ໃນວັນທີ 25 ຕຸລາ 2019 ນີ້, ທີ່ສູນກາງແນວລາວສ້າງຊາດ (ສນຊ) ໄດ້ມີພິທີມອບ-ຮັບເງິນ ຈໍານວນ 40 ລ້ານກີບ, ເພື່ອນໍາໃຊ້ເຂົ້າໃນໂຄງການທໍາມະຍາດຕາ 5 ແຜ່ນດິນລຸ່ມແມ່ນໍ້າຂອງ ທີ່ຈັດຂຶ້ນໃນວັນທີ 26 ຕຸລາ ຜ່ານມາ.

ໂດຍການກ່າວມອບຂອງທ່ານ ນ. ວຽງສະໄໝ ຜູ້ຕາງໜ້າບໍລິສັດ ລາວລໍ້ແອນ ຄອນເຊົາແຕນຊີກຣູບ ແລະ ກ່າວຮັບໂດຍທ່ານ ນ. ຄໍາຈັນ ພົມແສງສະຫວັນ ຮອງປະທານ ສູນກາງແນວລາວສ້າງຊາດ,ມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ທ່ານ ຮອງປະທານສູນກາງແນວລາວສ້າງຊາດ ໄດ້ກ່າວສະແດງຄວາມຂອບໃຈເປັນຢ່າງສູງຕໍ່ທ່ານຜູ້ຕາງໜ້າ ບໍລິສັດລາວລໍ້ແອນ ຄອນເຊົາແຕນຊີກຣູບ ທີ່ມີນໍ້າໃຈເອື້ອເຟື້ອ ເພື່ອແຜ່ໃຫ້ ການອຸປະຖໍາ ແລະ ເຫັນໄດ້ຄວາມສໍາຄັນຂອງວຽກງານດັ່ງກ່າວ. ຊິ່ງເງິນຈໍານວນດັ່ງກ່າວແມ່ນນໍາໄປໝູນໃຊ້ເຂົ້າໃນກິດຈະກໍາຕ່າງໆຂອງໂຄງການທໍາມະຍາດຕາ 5 ແຜ່ນດິນລຸ່ມແມ່ນໍ້າຂອງໃຫ້ເກີດຜົນປະໂຫຍດສູງສຸດ.

2019-11-04