ແນະນຳ ສນຊ (LFND)

ທ່ານຮອງປະທານໂອ້ລົມພົບພໍ່ແມ່ປະຊາຊົນບ້ານນາສ້ຽວ

ໃນວັນທີ 25 ກັນຍາ 2019ນີ້, ທ່ານ ເຍ່ຍເກີຢາ ໝໍຈໍຈົງຕົວ ຮອງປະທານ ສູນກາງແນວລາວສ້າງຊາດ ໄດ້ ພົບປະໂອ້ລົມປະຊາຊົນບ້ານ ນາສ້ຽວ ເມືອງນາຊາຍທອງ ນະຄອນຫຼວງວຽງຈັນ ຢູ່ວັດບ້ານນາສ້ຽວ, ມີ ທ່ານ ບຸນຊູ ພະວິເສດ ຮອງເລຂາ ພັກເມືອງ ປະທານກວດກາພັກ-ລັດເມືອງນາຊາຍທອງ, ປະທານແນວລາວສ້າງຊາດເມືອງ, ແນວລາວສ້າງຊາດບ້ານ, ນາຍບ້ານ ຕະຫຼອດຮອດພໍ່ແມ່ປະຊາຊົນບ້ານນາສ້ຽວເຂົ້າຮ່ວມຮັບຟັງ.

ໃນນີ້, ໄດ້ຮັບຟັງການລາຍງານສະພາບລວມຂອງບ້ານໃນໄລຍະທີ່ຜ່ານມາຈາກ ທ່ານ ສົມຊາຍ ສົມບູນມາ ເລຂາພັກບ້ານນາຍບ້ານໆນາສ້ຽວໃຫ້ຮູ້ວ່າ: ບ້ານນາສ້ຽວເປັນບ້ານໜຶ່ງໃນຈຳນວນ 8 ບ້ານຂອງກຸ່ມບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ, ບ້ານນາສ້ຽວມີ ເນື້ອທີ່ 660 ເຮັກຕາ, ມີພົນລະເມືອງ 5.091 ຄົນ, ຍິງ 2.530 ຄົນ, ມີ 1.010 ຄອບຄົວ, ມີ 1.052 ຫຼັງຄາເຮືອນ; ປະກອບມີ 3 ເຜົ່າຄື: ເຜົ່າລາວ, ເຜົ່າມົ້ງ ແລະ ເຜົ່າກຶມມຸ ປະຊາ ຊົນພາຍໃນບ້ານສ່ວນໃຫຍ່ປະກອບອາຊີບ ບໍລິການ-ຄ້າຂາຍ, ປູກຝັງ-ລ້ຽງສັດ ແລະ ອື່ນໆ. ພ້ອມນີ້ໄດ້ເອົາໃຈໃສ່ ໃນການສຶກສາອົບຮົມການເມືອງແນວຄິດເປັນກົກ, ປູກຈິດສຶກນຶກໃຫ້ປະຊາຊົນລາວບັນດາເຜົ່າ ເອົາໃຈໃສ່ເຄື່ອນໄຫວ ປະຕິບັດຕາມພາລະບົດບາດ, ສິດ ແລະ ໜ້າທີ່ຂອງຕົນ; ໂຄສະນາເຜີຍແຜ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ເປັນຕົ້ນໄດ້ນຳເອົາບັນດາມະຕິ, ຄຳສັ່ງ, ແຈ້ງການຕ່າງໆນຳມາ ຈັດຕັ້ງເຜີຍແຜ່ໃຫ້ພໍ່ແມ່ ປະຊາຊົນ ໄດ້ 14 ຄັ້ງ, ມີຜູ້ເຂົ້າຮ່ວມ 1.875 ເທື່ອຄົນ, 850 ຄົນ; ເອົາໃຈໃສ່ໃນການພັດທະນາພື້ນຖານໂຄງລ່າງ ໃນການສ້ອມແປງເສັ້ນທາງຮ່ອມ ພາຍໃນບ້ານ ແລະ ສະກັດກັນປະກົດການຫຍໍ້ທໍ້ຕ່າງໆໃນສັງຄົມ.
ໂອກາດນີ້, ທ່ານ ເຍ່ຍເກີຢາ ໜໍຈໍຈົງຕົວ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ຂອງບ້ານທີ່ຍາດ ມາໄດ້ໃນໄລຍະທີ່ຜ່ານມາ. ພ້ອມນີ້ໄດ້ເນັ້ນໃຫ້ອົງການປົກຄອງບ້ານ, ແນວລາວສ້າງຊາດບ້ານ ແລະ ພໍ່ແມ່ປະ ຊາຊົນໃຫ້ເອົາໃຈໃສ່ໃນວຽກງານສາສະໜາ, ວຽກງານຊົນເຜົ່າ, ວຽກງານຜູ້ຊົງຄຸນວຸດທິ, ເອົາໃຈໃສ່ໃນການ ຈັດຕັ້ງ ປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ເພື່ອເຕົ້າໂຮມຄວາມສາມັກຄີທົ່ວປວງຊົນ ໂດຍເອົາ ຫົວໜ່ວຍຄອບຄົວ ແລະ ຮາກຖານບ້ານເປັນໃຈກາງ. ການພັດທະນາເສດຖະກິດ-ສັງຄົມ ເພື່ອແກ້ໄຂຄວາມທຸກຍາກ ຂອງປະຊາຊົນ, ຈົ່ງຊ່ວຍກັນປົກປັກຮັກສາສິ່ງແວດລ້ອມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ເອົາໃຈໃສ່ໃນການປະກອບສ່ວນເຂົ້າໃນຂະບວນການຕ່າງໆໂດຍສະເພາະຂະບວນການຂໍ່າ ນັບຮັບຕ້ອນວັນສ້າງຕັ້ງແນວ ລາວສ້າງຊາດຄົບຮອບ 70 ປີ ແລະ ອອກແຮງແຂ່ງຂັນສ້າງຂະບວນການ ຂໍ່ານັບຮັບຕ້ອນ ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກ ໃຫ້ເປັນຂະບວນການຟົດຟື້ນ.

2019-09-26

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ