ແນະນຳ ສນຊ (LFND)

ງານກິດຈະກຳຄອບຄົວສາມັກຄີເພື່ອສັນຕິພາບ

ສະມາຄົມຄຸນຄ່າລາວ ຮ່ວມກັບ ສະຫະພັນສັນຕິພາບສາກົນເຂດອາຊີປາຊີຟິກ (UPF) ໄດ້ຈັດ ງານກິດຈະກຳຄອບຄົວສາມັກຄີເພື່ອສັນຕິພາບ ຂຶ້ນໂດຍເປັນກຽດເຂົ້າຮ່ວມຂອງ ທ່ານ ເຢ່ຍເກີຢ່າ ໜໍ່ ຈໍ່ຈົງຕົວ ຮອງປະທານສູນກາງແນວລາວສ້າງຊາດ ຜູ້ຊີ້ນຳວຽກງານຊັ້ນຄົນ-ການຈັດຕັ້ງທາງສັງຄົມ, ມີ ບັນດາທ່ານຮອງປະທານ ສນຊ, ທ່ານ ນາງ ແກ້ວມະນີວອນ ຜາລີຂັນ ທີ່ປຶກສາວຽກງານແນວລາວສ້າງຊາດ ປະທານສະມາຄົມຄຸນຄ່າລາວ, ທ່ານ ນາງ ກະມົນທິບ ພະຍັກວິຊຽນ ຮອງປະທານສະຫະ ພັນສັນຕິພາບສາກົນ ປະຈຳລາຊະອານາຈັກໄທ; ມີຄູ່ສາມີ-ພັນລະຍາ ແລະ ພະນັກງານທີ່ກ່ຽວຂ້ອງເຂົ້າຮ່ວມ ທີ່ສູນຝຶກອົບຮົມ ສູນກາງແນວລາວສ້າງຊາດ ໃນວັນທີ 28 ກັນຍາ 2019.

ໃນວະລະດັ່ງກ່າວ, ຜູ້ເຂົ້າຮ່ວມໄດ້ຮັບຟັງການການບັນຍາຍເອກະສານກ່ຽວກັບ “ການສ້າງ ຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດ” ສະເໜີໂດຍ ທ່ານ ໄທລໍ່ ຫວາເຊັ້ງ ຫົວໜ້າກົມຊັ້ນຄົນ-ການຈັດຕັ້ງທາງສັງຄົມ, ເອກະສານກ່ຽວກັບ “ຄອບຄົວຄືໂຮງຮຽນແຫ່ງຄວາມຮັກ ແລະ ສັນຕິພາບ” ສະເໜີ ໂດຍ ທ່ານ ວະຣາກອນ ສຳອາງ ແລະ ໄດ້ຮັບຊົມສາລະຄະດີ (ວີດີໂອ) ປະຫວັດຄວາມເປັນມາຂອງຄອບຄົວສາມັກຄີ; ໂອກາດນີ້, ຄູ່ສາມີ-ພັນຍາ ຍັງໄດ້ຮ່ວມກິດຈະກຳຄື: ການສະແດງຄວາມຮັກຕໍ່ກັນດ້ວຍການໂອບກອດເຊິ່ງກັນ ແລະ ກັນ, ການປ້ອນໄຂ່ຕົ້ມ ຄືກັນກັບມື້ແຕ່ງງານ ສ້າງຄອບຄົວໃໝ່ຂອງຄູ່ບ່າວ-ສາວ ແລະ ການດື່ມນ້ຳໝາກໄມ້ຮ່ວມກັນ;
ໂອກາດນີ້, ຜູ້ເຂົ້າຮ່ວມກໍ່ຄືຄູ່ສາມີ-ພັນລະຍາ ຍັງໄດ້ຮັບການອວຍພອນຈາກຕົວແທນຂອງບັນດາສາສະໜາ ຄື: ສາສະໜາພຸດ, ສາສະໜາຄຣິດ, ສາສະໜາອິດສະລາມ ແລະ ສາສະໜາບາຮາຍ ເຊິ່ງການອວຍພອນຂອງແຕ່ລະສາສະ ໜາ ເປັນການອວຍພອນໃຫ້ຄູ່ສາມີ-ພັນລະຍາ ມີຄວາມຮັກ, ມີ ຄວາມສັດຊື່ຕໍ່ກັນ ແລະ ຄອງຄູ່ກັນຕະຫຼອດໄປ.

2019-10-02

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ