ແນະນຳ ສນຊ (LFND)

ພິທີມອບ-ຮັບ ເຄື່ອງຊ່ວຍເຫຼືອ

ໃນວັນທີ 24 ກັນຍາ 2019 ນີ້, ນັກທຸລະກິດໜຸ່ມ ສ. ເກົາຫຼີ ປະຈໍາລາວ ມອບເງີນຈໍານວນ 10 ລ້ານກີບໃຫ້ແກ່ສູນກາງແນວລາວສ້າງຊາດ ໂດຍເປັນກຽດມອບຂອງທ່ານ ໂກ ຢູນໂຮ ປະທານນັກທຸລະກິດໜຸ່ມ ແຫ່ງ ສ. ເກົາຫຼີ ປະຈໍາລາວ ແລະ ທ່ານ ຄີມກີຈູ ຫົວໜ້າສະມາຄົມ ສ.ເກົາຫຼີ ພ້ອມດ້ວຍຄະນະ

ໄດ້ມາມອບເຄື່ອງຊ່ວຍເຫຼືອເປັນມູນຄ່າ 3000 ໂດລາ ສະຫະລັດ ມາມອບໃຫ້ສູນກາງແນວລາວສ້າງຊາດ ເຊິ່ງເງິນ ແລະ ເຄື່ອງຊ່ວຍເຫຼືອຈໍານວນດັ່ງກ່າວແມ່ນເພື່ອນໍາໄປມອບຕໍ່ໃຫ້ແກ່ປະຊາຊົນທີ່ຖືກຜົນກະທົບຈາກໄພນໍ້າຖ້ວມຢູ່ພາກໃຕ້ ແລະ ເຂດຫ່າງໄກສອກຫຼີກ ໂດຍເປັນກຽດກ່າວຮັບຂອງ ທ່ານ ເຍ່ຍເກີຢ່າ ໜໍຈໍຈົ້ງຕົວ ຮອງປະທານສູນກາງແນວລາວສ້າງຊາດ ມີບັນດາຜູ້ທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ໃນໂອກາດນີ້, ທ່ານ ຮອງປະທານ ສນຊ ໄດ້ສະແດງຄວາມຂອບໃຈຢ່າງສູງຕໍ່ກັບສະມາຄົມ ສ. ເກົາຫຼີ ແລະ ນັກທຸລະກິດ ສ. ເກົາຫຼີ ທີ່ມີນໍ້າໃຈເອື້ອເຟື້ອເພື່ອແຜ່ໃຫ້ການຊ່ວຍເຫຼືອປະຊາຊົນທີ່ຖືກໄພນໍ້າຖ້ວມຄັ້ງນີ້, ຂ້າພະເຈົ້າຕາງໜ້າໃຫ້ສູນກາງແນວລາວສ້າງຊາດ ປະຕິຍານວ່າ: ຈະນໍາເອົາເຄື່ອງຊ່ວຍເຫຼືອ ແລະ ເງີນຈໍານວນດັ່ງກ່າວໄປມອບໃຫ້ຮອດມືປະຊາຊົນ ແລະ ຫວັງວ່າໂອກາດໜ້າຈະໄດ້ຮັບການຊ່ວຍເຫຼືອຈາກບັນດາທ່ານຕື່ມອີກ. ພ້ອມດຽວກັນນີ້, ທັງສອງຝ່າຍຍັງໄດ້ປຶກສາຫາລື ແລກປ່ຽນບົດຮຽນເຊິ່ງກັນ ແລະ ກັນ ໃນຮູບແບບຂອງການຊ່ວຍເຫຼືອ, ເພື່ອເປັນການຮັດແໜ້ນສາຍພົວພັນຮ່ວມມື ແລະ ຍັງເປັນການແລກປ່ຽນຂໍ້ມູນຂ່າວສານ, ປະສານສົມທົບ ແລະ ສະໜັບສະໜູນ ເຊິ່ງກັນ ແລະ ກັນ ກ່ຽວກັບວຽກງານທີ່ເປັນປະໂຫຍດໃຫ້ແກ່ປະຊາຊົນສອງປະເທດອີກດ້ວຍ.

2019-09-25

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ