ແນະນຳ ສນຊ (LFND)

ປະທານ ສນຊ ຕ້ອນຮັບທູດຍີ່ປຸ່ນ.

ໃນວັນທີ 4 ຕຸລາ 2019 ນີ້, ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກຕ້ອນຮັບການເຂົ້າຢ້ຽມຂໍ່ານັບຂອງທ່ານ ເຄໂຊ ທາເກວະກະ (Keizo Takewaka) ເອກອັກຄະລາຊະທູດວິສາມັນຜູ້ມີອຳນາດເຕັມ ແຫ່ງ ຢີ່ປຸ່ນ ປະຈຳ ສປປ ລາວ ຢູ່ທີ່ສູນກາງແນວລາວສ້າງຊາດ (ສນຊ) ເນື່ອງໃນໂອກາດ ມາດໍາລົງຕໍາແໜ່ງ ເປັນເອກອັກຄະລາຖະທູດຄົນໃໝ່.

ໃນໂອກາດນີ້, ທ່ານປະທານ ສນຊ ໄດ້ສະແດງຄວາມຍີນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ການມາຢ້ຽມຢາມຂອງທ່ານ ເຄໂຊ ທາເກວະກະ ທີ່ໄດ້ຖືກແຕ່ງຕັ້ງໃຫ້ ມາປະຕິບັດໜ້າທີ່ການທູດຢູ່ ສປປ ລາວ ຊຶ່ງເປັນການປະກອບສ່ວນອັນສຳຄັນເຂົ້າໃນ ການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດໃຫ້ມີຄວາມແໜ້ນແຟ້ນຍິ່ງໆຂຶ້ນ.
ນອກຈາກນີ້ ທັງສອງຝ່າຍ ຍັງໄດ້ມີການປຶກສາຫາລື ແລກປ່ຽນຄຳຄິດຄຳເຫັນກ່ຽວກັບການຮ່ວມມືທາງດ້ານການຄ້າ-ການລົງທືນໂດຍສະເພາະແມ່ນຂະແໜງໂທລະຄົມມະນາຄົມ ແລະ ການສື່ສານ. ເພື່ອເປັນການສືບຕໍ່ເສີມຂະຫຍາຍສາຍພົວພັນຮ່ວມມືອັນດີງາມລະຫວ່າງ 2 ລັດຖະບານ ແລະ ປະຊາຊົນ 2 ຊາດລາວ - ຍີ່ປຸ່ນ ໃຫ້ມີການຂະຫຍາຍຕົວເພີ່ມຂຶ້ນເລື້ອຍໆ ພ້ອມກັນນີ້, ທ່ານທູດຍີ່ປຸ່ນ ໄດ້ສະແດງຄວາມຂອບໃຈຕໍ່ທ່ານປະທານສູນກາງແນວລາວສ້າງຊາດ ທີ່ໃຫ້ການຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້ຢ່າງອົບອຸ່ນ, ເປັນກັນເອງ ພ້ອມທັງ ຈະສືບຕໍ່ປະຕິບັດໜ້າທີ່ການທູດຂອງຕົນ ໃຫ້ໄດ້ຮັບຜົນສໍາເລັດອັນຈົບງາມ.

2019-10-07

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ