ແນະນຳ ສນຊ (LFND)

ກອງປະຊຸມຍົກລະດັບທັກສະການສ້າງຄວາມສາມັກຄີ ແລະ ການໄກ່ເກ່ຍບັນຫາ

ໃນລະຫວ່າງວັນທີ 30 ກັນຍາ-4ຕຸລາ 2019 ນີ້, ສູນກາງແນວລາວສ້າງຊາດ ຮ່ວມກັບແນວລາວສ້າງຊາດ ແຂວງໄຊສົມບູນ ໄດ້ຈັດກອງປະຊຸມຝຶກອົບຮົມທັກສະການສ້າງຄວາມສາມັກຄີ ແລະ ການໄກ່ເກ່ຍບັນຫາ ຢູ່ທີ່ເມືອງຮົ່ມ, ໂດຍການເປັນປະທານຂອງ ທ່ານ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ, ເປັນກຽດເຂົ້າຮ່ວມມີ ທ່ານ ບົວພັນ ວັນດາວົງ ເລຂາພັກເມືອງ, ເຈົ້າເມືອງເມືອງຮົ່ມ, ມີ ທ່ານ ສີລັດ ພານຸວົງ ຮອງປະທານແນວລາວສ້າງຊາດ ແຂວງໄຊສົມບູນ, ມີປະທານ, ຮອງປະທານ ແລະ ພະນັກງານວິຊາການແນວລາວສ້າງຊາດ ເມືອງຮົ່ມ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ກອງປະຊຸມຝຶກອົບຮົມໃນຄັ້ງນີ້, ໄດ້ຮຽນຮູ້ທັກສະການສ້າງຄວາມສາມັກຄີ, ຮຽນຮູ້ທັກສະການວິເຄາະບັນຫາ ແລະ ວິທີການແກ້ໄຂບັນຫາຂໍ້ຂັດແຍ່ງ, ການຮຽນຮູ້ເພື່ອການປ່ຽນແປງ, ຄວາມເຫັນອົກເຫັນໃຈ, ຄວາມເຄົາລັບນັບຖື ແລະ ຄວາມໄວ້ວາງໃຈເຊິ່ງກັນ ແລະ ກັນ. ພ້ອມກັນນັ້ນ, ໄດ້ມີການປະກອບຄຳຄິດຄຳເຫັນເພື່ອປຶກສາຫາລື ແລະ ແລກປ່ຽນບົດຮຽນນຳກັນຢ່າງກົງໄປກົງມາ ເຮັດໃຫ້ສຳມະນາກອນ ສາມາດຮັບຮູ້ ແລະ ເຂົ້າໃຈບົດຮຽນ ໃນຄັ້ງນີ້ໄດ້ຢ່າງເລິກເຊິ່ງ.

ກອງປະຊຸມຄັ້ງນີ້, ແມ່ນເພື່ອເປັນການຍົກລະດັບ ໃຫ້ພະນັກງານແນວລາວສ້າງຊາດ ແລະ ພາກສ່ວນທີ່ກ່ຽວຂ້ອງ ຢູ່ຂັ້ນທ້ອງຖິ່ນ ໄດ້ມີເຂົ້າໃຈຕໍ່ກັບວຽກງານການສ້າງຄວາມສາມັກຄີໃຫ້ຫຼາຍຂຶ້ນ, ໂດຍສະເພາະ ການແກ້ໄຂບັນຫາສະເພາະໜ້າ ແລະ ຮຽນຮູ້ຫຼັກເຫດຜົນໃນການວິເຄາະບັນຫາຕ່າງໆ ເພື່ອຈະໄດ້ນຳເອົາບົດຮຽນ, ຄວາມຮູ້, ຄວາມສາມາດ ແລະ ວິທີການທີ່ຖືກຕ້ອງ ໄປໃຊ້ເຂົ້າໃນວຽກງານການໄກ່ເກ່ຍບັນຫາໃຫຍ່ ໃຫ້ເປັນບັນຫານ້ອຍ ແລະ ບັນຫານ້ອຍໃຫ້ໝົດໄປ.

ພ້ອມກັນນີ້, ທ່ານຮອງປະທານສູນກາງແນວລາວສ້າງຊາດ ກໍໄດ້ມອບເຄື່ອງຊ່ວຍເຫຼືອຈຳນວນໜຶ່ງໃຫ້ບ້ານຜາລະແວດ ແລະ ບ້ານຫ້ວຍຊາຍ ຕື່ມອີກ.

2019-10-08

ປະຕິທິນ

Oct-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ