນເອກອັກຄະລັດຖະທູດ ຝຣັ່ງ ປະຈໍາ ສປປ ລາວ ເປັນເວລາ 1 ປີ ແລ້ວ ແຕ່ເນື່ອງຈາກວ່າບໍ່ທັນໄດ້ເຂົ້າເຮັດວຽກຮ່ວມກັບ ສນຊ ຈຸດປະສົງມາຄັ້ງນີ້ ເພື່ອເປັັນການສືບຕໍ່ສາຍພົວພັນການຮ່ວມມືລະຫວ່າງ ລາວ-ຝຣັ່ງ.

2019-09-23

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ