ແນະນຳ ສນຊ (LFND)

ກອງປະຊຸມໃຫຍ່ຂອງແນວລາວສ້າງຊາດຂັ້ນບ້ານ

ໃນວັນທີ 23 ຕຸລາ 2019 ຜ່ານມານີ້, ທີ່ສູນກະສິກໍາ ບ້າວພ້າວໃຫຍ່ ແນວລາວສ້າງຊາດ 8 ບ້ານຄື: ບ້ານພ້າວໃຫຍ່, ບ້ານສູງ, ບ້ານທົ່ງປາປົກ, ບ້ານນາທານໂກະ, ບ້ານນາທານກ້ວຍ, ບ້ານດົງສະວັງ, ບ້ານຫາງພູໃຫຍ່ ແລະ ບ້ານວຽງຄໍາໄດ້ຈັດກອງປະຊຸມໃຫຍ່ຄັ້ງທີ 2 ຂອງຕົນຂຶ້ນຢ່າງເປັນທາງການໂດຍເປັນປະທານຂອງທ່ານ ຄໍາພອນ ແກ້ວມະນີ ເລຂາໜ່ວຍພັກ-ນາຍບ້ານໆພ້າວໃຫຍ່ ໄດ້ຕາງໜ້າໃຫ້ແກ່ ກໍາມະການແນວລາວສ້າງຊາດບ້ານ, ກອງປະຊຸມຄັ້ງນີ້ຍັງໄດ້ເປັນກຽດເຂົ້າຮ່ວມຂອງທ່ານ ດຣ ພິດສະໄໝ ເຂັມວິໄລ ຄະນະປະຈໍາພັກເມືອງ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ, ປະທານແນວລາວສ້າງຊາດເມືອງ ສາລະວັນ. ມີກອງກໍ່ສ້າງຮາກຖານແຂວງລົງຊ່ວຍວຽກຢູ່ເມືອງສາລະວັນ, ພະນັກງານນໍາພາຫຼັກແຫຼ່ງທີ່ລົງຊີ້ນໍາບ້ານ, ເວລາໜ່ວຍພັກບ້ານ, ນາຍບ້ານ, ປະທານ-ຮອງປະທານແນວລາວສ້າງຊາດ 8 ບ້ານ ຕະຫຼອດຮອດການຈັດຕັ້ງທີ່ກ່ຽວຂ້ອງ 8 ບ້ານເຂົ້າຮ່ວມຢ່າງພ້ອມພຽງ.

ໃນພິທີດັ່ງກ່າວ ທ່ານ ໜູກອນ ອາດມະນີແສງ ກໍາມະການແນວລາວສ້າງຊາດເມືອງ ປະຈໍາຢູ່ບ້ານ ໄດ້ຕາງໜ້າໃຫ້ຄະນະກໍາມະການແນວລາວສ້າງຊາດ 8 ບ້ານ ຂຶ້ນຜ່ານບົດລາຍງານການເມືອງໂດຍຫຍໍ້ ໃນການຈັດຕັ້ງປະຕິບັດວຽກງານແນວລາວສ້າງຊາດໃນໄລຍະຜ່ານມາ ເຫັນວ່າມີໜ້າທີ່ວຽກທີ່ໄດ້ຮັບຜົນສໍາເລັດຕາມລະດັບຄາດໝາຍເປັນຕົ້ນ ການເຕົ້າໂຮມຄວາມສາມັກຄີປະຊາຊົນລາວບັນດາເຜົ່າ, ສາສະໜາ, ຊັ້ນຄົນ ແລະ ການຈັດຕັ້ງສັງຄົມທຸກເຜົ່າ ລ້ວນແຕ່ມີຄວາມສະເໜີພາບຕໍ່ກົດໝາຍ, ຮັບປະກັນຄວາມສາມັກຄີປອງດອງອັນເປັນປືກແຜ່ນແໜ້ນໜາ, ຄະນະກໍາມະການແນວລາວສ້າງຊາດຍາມໃດກໍຖືເອົາວຽກງານໂຄສະນາອົບຮົມ, ຂົນຂວາຍຊວນເຊື່ອປະຊາຊົນລາວບັນດາເຜົ່າ ໃຫ້ຮັບຮູ້ຕໍ່ແນວທາງນະໂຍບາຍຂອງພັກທີ່ມີຕໍ່ບັນດາຊົນເຜົ່າ, ມູນເຊື້ອຄວາມສາມັກຄີຮັກແພງຊ່ວຍເຫຼືອຊິ່ງກັນ ແລະ ກັນ ແລະ ເປັນບົດລາຍງານນີ້ ຍັງໄດ້ສະແດງໃຫ້ເຫັນ ເຖິງດ້ານດີ, ດ້ານອ່ອນ ແລະ ຂໍ້ຄົງຄ້າງ ເພື່ອຊຶ່ງເປັນບົດຮຽນ ໃນການຈັດຕັ້ງປະຕິບັດວຽກງານໃນປີຕໍ່ໜ້າ ແລະ ໄດ້ຜ່ານທິດທາງແຜນການ 5 ປີ (2019-2024) ພ້ອມກັນນີ້ ຜູ້ເຂົ້າຮ່ວມກອງປະຊຸມ ໄດ້ປະກອບຄໍາເຫັນ ໃສ່ບົດລາຍງານດັ່ງກ່າວ ແລະ ຕົບມືຮັບຮອງເອົາຢ່າງເປັນເອກະພາບ, ຄະນະກໍາມະການແນວລາວສ້າງຊາດ ຊຸດເກົ່າ ໄດ້ກ່າວລາໜ້າທີ່ ຈາກນັ້ນກໍ່ໄດ້ຜ່ານມາດຖານເງື່ອນໄຂ ຂອງຜູ້ສະໝັກເປັນຄະນະກໍາມະການແນວລາວສ້າງຊາດ ຊຸດໃໝ່ ໃນ 5 ມາດຖານໃຫຍ່ຄື: ຕ້ອງເປັນຜູ້ທີ່ມີຄຸນທາດການເມືອງສິນທໍາປະຕິວັດ, ຄວາມຮູ້ຄວາມສາມາດ, ແບບແຜນວິທີເຮັດວຽກ ແລະ ດ້ານສຸຂະພາບແຂງແຮງດີ ໄດ້ຜ່ານມະຕິປະຊາມະຕິຂອງກອງປະຊຸມເຊິ່ງໄດ້ຮັບຮອງເອົາ ປະທານ ຮອງປະທານ ແລະ ຄະນະກໍາມະການແນວລາວສ້າງຊາດ ໃນ ຈໍານວນ 8 ບ້ານ ລວມທັງໝົດມີ 66 ທ່ານ, ຍິງ 8 ທ່ານ.

        ໃນຕອນທ້າຍຂອງກອງປະຊຸມ ໄດ້ຮັບຟັງການໂອ້ລົມຂອງທ່ານ ດຣ ພິດສະໄໜ ເຂັມວິໄລ ຄະນະປະຈໍາພັກເມືອງ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ, ປະທານແນວລາວສ້າງຊາດເມືອງ, ສາລະວັນ. ຊຶ່ງກ່ອນອື່ນທ່ານ ໄດ້ສະແດງຄວາມ ຍ້ອງຍໍຊົມເຊີຍ ຕໍ່ຜົນງານການຈັດຕັ້ງປະຕິບັດຂອງຄະນະກໍາມະການແນວລາວສ້າງຊາດ ທີ່ໄດ້ພ້ອມພຽງຮຽງໜ້າ ສ້າງຜົນງານໃນໄລຍະຜ່ານມາໄດ້ຮັບຜົນສໍາເລັດຫຼາຍດ້ານ ທ່ານ ໄດ້ກ່າວເນັ້ນໜັກຕື່ມວ່າ: ກອງປະຊຸມໃຫ່ຍຄັ້ງທີ 2 ຂອງແນວລາວສ້າງຊາດຂັ້ນບ້ານ ຈໍານວນ 8 ບ້ານ ໃນຄັ້ງນີ້: ກ່ອນອື່ນ

ກໍາມະການແນວລາວສ້າງຊາດທຸກສະຫາຍຕ້ອງຮັບປະກັນໃຫ້ບ້ານມີຄວາມສະຖຽນລະພາບທາງດ້ານການເມືອງ, ມີຄວາມສະຫງົບຢ່າງໜັກແໜ້ນ, ຕາມເນື້ອໃນກອງປະຊຸມໃຫຍ່ຄັ້ງທີ X ຂອງພັກກອງປະຊຸມໃຫຍ່ຄັ້ງທີ X ຂອງແນວລາວສ້າງຊາດ ເນື່ອງຈາກແນວລາວສ້າງຊາດມີບົດບາດ ແລະ ທີ່ຕັ້ງອັນສໍາຄັນທີ່ສຸດ, ເປັນກ້ອນກໍາລັງ ມະຫາສາມັກຄີອັນມະຫາສານໃນການເຕົ້າໂຮມຄວາມສາມັກຄີ. ໃນທຸກຂົງເຂດວຽກງານ. ຕ້ອງຮ້ອມພະລັງກັນສ້າງຮາກຖານການເມືອງພັດທະນາຊົນນະບົດຮອບດ້ານ ໂດຍສະເພາະສ້າງບ້ານຂອງຕົນໃຫ້ກາຍເປັນບ້ານພັດທະນາ, ສ້າງໃຫ້ໄດ້ຄອບຄົວສາມັກຄີປອງດອງ ຄອບຄົວຕົວແບບແນວລາວສ້າງຊາດ ເພື່ອຕອບສະໜອງກັບຄວາມຮຽກຮ້ອງຕ້ອງການ ຂອງໜ້າທີ່ການເມືອງໃນໄລຍະໃໝ່ ຕ້ອງສືບຕໍ່ເອົາໃຈໃສ່ປະຕິບັດພາລະບົດບາດເປັນຕົວແທນສິດແຫ່ງຜົນປະໂຫຍດຂອງປະຊາຊົນ ປຸກລະດົມ ຂົນຂວາຍປະຊາຊົນບັນດາເຜົ່າ, ຊັ້ນຄົນ, ສາສະໜາ, ເພດ - ໄວ ພ້ອມກັນນັ້ນ ເອົາໃຈໃສ່ປັບປຸງການຈັດຕັ້ງ, ປັບປຸງລະບອບແບບແຜນ ແລະ ວິທີການເຄື່ອນໄຫວການນໍາພາຂອງຕົນໃຫ້ນັບມື້ນັບດີຂຶ້ນເລື້ອຍໆ ຄະນະພັກ-ອົງການປົກຄອງບ້ານ ແລະ ທຸກຂະແໜງການທີ່ກ່ຽວຂ້ອງຂອງບານຕ້ອງເພິ່ມທະວີການຊີ້ນໍາ ແລະ ສ້າງເງື່ອນໄຂໃຫ້ອົງການແນວລາວສ້າງຊາດໄດ້ເຄື່ອນໄຫວຢ່າງຟົດຟື້ນແຂງແຮງກວ່າເກົ່າ. ປະສານສົມທົບຢ່າງກົມກຽວກັບອົງການພາຄີ, ພະນັກງານອາວຸດໂສບໍານານ, ເຈົ້າກົກ, ເຈົ້າເຫຼົ່າ, ຜູ້ຊົງຄຸນວຸດທິທີ່ມີບົດບາດໃຫ້ມີຄວາມເຂັ້ມແຂງ. ການເຄື່ອນໄຫວວຽກງານຂອງຕົນດ້ວຍຮູບການສ້າງຕັ້ງກອງທືນພັດທະນາຂັ້ນບ້ານ, ກອງທືນສົງເຄາະ ແລະ ອື່ນໆ ຕ້ອງສືບຕໍ່ເປີດກວ້າງການພົວພັນຮ່ວມມື ແລະ ຍາດແຍ່ງເອົາການຊ່ວຍເຫຼືອ ທຸກດ້ານຈາກຂັ້ນເທິງ, ບັນດາອົງການຈັດຕັ້ງຂັ້ນຕ່າງໆ. ໃຫ້ນັບມື້ນັບຫຼາຍຂຶ້ນ ແລະ ກວ້າງຂວາງຂຶ້ນເລື້ອຍໆ.

2019-10-25

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ