ແນະນຳ ສນຊ (LFND)

ວັນທີ 14-15 ຂອງການເດີນທາງທຳມະຍາດຕຣາ 5 ແຜ່ນດິນລ້ອງແມ່ນ້ຳຂອງ ຢູ່ປະເທດໄທ

ພາຍຫຼັງສຳເລັດການເຂົ້າຮ່ວມພິທີໃສ່ບາດ ໃຫຍ່ ຢູ່ເດີນພຣະທາດວັງວຽງຈັນ, ການປູກຕົ້ນໂພ, ພິທີກຳທາງສາສະໜາ ຢູ່ວັດອົງຕື້ ແລະ ທັດສະນະສຶກສາສະຖານທີ່ວັດທະນະທຳ ຈຳນວນໜຶ່ງ ຢູ່ນະຄອນຫຼວງວຽງຈັນ;
ຈາກນັ້ນ, ວັນທີ 27 ຕຸລາ 2019 ຄະນະທຳມະຍາດຕຣາ 5 ແຜນດິນລຸ່ມແມ່ນ້ຳຂອງ ໄດ້ເດີນທາງຕໍ່ໄປປະເທດ ໄທ ຜ່ານດ່ານຂົວມິດຕະພາບ ແຫ່ງທີ 1 ນະຄອນຫຼວງວຽງຈັນ-ແຂວງໜອງຄາຍ ມຸ້ງໜ້າສູ່ ວັດປ່າຄຳສະໂນດ ສະຖານທີ່ສັກສິດຂອງເມືອງບ້ານດຸ່ງ ແຂວງອຸດອນທານີ ໂດຍມີພິທີບູຊາ-ບ່ວງສວງ ພໍ່ປູ່ສີສຸດໂທ ແລະ ຍ່າສີປະທຸມມາ ເພື່ອຄວາມເປັນສິລິມຸ່ງຄຸນ ໃຫ້ກັບຄະນະທຳມະຍາດຕຣາ 5 ແຜ່ນດິນ ແລະ ປູກຕົ້ນໂພ ທີ່ນຳມາຈາກປະເທດອິນເດຍ ຈຳນວນ 2 ຕົ້ນ, ກ່ອນທີ່ຈະເດີນທາງໄປກາບໄຫວ້ບູຊາ-ສູດມົນ ຢູ່ພະທາດເຊິງຊຸມ ແຂວງສະກົນນະຄອນ;

ວັນຕໍ່ມາໄດ້ເຂົ້າຮ່ວມພິທີໃສ່ບາດ ພຣະສົງ 5 ແຜ່ນດິນ ຮ່ວມກັບພຣະສົງ-ສຳມະເນນ ແຂວງສະກົນນະຄ ນ ຈຳນວນ 100 ກວ່າອົງ ເລີ່ມຈາກລານຄົນເມືອງ ໄປຮອດພຣະທາດເຊິງຊຸມ ໂດຍມີພຸດທະສາສະນິກະຊົນ 6 ຊົນເຜົ່າ ມາຈາກຫຼາຍເມືອງເຂົ້າຮ່ວມ, ຈາກນັ້ນ ໄດ້ເດີນທາງໄປວັດມະຫາທາດ ແຂວງນະຄອນພະນົມ, ໄປຢ້ຽມຊົມອານຸສອນສະຖານປະທານໂຮ່ຈິມິນ ຢູ່ບ້ານນາຈອກ ແລະ ພິທີທາງສາສະໜາ ຢູ່ພະທາດພະນົມ ເປັນຕົ້ນ: ພິທີບ່ວງສວງກາບໄຫວບູຊາ, ພິທີສູດມົນ ພຣະສົງ 5 ແຜນດິນ, ພິທີຮົ່ມຜາພະທາດ ແລະ ການປູກຕົ້ນໂພ ເຊິ່ງເປັນສັນຍາລັກແຫ່ງການຕັດສະລູຂອງພະພຸດທະເຈົ້າ,
ກ່ອນຈະເດີນທາງຕໍ່ໄປປະເທດກະປູເຈຍ ຜ່ານຊາຍແດນ ໄທ-ກຳປູເຈຍ, ໃນຕອນເຊົ້າວັນທີ 29 ຕຸລາ 2019, ຄະນະທຳມະຍາດຕາ 5 ແຜນດິນລຸ່ມແມ່ນ້ຳຂອງ ຍັງໄດ້ເຂົ້າຮ່ວມພິທີໃສ່ບາດ ທີ່ອານຸສາວະລີພະຍາສີສັດຕະນາຄະຣາດ ແຂວງນະຄອນພະນົມ ຕື່ມອີກ.

2019-11-04

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ